|
Ózbekistan respublikasi joqari bilim, PÀn hàM
|
| bet | 4/10 | | Sana | 09.01.2024 | | Hajmi | 203,17 Kb. | | #133489 |
Bog'liq Sultanov-Rinat-Kurs-TBX-Xromo-1-12-ENDKolonkalı xromatografiya
Xromatografiya metodikalıq qásiyetleri hám atqarılıw texnikasına kóre kolonkalı, juqa qabatlı hám qaǵazda bólistiriliw xromatografiyasıga bólinedi.
Kolonkalı xromatografiya tiykarlanıp elementlerdı aralaspadan muǵdarlıq ajıratıwda qollanıladı. 1-suwretde elementlerdı aralaspadan muǵdarlıq ajıratıp alıwda qollanılatuǵın kolonkalı adsorbsion bólistiriliw xromatografiya kolonkaları kórsetilgen. Bul kolonkalardan ion almasınıw xromatografiya usılında da paydalanıw múmkin.
Sorbent menen toldırılǵan xromatografik kolonka, kolonkalardı adsorbent hám ajıralıp atırǵan elementler aralaspası menen toltırıwda eki usıldan paydalanıladı. Birinshi usıl boyınsha tayarlanǵan adsorbent kolonkaǵa az-azdan salınıp, ushina rezina kiygizilgen tayaqsha menen toqtawsiz urip turıladı. Bunda adsorbent tıǵız jaylasadı. Geyde bolsa elyuyent retinde isletiletuǵın eritiwshi yamasa eritiwshiler aralaspası aldın kolonkaǵa quyıladı, keyin adsorbent salınıp, az-azdan kolonka tayaqsha menen urıladı. Ekinshi usıl boyınsha adsorbent elyuyentda suspenziyalanadı hám kolonkaǵa salinadı. Suspenziyalanǵanda hawa kóbiksheleri qalmawı kerek.
Tayarlanǵan kolonkaǵa ajıralıp atırǵan aralaspanıń elyuyentdegi konsentrlengen eritpesi solinadı. Eger elyuyentde aralaspa tolıq erimese, ol aldın jaqsı eriytuǵın eritiwshide eritilip, adsorbenttıń minimal bóleginde adsorbsiyalanadı, qurıtıladı hám keyininen kolonkaǵa salinadı. Bunda element kolonkanıń 1/10 bóleginen kóp kólemin iyelemesligi kerek. Kolonkanıń diametri sorbent qatlamınıń qalıńlıǵına qatnası 1:20 koefficient átirapında, sorbent ushındaǵı boslıq keminde 10-15 sm bolıwı kerek.
Kolonka tayın bolǵan soń, odan tańlap alınǵan elyuyent ótkeriledi. Eger sorbent qatlamınıń qarsılıǵı kishi bolsa, elyuyent ózi ótedi. Eger sorbent qatlamınıń qarsılıǵı úlken bolsa, elyuyent kolonka arqalı basım astında ótkeriledi yamasa vakum nasosı járdeminde sıypab alınadı.
Reńli elementler ajıratılǵanda, olardıń háreketi gúzetip barıladı hám taza halda ajıratıp alınadı. Reńsiz elementler ajıratılǵanda kolonkada ajıralıp atırǵan elyuyent tekseriledi. Bunda elyuyent birdey kólemdegi fraksiyalar jol menende yamasa birdey waqıt (0,20,25,30 minut) aralıǵinda jıynap alınadı. Hár bir fraksiya juqa qatlamdaǵı xromatografiya, qaǵaz xromatografiyası, kolorimetrik, potensiometrik yamasa basqa usıllar járdeminde tekseriledi.
|
| |
