10.4.2. Kerio Control ni o‘rnatish
Kerio Control dasturini https://www.gfi.com/ saytidan tekin 30 kunlik
versiyasini yoki sotib olish orqali to‘laligicha yuklab olsa bo‘ladi (10.6-rasm).
10.6-rasm gfi.com sayti sahifasi
Yuklab olingan .iso formatdagi faylni VMware ESXi gipervizoriga
joylashtirishimiz va uni yaratilgan KerioControl virtual mashinamizda
ko‘rsatishimiz kerak bo‘ladi. Buni amalga oshirishimiz uchun KerioControl virtual
mashinasining “Edit” bo‘limiga o‘tiladi va “CD/DVD Drive 1” bo‘limida “Connect
at power on” ga bayroqcha qo‘yiladi → Datastore ISO file tanlanadi → Browse...
tugmasi orqali .iso faylni tanlash bo‘limiga o‘tiladi (10.7-rasm).
169
10.7-rasm. .iso faylni tanlash.
Bu yerda “Upload” tugmasi orqali faylning joylashgan joyi ko‘rsatiladi va
VMware ESXi gipervizoriga yuklanadi (10.8-rasm).
10.8-rasm. VMware ESXi gipervizoriga .iso faylni yuklash.
.iso fayl gipervizorga yuklanib bo‘lingach uni tanlab turib “select” tugmasi
bosiladi va natija quyidagicha bo‘lishi kerak (10.9-rasm).
170
10.9-rasm. VM sozlanishi.
Keyinchalik “Save” tugmasi orqali bajarilgan sozlash ishlari saqlanadi. Ushbu
bajarilgan ish 1-vazifada bajarilsa ham bo‘ladi, lekin mavzuning mantiqi ketma-
ketligi saqlanishi maqsadida bu 2-vazifa doirasida keltirilmoqda.
KerioControl nomli virtual mashina ishga tushuriladi, ishga tushushi bilan
oldin ko‘rsatilgan .iso fayl yuklanadi va tegishli tarzda Kerio Control dasturi
o‘rnatilishi boshlanadi (10.10-rasm).
10.10-rasm. Kerio Control.
Ishlatish qulayligi uchun jadvalda rus tili tanlanadi va dastur o‘rnatilishining
keying bo‘limi ochiladi. Keyingi bo‘limda litsenziya shartlari keltirilgan bo‘lib, uni
171
“F8” tugmasi orqali qabul qilish kerak bo‘ladi yoki “Enter” tugmasi orqali qabul
qilinmaydi va dastur o‘rnatilishi bekorlanadi (10.11-rasm).
10.11-rasm. Litsenziya shartlari
Navbatdagi bo‘limda disk ichidagi barcha ma’lumotlar o‘chib ketishi haqida
ogohlantiruvchi xabar beriladi, ushbu xabarni inobatga olib dastur o‘rnatilishini
davom ettirish uchun 135 raqamini terish talab qilinadi. Ushbu raqam kiritilgach
“Enter” tugmasi bosiladi va o‘rnatish davom ettiriladi (10.12-rasm).
10.12-rasm. Ogohlantiruvchi xabar
172
Bundan keyin, Kerio Control dasturi o‘rnatilishi jarayoni ishga tushadi va
yakunida “Enter” tugmasini bosib VM ni qayta ishga tushurish kerakligi ko‘rsatiladi
(10.13-rasm).
10.13-rasm. O‘rnatish yakunlanishi ko‘rinishi
VM qayta ishga tushgach o‘rnatilgan Kerio Control dasturi ishga tushadi va
quyidagi ko‘rinishda bo‘ladi (10.14-rasm).
10.14-rasm. Kerio Control dasturi ishga tushirilishi
173
10.14-rasmda ko‘rsatilgan manzilga kirish imkoni bo‘lmaydi, chunki tarmoq
interfeyslarining manziligi to‘g‘ri kelmaydi. Demak, ushbu muammoni bartaraf
qilish lozim. Buning uchun “Enter” tugmasi bosiladi va quyidagi bo‘lim ochiladi
(10.15-rasm).
10.15-rasm. Kerio Control dasturi konfiguratsiyasi
Bu yerda “Конфигурация сети” bo‘limi tanlanib istalgan bir interfeysga
lokal tarmoq ip manzili beriladi (masalan: 192.168.1.11) (10.16-rasm). Shuni eslatib
o‘tish kerakki, bu yerda yuqorida sozlanganidek 2 ta tarmoq interfeysi mavjud, ular
oldin ta’kidlanganidek biri himoyalanuvchi ya’ni lokal tarmoq uchun ikkinchisi esa
umumiy foydalaniladigan internet tarmog‘i uchun. Tegishli tarzda keyinchalik
ikkinchi tarmoq interfeysiga amaliyotda internet provayderi tomonidan olinadigan
statik ip manzil kiritiladi. Bu amaliyotda ichki tarmoq foydalanuvchilarini internet
tarmog‘iga xavfsizlik tomonidan nazorat olinishi va boshqa maqsadlarda ishlatiladi,
chunki Kerio Control dasturining asosiy ishlash printsipi tarmoq xavfsizligini
trafiklarni nazorat qilish orqali ta’minlash hisoblanadi.
174
10.16-rasm. Lokal tarmoq ip manzili
F8 tugmasi orqali ip manzil o‘zgartirilishi saqlanadi (10.17-rasm), bu yerda
shlyuz manzili kiritilishi shart emas hisoblanadi. Endi ushbu manzilni brauzerning
qidiruv bo‘limiga kiritish orqali Kerio Control dasturining web interfeysini ochsa
bo‘ladi.
10.17-rasm. ip manzil o‘zgartirilishi
175
Brauzerda ushbu ip manzilga murojat qilishda ip manzil oldiga “https://”
ko‘rsatilishi lozim, ko‘rsatilmasa dasturning web interfeysiga kirish imkoni
bo‘lmaydi.
Kerio Control dasturining web interfeysi ochilishi bilan “Мастер
активизации” ochiladi va u yerda yana bir nechta sozlamalarni amalga oshirish
talab qilinadi. Bo‘limdagi “Разрешить Kerio Control передачу анонимной
статистики” yonidagi bayroqcha olib tashlanadi, bu ko‘pchilik holatlarda kerak
emas hisoblanadi. Keyingi bo‘limda “Admin” logini odatiy kiritilgan bo‘lib, faqat
parol qo‘yish imkoni bo‘ladi, tegishli tarzda parol o‘rnatiladi va barcha bayroqchalar
olib tashlanadi (10.18-rasm).
10.18-rasm. Admin uchun parol
Keyingi bo‘limda yana parollarni takrorlash ya’ni tasdiqlash talab qilinadi.
Parollar takror kiritilgach sozlanmalar tugaydi va web interfeys ochilishi uchun
o‘rnatilgan login va parollar talab qilinadi (10.19-rasm).
176
10.19-rasm. Login va parol
|