|
Siz bul pikirlerge ne deysiz? Til úyreniw boyınsha sáwbet ótkeriń.
2.8
|
| bet | 8/152 | | Sana | 30.05.2023 | | Hajmi | 6.4 Mb. | | #67175 |
Bog'liq OMK QQ TIL 2020 60 30 Qo’l yozma huquqida, Lugʻat tarkibin-WPS Office, 1. Harakat jadalligi Shahar ko`chalarida harakat jadalligi-fayllar.org, Presentation, malumot2.7. Siz bul pikirlerge ne deysiz? Til úyreniw boyınsha sáwbet ótkeriń.
2.8. Berilgen tekstti oqıń. Teksttegi sózlerge itibar qaratıp, sózlerdegi páttiń ornın anıqlań.
Moskvada «Nókis dúrdanaları»
I.V. Savitskiy atındaǵı qaraqalpak mámleketlik kórkem – óner muzeyi pútkil dúnyaǵa belgili. Muzeyge hár jıl sayın dúnyanıń kóplegen mámleketlerinen sayaxatshılar keledi, sonday – aq muzey ǵárezsizlik jıllarında bir neshe shet mámleketlerde kórgizbeler shólkemlestirdi. Muzeyde saqlanıp hám kórsetilip atırǵan xalqımızdıń biybaha miyrasları, qadaǵan etiw dáwirine tiyisli Ózbekstanlı, Rossiyalı xudojniklerdiń kartinaları, sonıń menen birge Qaraqalpaqstanlı xudojniklerdiń qıl qálemine tiyisli ájayıp dóretpeler keliwshilerde ayrıqsha tásir qaldıratuǵını haqıyqat.
Xalqımızdıń bay tariyxı, biybaha kórkem – óner dóretpeleri bolǵan – kesteshilik, toqımashılıq, zergerlik úlgileriniń ne bir dúrdanaları usı muzeyde jıynalǵan.
Muzeyge keliwshilerge joqarı dárejede xızmet kórsetiw arqalı biz sayaxatshılar sanınıń kóbeyiwine erisemiz. Jaqında ǵana qalamızǵa muzeyge keliwshilerdiń qatarın kóbeytiw, olarǵa kórsetetuǵın tariyxıy orınlardıń jaǵdayın jaqsılaw, miymanxana, asxana, kólik, mádeniy ilajlar hám t.b. sayaxatshılarǵa jaqsı jaǵdaylar jaratıw baǵdarında islenetuǵın jumıslar tuwralı YuNESKO tárepinen shólkemlestirilgen festivaldıń Savitskiy muzeyinde ótkerilgeni de tosınnan emes. Sebebi, házirgi kúnde usı muzey turistlerge xızmet kórsetetuǵın birden – bir oray bolıp esaplanadı.
Aprel ayınıń basında Moskvada Ózbekstan Respublikası Prezidenti menen Rossiya federatsiyası Prezidenti arasında doslıq ushırasıwı bolıp ótti. Bunday ushırasıwlar eki mámleket arasındagı doslıqtı, mádeniy baylanıslardı bekkemlewde ayrıqsha áhmiyetke iye. Usı ushırasıwda Prezidentler barıp kórgen Pushkin atındagı muzeydegi «Nókis dúrdanaları» atamasındaǵı arnawlı kórgizbe Savitskiy muzeyiniń eksponatlarınan ibarat bolıp, oǵan 233 eksponat aparıldı. Olardıń arasında qadaǵan etiw dáwiri xudojnikleri bolǵan A. Volkov, O. Tańsıqbaev, Usta – Mumin, S. Nikritin, E. Korovay hám t.b. kartinaları, xalıq qol óneri dóretpeleriniń úlgileri bolǵan qızıl kiymeshek, jipek jegde, aq kiymeshek, shashbawlar, qara úydiń aqbasqur, belbew, bel jipleri, sonday – aq áyyemgi dáwir tariyxıy esteliklerinen tabılǵan arxeologiyalıq eksponatlar bar.
Kórgizbege biziń xudojniklerdiń miynetin kóriw ushın hátte, shet mámleketlerden de arnap kelgenler boldı. Rossiya kórkem – óner ıshqıpazları tárepinen ayrıqsha ıqlas penen kútip alınǵan bul kórgizbe atamasınıń ózi yaǵnıy, «Nókis dúrdanaları» dep atalıwınıń ózi – aq biziń hár birimiz ushın úlken maqtanısh.
|
| |
