I BOB.
DASTURLASH TEXNOLOGIYASI. OBYEKTLARNI BOSHQARISH
10
– chapdagi qiymat o‘ngdagi qiymatdan kichik;
– chapdagi qiymat o‘ngdagi
qiymatdan katta;
– ikkalasi teng;
– mantiqiy ko‘paytirish (konyunksiya) amali: bir vaqtning o‘zida ikkala
mantiqiy ifoda yoki o‘zgaruvchining qiymati rost;
– mantiqiy qo‘shish (dizyunksiya) amali:
kamida bitta mantiqiy ifoda
yoki o‘zgaruvchining qiymati rost (ikkalasi ham rost bo‘lishi mumkin);
– mantiqiy inkor (inversiya) amali: mantiqiy ifoda yoki o‘zgaruvchining
qiymati rost bo‘lsa – yolg‘on, yolg‘on bo‘lsa – rost.
Shart natijasi “rost” qiymatni qabul qilsa, blokning ichida
joylashgan operatorlar bajariladi, aks holda, dasturning
bajarilishi shartli operator blokidan keyingi operatorlarga
uzatiladi.
Bu turdagi bloklarga maxsus turdagi mantiqiy ifodalardan
foydalanuvchi qo‘shimcha blokni kiritish mumkin.
Bunday
bloklar yordamida mantiqiy ifodalar, qandaydir (masalan,
“Sichqoncha tugmachasini bosdingizmi?”, “Tashqarida
yomg‘ir yog‘yaptimi?” yoki “15 * 2 = 36 tenglik to‘g‘rimi?” kabi) savollar “so‘raladi”. Berilgan savolga
“yo‘q, bilmayman” yoki “o‘ylashim kerak” kabi javoblar berilishi mumkin emas. Savollarga faqat va
faqat “ha” yoki “yo‘q” tarzida javob berilishi lozim.
Shuningdek, blok ichida so‘roq tarzidagi iboralardan foydalanilmasligi, balki shunchaki “rost” yoki
“yolg‘on”ligi tasdiqlanadigan ifoda (ibora)lar bo‘lishi ham mumkin.
Masalan, “15 * 2 = 36”, “16 + 3 < 25”.
Mantiqiy ifodada ishtirok etadigan bloklar bitta bo‘limga tegishli bo‘lmasligi ham mumkin.
Ularni
“Sensing” va “Operators” bo‘limlariga tegishli bloklar orasidan topish mumkin. Biz ushbu bo‘limga
tegishli ayrim bloklardan avvalgi darsimizda ham foydalangan edik.