Xalqaro innovatsion universiteti republic of uzbekistan ministry of higher and secondary edication international innovative university

Download 41,39 Kb.
bet	2/7
Sana	15.01.2024
Hajmi	41,39 Kb.
	#138095

1 2 3 4 5 6 7

Bog'liq
Xalqaro innovatsion universiteti republic of uzbekistan ministry-fayllar.org

O‘quv materiallari
1-MAVZU: “Milliy tarbiya asoslari” fan sifatida. Reja
Tayanch so‘zlar

Universitet O‘UBB ______________________

MUNDARIJA

O‘quv materiallari:

a) Ma’ruza matnlari

b) Amaliy va laboratoriya mashg‘ulotlari

176

MUSTAQIL TA’LIM MAVZULARI

195

III

GLOSSARIY

196

IV.

ILOVALAR:

Fan dastur

Ishchi dastur

Tarqatma materiallar

Test

Baholash mezonlari

O‘UMning elektron varianti

208
225

241
257
286

O’TILAYOTGAN FANNING ASOSIY NAZARIY MATERIALLARI

1-MAVZU: “Milliy tarbiya asoslari” fan sifatida.
Reja:

Milliy tarbiya g‘oyasining tarixiy pedagogik asoslari.
Milliy tarbiyaning mazmuni va uni takomillashtirish.
“Milliy tarbiya asoslari” fanining maqsad va vazifalari.
“Milliy tarbiya ijtimoiy tarixiy, qonuniy va obyektiv jarayon sifatida.
“Milliy tarbiya asoslari” fanining ilmiy tadqiqot metodlari va boshqa fanlar bilan aloqasi.

Tayanch so‘zlar: milliylik, milliy tarbiya, millat, kulturantolog, maqsad, vazifa, obyekt, predmet, ilmiy-tadqiqot metodlari.
Milliy tarbiyaning etnopedagogik qirralarini ilk bor kashf etgan olimlardan biri — kulturantropolog M. Mid bo‘ldi. Uning tadqiqotlari nafaqat geterostereotip (bir xalqning boshqa xalqlar haqidagi bilimlari yig‘indisi)ning, balki osiyolik va afrikaliklarda avtostereotip (o‘z xalqi haqidagi bilimlar yig‘indisi)ning shakllanishiga, boshqacha qilib aytganda, o‘zligini anglashga ham turtki bo‘ldi. M. Mid har bir kishining ma’lum milliy muhitdagi hulq-atvorini tushunishda uning bolalikda olgan milliy tarbiyasi ta’siri nihoyatda katta ahamiyatga egaligini qayd qiladi. CHunki bolalarning milliy tarbiyaviy ta’sirni qabul qilish jarayoni va kattalarning milliy fe’l-atvorlari orasida izchil aloqa mavjud. Tarbiyaning milliy xususiyat kasb etishida bir avloddan ikkinchi avlodga o‘tib keluvchi an’analar, marosim, udum, ishlab chiqarish va hayotiy malakalar, afsonalar, hulq-atvor tarzi, bolalarga, o‘smirlarga, qariyalarga munosabatlarning o‘ziga xosligi katta rol o‘ynashini M. Mid alohida qayd etadi.
Milliy tarbiyaning o‘ta muhim ijtimoiy-psixologik omili bor. Bu-xarakterning milliyligidir. Milliy xarakter kontseptsiyasi turli etnoslarda ularning o‘zlarigagina xos milliy xarakter mavjudligini: shaxsning milliy xarakteri ustuvor psixologik hodisa bo‘lib, bu uning milliy hulq-atvorida namoyon bo‘lishini; ana shu ko‘rsatkichlarga asoslanib, u yoki bu xalqqa, millatga mansub kishilar harakgerining modelini — o‘rtacha milliy xarakter namunasini yaratish mumkin, degan xulosalarni asoslaydi. Bir millatga mansub kishilar uchun umumiy bo‘lgan fazilatlarni o‘zida mujassamlashtirgan namunaviy milliy shaxs siymosi mavjudligini birinchi bo‘lib A. Kardiner qayd qildi. U «milliy shaxs»ning shakllanishida, eng avvalo, oilaning milliy-tarbiyaviy ta’sirini, undan keyin ijtimoiy tarbiya omillarining etakchi roli-ni alohida qayd qiladi².
Ikkinchi jahon urushidan keyin Yaponiya va G‘arbiy Germaniya aholisining psixologiyasi o‘rganilib, millat, uning qadriyatlar tizimi, muloqot usullari va boshqa ko‘rsatkichlari milliy madaniyat ta’sirida shakllanishi isbotlandi. Turli mintaqalarda o‘tkazilgan ilmiy tadqiqotlar natijalarining umumlashtirilishi: muayyan xalqqa xos dunyoqarash, turmush tarzining mavjudligi -xalqparning turli «namunalari»ni qosil qilishini; turli «namunalar»ning mavjudligi esa bolalarni tarbiyalashda o‘ziga xoslikning mavjudligiga, qadriyatlar tizimining kattalar hulq-atvorida aks etishiga bog‘liq ekanligini ko‘rsatdi. Biroq, o‘tkazilgan etnografik va etnopsixologik tadqiqotlar muayyan bir xalqning milliy xarakterini o‘rganayotgan olimning o‘zi boshqa madaniyatga mansubligi tufayli o‘rganayotgan millat madaniyatining tub mohiyatini mukammal his qilolmasligi natijasida, tadqiqot ma’lumotlarini talqin qilishda hato va kamchiliklarga yo‘l qo‘yishi mumkinligini ham isbotladi. 50-yillarda Amerika etnopsixologiyasining milliy xarakteriga xos kamchilikslari ham aynan shunda edi. Albatta, bu omil milliy xarakter kontseptsiyasiga xos ob’ektiv mohiyatni o‘zgartirmadi, aksincha, tadqiqot uslubiyotini takomillashtirishga turtki bo‘ldi, holos.
Milliy tarbiya vositasida avloddan-avlodga o‘tuvchi milliy madaniyat va uning tsivilizatsiya bilan munosabatini misrlik mashhur pedagog Sote’ al-Husriy (1880-1968) o‘z tadqiqotlarida yaqqol ochib berdi. «Menga madaniy birlikning kafolatini bering, men esa sizga birlikning boshqa barcha turlari kafolatini beraman» degan mashhur fikr ana shu olimning qalamiga mansub. Al-Husriy Sharqda milliy-zamonaviylik oqimining tashkil topishiga katta hissa qo‘shdi. U zamonaviy arab milliy madaniyati tiklanishi arafasida pedagogikada «eskilik-yangilik», ya’ni milliy fundamentalizm va milliy zamonaviylik orasida tafovut mavjudligi muammosini kun tartibiga qo‘ydi. Al-Husriy, bir tomondan, milliylikni faqat tarixiy an’ana deb tushunuvchi fundamentalizm, qadimiychilik tarafdorlarini, ikkinchi tomondan, milliylikdan yuz o‘girib Ovrupo madaniyatiga taqpid qilishga undovchi «g‘arbiy»larni tanqid qilib, bu tarbiyaviy muammoni faqatgina «sintez qilish orqali» echish mumkin, degan ilg‘or fikrni o‘rtaga tashladi. 1953 yili Misr milliy mustaqillikni qo‘lga kiritgach, Al-Husriy maktab-maorifni «ma’naviy mustamlakalik»ka qarshi kurash maydoni, deb atadi. SHuning uchun ham u arab maktablarida milliy g‘urur, vatanparvarlik tarbiyasiga alohida e’tibor qaratishga chaqirdi. Ma’rifatparvar Al-Husriy G‘arb ta’lim tizimini Arabistonga namuna, nusha qilib ko‘chirib olish havfli va befoyda deb hisoblar edi. CHunki, «boshqa muhitga ko‘chirilgach, o‘z joyiga xos bo‘lgan ijtimoiy omillar ta’siridan ajratilgach, ko‘chirib keltirilgan maorif tizimi butunlay boshqa natijalar beradi». SHuning uchun, deydi pedagog Al-Husriy, «biz boshqa har qanday millat maorif tizimiga o‘ralashib qolmasdan, taraqqiyotda bizdan o‘zib ketgan barcha millat tajribalaridan kelib chiqqan holda o‘zimizning alohida maorif tizimimizni tuzmog‘imiz kerak». SHuningdek, Al-Husriy arab tilining ilmiy atamalarini yaratishga chaqirib, «milliy tarbiya» tushunchasini ilk bor ilmiy-pedagogik muomalaga kiritdi. SHu tariqa milliy tarbiya, bir tomondan, mulkdor boylar orasida mavjud «o‘z manfaatlarini millat manfaatidan yuqori qo‘yish va ochko‘zlikka, ikkinchi tomondan, mutaasib ruhoniylarning «taraqqiyotga eltuvchi ilg‘or g‘oyalarga dushmanligi»ga qarshi kurashda samarali qurol bo‘lib xizmat qildi.
Yuqoridagi ilmiy ta’riflarning nosinfiy, holis tahlili «madaniyat», «milliylik» tushunchalarining tarixiy, zamonaviy va istiqboliy tushunchalar ekanligi haqidagi xulosani xosil qiladi, «TSivilizatsiya» tushunchasi esa ko‘proq jug‘rofiy, mintaqaviy xususiyatga ega bo‘lib, asosan fan va tehnika yutuqlarini egallaganlik darajasini ifodalaydi. Ushbu talqinlar ilgari berib o‘tilgan ta’riflarni inkor qilmaydi, aksincha to‘ldiradi, aniqlashtiradi. Demak, madaniyat—milliydir, tsivilizatsiya esa umuminsoniy zamonaviylikdir. Milliylik va tsivilizatsiyalashganlik uyg‘unlashgandagina insoniyat ma’naviy va moddiy madaniyatlar uyg‘unligiga erishadi. Zero, «milliyliksiz insoniyat mantiqiy mavhumlikka, mazmuni yo‘q so‘zga, ma’nosi yo‘q tovushga aylanib qoladi».
Har bir millatda, mamlakatda davom etayotgan tarbiyaviy jarayon umuminsoniy tarbiya tizimining tarkibiy qismidir. Demak, har bir davlatda olib borilayotgan siyosat kabi, tarbiya siyosati ham umumbashariy ehiyojlardan kelib chiqib muvofiqlashtirilmog‘i kerak. CHunki insoniyat tsivilizatsiyasi taqdiri barcha halklarga bir hil bog‘liq va qimmatlidir. Sayyoramizga rahna solayotgan azon qatlamining emirilishi, SPIDning tarqalishi, ekologik havf-hatarlar, terrorizm huruji, antropologik tahdidlarni «umumbashariy pedagogik birlik»ka erishmay turib bartaraf qilish mushkul. Afsuski, bu zaruriy birlik mazmuni turlicha tushunilmoqda. Jumladan, ayrim hollarda «umumbashariylik» tushunchasi «ovrupolashganlik» sifatida talqin va tashviq qilinmoqda. Umumbashariy pedagogik birlik g‘oyasi «umumbashariy pedagogik bir hillashuv» emas, balki barcha milliyliklarning insoniyat qarshisidagi havf, tahdidlarga qarshi millatlararo pedagogik birligi bo‘lmog‘i kerak. Zero, shaxs avvalo milliylashib, ijtimoiylasha borgani sari umuminsoniy mansublikka yaqinlashadi. Demak, shaxs umuminsoniy qadriyatlarni to‘g‘ri, ijobiy qabul qila olishi uchun, avvalo, o‘zi shakllangan muayyan milliylikning barkamol sub’ektiga aylana olishi kerak. SHu o‘rinda mamlakatimiz taraqqiyoti tamoyillaridan biri sifatida belgilangan milliy va umuminsoniy qadriyatlar ustuvorligini mamnuniyat bilan qayd etish lozim.
Milliylikning barkamol sub’ektini tarbiyalashni tadqiq qilish yo‘lidan borar ekanmiz, milliylikning nafaqat madaniy-ijtimoiy, balki fiziologik asoslari ham ochildi.Fiziologlar olib borgan izlanishlar kishi u yoki bu millat tilida so‘zlashgan vaqtida uning tashqi qiyofasi, yuz ko‘rinishi o‘sha millat kishilariga o‘hshab ketishini asoslamoqda. CHunki boshqa tilda so‘zni talaffuz qilish, tushuntirish uchun o‘sha millatda qabul qilingan imo-ishoralar, hatti-harakatlardan foydalaniladi. SHuning uchun ham «kishi boshqa millat ahborotini qabul qilmasdan turib, miyaning toza bo‘limlariga avvalo o‘z ona tilida va o‘sha hududga tegishli ahborotni joylashtirgandagina milliy o‘ziga xoslikni saqlab qoladi. Mabodo olinayotgan ahborot turli-tuman, omuhta bo‘lsa, ustiga-ustak keraksiz axborot qabul qilinsa, u miyada mustahkam o‘rna-sha olmaydi. Natijada, bunday kishi fikrlash jihatidan ham arosatda qoladi»¹.
Etnopsixologlarning bergan xulosalariga ko‘ra, milliy psixologiyani aynan o‘sha etnos vakillarining faoliyat, hulq-atvor va muloqotlari jarayonlari orqali o‘rganish mumkin. Bizningcha, milliy tarbiya jarayonining pedagogik-psixologik xususiyatlarini o‘rganish uchun ham aynan shu yo‘ldan bormoq samaralidir. Zero, milliy tarbiya milliy (ichki) va millatlararo (tashqi) munosabatlarning muvaffaqiyatini ta’minlashga xizmat qiladi. Milliy tarbiya jarayonida makondagi muqimlik va milliy-madaniy jipslikni, birlikni ta’minlovchi etnik, milliy ma’lumotlar sinhron va diahron shaklda avloddan-avlodga uzatiladi. Shunday qilib, faqat shu millatgagina xos bo‘lgan o‘ziga xos tarbiyaviy tizim ushbu millatning boshqa millatlardan farq qilishini, ichki yahlitligini, benazirligini ta’minlaydi. Agarda milliy tarbiya e’tiborsiz qoldirilsa, stihiyali tarzda kechsa, xalqning milliy o‘zligini anglash darajasi, milliy g‘ururi, madaniyati, vatanparvarlik darajasi susaya boradi. CHunki har bir individ o‘ziga xos milliy-madaniy an’analar, me’yorlari bo‘lgan jamiyatda shakllanadi. Ana shu urf-odat, me’yorlar, an’analar ruhida ijtimoiylashuvi uni ana shu madaniy-tarixiy birlikning a’zosiga aylantiradi. Bu jarayonni boshqacha tarzda chaqaloqning yo frantsuz, yo hind, yo o‘zbekka aylanish jarayoni, deb ham ifodalash mumkin. CHaqaloqning (milliy tarbiya ob’ekti o‘laroq) o‘zbek sifatida shakllanishi o‘zbeklar uchun an’anaviy bo‘lganligi tufayli ko‘zga tashlanmaydi. Tadqiqotlar shuni qayd qilmoqdaki, shaxs madaniylasha (ukrainlasha, arablasha, o‘zbeklasha...) borar ekan, bu milliylashuv jarayoni milliy-ijtimoiy rollar talablaridan kelib chiqib, jamiyatning uzluksiz nazorati ostida amalga oshadi. «Milliy-ijtimoiy rol»- tushunchasini, zamonaviy ijtimoiy rollar sotsiologik kontseptsiyasi va I. Konning ijtimoiy rolga bergan ta’rifidan foydalangan holda, «muayyan milliy birlik ichida an’anaviy ma’qullangan, shu millatga mansub a’zolaridan ularning yoshi, jinsi va muayyan vaziyatdan kelib chiqib kutiladigan xulq-atvor namunasi», deb ta’riflash mumkin.
«O‘quvchining milliy roli» tushunchasi milliy tarbiyani tahlil qilish uchun sotsiologik kalit vazifasini o‘taydi. CHunki bu tushunchaning ko‘pqirraligi milliy-zamonaviy hayot jabhalarini, milliy tarbiya yo‘nalishlarini ilg‘ab olish imkonini beradi. Milliy tarbiya tizimini «milliy rol» tushunchasi orqali o‘rganish har bir o‘zbek o‘g‘il-qizini ilk yoshlaridan «yaxshi bola», «yaxshi aka, uka, singil, opa», «yaxshi jiyan, tog‘a, bo‘la...», «yaxshi mehmon, mezbon», «yaxshi do‘st», «odobli bola» kabi «unvonli» munosabatga tayyorlash mehanizmini ochib beradi. Keng ma’noda esa o‘quvchining milliy rolini o‘zlashtirishi - o‘z ichiga milliy fazilatlarni, milliy axloq me’yorlarini singdirishi, milliy-ijtimoiy hayotga tayyorgarlik jarayonlarini ham jamlaydi.
Maishiy ijtimoiy rollarni tasniflash, ularning kundalik hayotda, munosabatlarda bajarilishini ilmiy-pedagogik kuzatish — zamonaviy va istiqbolli usuldir. U bolani «qarshisida» turib emas, balki milliy-ilmiy kuzatish imkonini beradi. Bu esa tadqiqotning ob’ektiv natijalarga ega bo‘lishining asosiy shartlaridan biridir.
Zamonaviy fanlar ijtimoiy rollarning quyidagi tasnifini ilgari suradi:
Tug‘ma, mavqeli ijtimoiy rollar — odam tug‘ilganidanoq yoki hayotining u yoki bu bosqichiga kirishganida «meros qilib olinuvchi» rollar (jinsiy, diniy, milliy, fuqarolik, go‘daklik, o‘smirlik, yigitlik, mo‘ysafidlik va b.);
O‘zgaruvchan – doimiy bo‘lmagan, o‘zgarishi mumkin bo‘lgan ijtimoiy rollar. (Masalan, u yoki bu kasbni egallash, biror uyushmagan, jamiyatga a’zo bo‘lish va undan chiqish mumkin, hatto fuqarolikni ham o‘zgartirish mumkin. Biroq tug‘ma milliy rollar (o‘zbeklik, frantsuzlik va h.k.)dan chiqib bo‘lmaydi.)
Muayyan vaziyatdagi ijtimoiy rollar — yo‘lovchilik, xaridorlik, mehmonlik, mezbonlik va h.k. rollari o‘zgaruvchan rollar bilan kamroq, tug‘ma rollar bilan ko‘proq aloqada bo‘ladi. Muayyan vaziyatdagi rollar mahsus va shaxsiy ahamiyatga egaligi tufayli kishini yo‘lovchi, haridor, mehmon yohud mezbonga «aylantirsa», shaxsiy fazilatlar mohiyatidan kelib chiqib shaxsni «do‘st», «dushman», «mehribon kishi», «taqvodor kishi», «fidoyi odam» va boshqalarga aylantiradi. Demak, shaxs tashqi muhit (tabiat, jamiyat, shaxslar) bilan munosabatga kirishganida milliy xususiyat (o‘ziga xos bo‘lgan «ukraincha», «hakas-cha», «gruzincha» yondashuv) kasb etadi. Bu fikr ilk bor nemis sotsiologi U. Gerhard tomonidan tug‘ma ijtimoiy rol sifatida taklif qilingan, keyinchalik YU.Sorokin, E.Tarasov, Ufimtsevalar tomonidan ijtimoiy fanlarga kiritilgan edi. Lekin, nazariy jihatdan asoslanganligiga qaramasdan, milliy rolning tug‘ma meros, vorislik xususiyatini o‘rganish, rivojlantirish sotsialistik internatsionalizm tamoyillariga mos kelmasligi tufayli rivojlantirilmadi.
Dinning insoniyat ma’naviyatida tutgan roli beqiyosdir. Shu bois pedagogika barcha millatlarda sodir bo‘lgan dinga qiziqishning, diniylikning tiklanayotganligiga e’tibor qilmog‘i kerak. Chunki din — dunyoqarashni tash-kil qiluvchi ongning tarkibiy qismidir. Dinda inson, uning mohiyati, milliyligi haqida mulohazalarning ulkan, yahlit tajribasi mavjud. Uning vazifasi e’tiqod orqali inson, jamiyatning ruhiyatini uyg‘unlashtirib, tarbiyalashdir. Ana shu nuqtai nazardan har bir din — o‘zi asoslagan ma’naviy ta’lim va axloqiy tarbiya tizimidir. Bu, odatda, muayyan dinga mansub xalqparvar millatlar (masalan, islom diniga mansub arab, tatar, tojik, turk, qozoq, o‘zbek va boshqalar)ning umumdiniy yoki baynalminal ma’naviyati va axloqini xosil qilib kelgan.
Millatning paydo bo‘lishi, rivojlanishini ijtimoiy-iqtisodiy formatsiyalar bilan belgilash, o‘lchash nisbiydir. Chunki «millat» tushunchasi millatning mavjudligi haqidagi hujjatdir. Bu tushuncha esa qadimiy bo‘lib, bizning keyingi talqinlarimiz, uning asl mohiyati qandayligidan emas, balki bizga qanday tushunti-rilganidan kelib chiqqanligi tufayli sub’ektivdir. Zero, millat, o‘ziga xos barcha xususiyatlari bilan birlamchi, bizning talqinlarimiz esa ikkilamchidir. Ana shu nuqtai nazardan millatlarning paydo bo‘lishi haqidagi diniy qarashlar ham pedagogik diqqatga sazovordir.
Qur’oni Karimning Baqara, Yunus, Hud, Nahd suralarida odamlarning dastlab bir millatga mansub bo‘lganliklari, so‘ngra esa bo‘linib ketganliklari haqidagi fikr bir necha bor qayd qilinadi. Qur’oni Karim har bir mo‘min kishini o‘z milliy qadriyatlarini boyitishga, o‘z millatidan kechib, boshqa millat qo‘shimchasiga aylanib ketmaslikka chaqiradi: «Va sizlar bir millat boshqa millatdan (son yo boylik jihatidan) ortiqroq bo‘lgani uchun qasamlaringizni (buzib) aldov vositasi qilishingiz bilan(ya’ni, boshqa boyroq va kuchliroq qavmni topsangiz, avvalgi qasamlaringizdan kechib ketaverishingiz bilan) xuddi o‘zi to‘qigan narsasini pishiq-puxta bo‘lganidan so‘ng parcha-parcha buzib-chuvatib tashlagan xotinga o‘xshab qolmangiz! Albatta, Olloh bu (ahdga vafo qilishga buyurish) bilan sizlarni imtihon qilur va albatta qiyomat kunida sizlarga ixtilof qilib o‘tgan narsalaringizni bayon qilib berur». Qur’oni Karimdagi ushbu ishoradan kelib chiqib, milliy tarbiya yosh avlodlarda o‘z va o‘zga xalqlarga hurmat, milliy g‘urur, vatanparvarlik, milliy va millatlararo muloqot odobi kabi fazilatlarni shakllantiradi va o‘zbek xalqini ma’naviy va moddiy jihatlardan boy millatga aylantirishga xizmat qiladi, deya olamiz.

«Millat», «milliylik» tushunchalarining talqini bilan tanishar ekanmiz, ularning g‘arbona va sharqona tarzlari bor ekanligini ko‘ramiz. Aniqrog‘i, g‘arbiy talqin xristian, sharqiy talqin esa islomiy o‘zaklarga borib tutashadi. YA’ni Ovrupo xalqlari tillariga «millat» tushunchasi lotincha «paydo»—qabila, xalq sifatida xristian dini bilan birga kirib kelgan bo‘lsa, Osiyoga esa islom ta’limoti orqali yuqoridagi uch hil ma’noda kirib kelib singdi.

«Tarbiya» so‘zi «milliy tarbiya» tushunchasining tarkibiy qismi bo‘lganligi tufayli bu tushunchaga ham yangicha yondoshgan holda, holis ilmiy-pedagogik ta’rif bermoq kerak. Arabcha «tarbiya», «tarbiy at» so‘zlari 1) parvarish qilmoq; ta’lim bermoq; o‘rgatish; odob o‘rgatish; 2) navozish, mehribonlik ko‘rsatish: ko‘z-quloq bo‘lish; himoya qilish kabi ko‘p qirrali mazmunga ega. «Tarbiyachi» esa shu ko‘p qirrali tarbiyaviy faoliyatni amalga oshiruvchi odam, demakdir. Demak, milliy tarbiyaning lug‘aviy ma’nosini «yosh avlodlarni o‘z xalqiga xos milliy fazilatlar namunasida shakllantirish, ta’lim bermoq» sifatida aniqlash mumkin.

Iudaizm, xristianlik, budda va islom dinlari — o‘ziga xos tarbiya manbaidirlar. Shu nuqgai nazardan milliy tarbiyaning mohiyatini diniy unsursiz mukammal deb bo‘lmaydi. Chunki har bir din, payg‘ambarning vazifasi — odamlarni tarbiyalash, ba’zida esa, qayta tarbiyalashdan iborat bo‘lib kelgan. Masalan, xristian pedagogik falsafasi «dindan ajratilgan ta’lim-tarbiya ma’naviyatdan ayrilishga, ta’lim-tarbiyadan ajratilgan din esa hurofotga aylanishga mahkumdir» deb hisoblaydi. SHu bilan birgalikda xristian ruhoniylari axloqiy qadriyatlarning e’tiborsizlana borishi tufayli «hamma narsani sotish va sotib olish mumkin» bo‘lib qolganligi, «mening vatanim boshqa yerda» deguvchi vatan taqdiriga befarqlik namunalarini, tashkilotchilarini tanqid qilib, o‘z huk

Download 41,39 Kb.

1 2 3 4 5 6 7

Download 41,39 Kb.