Web dasturlash va dizayn

Sayt dizayni tuzilishi

Asosiy axborot esa aylanib turuvchi rasmlar, rasm va matn, rasmli va matnli ustunlar kabi markazdagi vidjetlarda joylashtiriladi. Bu kabi vidjetlar sahifaga qarab har xil ketma-ketlikda bo’ladi. Masalan, katalog sahifasida mahsulotlar ro’yxati vidjeti, yangiliklar sahifasida esa so’nggi yangiliklar vidjeti bo’ladi.

Dizayn o`rnatish

Ulkan sizga turli xil mavzularga mos dizayn variantlarini taqdim etadi. Xohlagan variantingizni tanlashingiz mumkin. Buning uchun boshqaruv markazidagi Saytni sozlash  > Dizayn sahifasiga o’ting. Joriy dizayn pastida o’rnatilishi mumkin bo’lgan dizaynlar ro’yxati keltirilgan.

Ulardan birortasini o’rnatishdan oldin, uni sinab ko’rgan ma’qul. Har bir dizayn pastida ikkita tugma bo’lib biri dizaynni o’rnatishga, ikkinchisi esa sinab ko’rishga xizmat qiladi.

Sayt dizaynini sozlash

Ulkanda har bir veb dizayn o’z nomiga ega. Sayt ilk marotaba yaratilganida avtomatik tarzda Yoqut nomli dizayn o’rnatiladi. Dizaynni sozlash uchun boshqaruv tizimidagi Saytni sozlash > Dizayn sahifasiga o’ting.

U yerda siz hozirda saytingizda ishlab turgan dizaynni ko’rasiz, uni o’z talabingizga qarab sozlash uchun Sozlash tugmasini bosing.

Sayt dizaynini sozlash

Chap ustundan saytning asosiy sahifasidagi vidjetlar o’rin olgan. Bu vidjetlar misol tariqasida avtomatik ravishda qo’shilgan. Ularni olib tashlash mumkin. E’tibor bergan bo’lsangiz yuqori qism va pastki qism vidjetlari ajratib qo’yilgan, ularni o’chirib yoki ko’chirib bo’lmaydi.

Sayt dizaynini sozlash

Vidjetlar ketma-ketligini o’zgartirish

Siz istalgan vidjetni o’rnini almashtirishingiz mumkin. Buning uchun vidjet o’ng tomonida joylashgan qo’shish belgisi ustiga sichqonchani olib boring va chap tugmani bosib turib tepaga yoki pastga harakatlantiring va chap tugmani qo’yib yuboring. Boshqacha qilib aytganda vidjetlarni pastga yoki tepaga sudrash mumkin. Vidjet kerakli joyga ko’chirilgach natijaning saytda qanday ko’rinishi monitorning o’ng tomonida ko’rinadi.