INTERDISCIPLINE INNOVATION AND SCIENTIFIC RESEARCH CONFERENCE
British International Science Conference
54
Birinchi bo‘g‘inga mansub transport bevosita qazish kavjoylariga xizmat ko‘rsatadi,
shu sababli ushbu bo‘g‘in transport
vositalari yuqori unumdorlik, manyovrbob,
ishonchli
ishlashi kabi xususiyatlarga ega bo’lishi kerak.
Ikkinchi bo'g‘in transporti kon massasini qisqa qiya yo‘l uchastkalari orqali tashishni
ta'minlaydi.
Uchinchi bo‘g‘in transporti esa kon massasini uzoq masofalarga nisbatan gorizontal
yo‘llar orqali tashishni ta’minlaydi.
Avtomobil va konveyerli ko‘targichlar kombinatsiyasidan foydalanilganda bo‘lakli kon
massasini qayta yuklash
punktlarida dastlab maydalab, so'ngra konveyerga yuklanadi.
Maydalab - qayta yuklash punktlari karyerning konsentratsion (yig‘uvchi) gorizontlariga
joylashtiriladi va bir necha gorizontga xizmat ko‘rsatadi. Chuqurlik bo‘yicha har 70 -100
metrda maydalab qayta yuklash punktlari pastki gorizontlarga ko‘chirib turiladi.
Avtotransport va skipli ko‘targichlar kombinatsiyasida qayta yuklash punkti bo‘shatish
(to‘kish), qabul qilish qurilmalari va bunker - dozatordan tashkil topadi. Yuk ko‘tarish
qobiliyati 100 tonnagacha bo‘lgan skiplar 35 - 45° qiyalikka ega maxsus yo‘naltirgichlar
bo‘ylab 8 -12 m/sek. tezlikda harakatlanadi. Karyer unumdorligi katta bo’lsa,
bir necha
skipli ko‘targichlardan foydalanish lozim bo’ladi.
Qoplama jinslarni konveyer bilan tashishda ag‘darma, odatda, konsolli ag‘darma hosil
qiluvchi uskuna yordamida amalga oshiriladi (5- rasm). Konsolli ag‘darma hosil qiluvchi
uskuna mustaqil harakatlana oladigan va buriladigan platformaga o‘rnatilgan bir tayanchli
metall ferma ko‘rinishida bo‘ladi.
