|
Bekkemlew ushın sorawlar hám tapsırmalar
|
| bet | 81/191 | | Sana | 14.05.2024 | | Hajmi | 2,75 Mb. | | #230680 |
Bog'liq FILOSOFIYABekkemlew ushın sorawlar hám tapsırmalar
Insannıń kelip shıġıwı haqqındaġı kreacionizm ideyasınıń mazmunın túsindiriń
Insannıń tábiyiy-tariyxıy kelip shıġıwı haqqındaġı teoriyanıń mánis-mazmunı nede?
Antropogenez, antroposociogenez degen ne?
Antik filosofiyadaġı insan haqqındaġı tiykarġı ideyalardıń mazmunın túsindiriń
Orta ásir Batıs hám SHıġıs filosofiyasında insanġa jantasıwlardıń uqsas hám parıqlı aspektleri nede?
Jańa dáwir filosofiyasında insanġa jantasıwdıń ózine tán ózgeshelikleri nede?
Insan XIX-XX asrlar filosofiyasında qanday interpretaciyalanġan??
Insan, individ hám shaxs túsiniklerine sıpatlama beriń.
7-tema. Házirgi zamannıń globallıq problemalarına filosofiyalıq analiz
Joba:
1. Globallasıw qubılısı hám onıń mánis-mazmunı, ózgeshelikleri
2. Global mashqalalar globallasıwdıń aqıbeti sıpatında.
3. Global mashqalalardı sheshiwde filosofiyanıń roli
4. Global mashqalalardıń mánis-mazmunı.
5. Global mashqalalar klassifikaciyası
Tayanısh túsinikler: globallasıw, globalistika, universallasıw, gomogenlasıw, intergraciya, ullı geografiyalıq ashılıwlar, kommunikaciya progresi, ilim hám texnika revolyuciyası, internet, ekonomikalıq globallasıw, siyasiy globallasıw, mádeniy globallasıw, TMK, globallasıwdıń institucionallasıwı, globallasıwdıń pozitiv hám negativ aspektleri, global mashqalalar, global tendenciyalar, texnopessimizm, texnooptimizm, Rim klubı.
Filosofiya insannıń tek ġana ázeliy mashqalaları hám ġam-táshwishlerin emes, al onıń sońġı jıllarda ilim-texnika progresi tásirinde barġan sayın jedelirek pátlerde, sonıń qatarda dún`ya kóleminde ózgerip atırġan real turmıstıń kúndelik ámeliyatın da sáwlelendiredi. Usı múnásebet penen júzege kelip atırġan jańa qubılıslar, ġayrıádetiy qıyınshılıqlar hám ayrıqsha shárayatlar alımlardıń da, filosoflardıń da itibarın tartpaqta.
Bunda filosofiyanıń ilimnen ústinligi sonda - ol óz juwmaqlarında sıpatlamalar hám belgili bir dálillerge bekkem jabısıp almaydı, ayırım, úzik-julıq hám ótkinshi nárselerdi ańsat ġana shetlep ótedi, bul oġan tiykarġı itibardı istiń mánis-mazmunına qaratıw, rawajlanıwdıń eń mańızlı faktorları hám tiykarġı processlerin atap kórsetiw imkaniyatın beredi.
Filosofiyanıń bul pazıyletleri insannıń sociallıq múnásebetler sistemasında yaki «jámiyet-tábiyat» sistemasında júzege kelip atırġan quramalı, kompleksli wazıypalardı sheshiwge májbúr bolıp atırġan házirgi shárayatlarda ayrıqsha áhmiyetke iye boladı. Usı múnásebet penen filosofiyalıq analizdiń, mańızlı nárselerdi ekinshi dárejeli nárselerden, nızamlı nárselerdi tosın nárselerden parıqlaw, tariyxıy rawajlanıwda ob`ektiv processlerdiń sub`ektiv faktorlardan parqı kibi usılları hám metodları házirgi zamanda insaniyat dus kelgen dún`yaġa belgili mashqalalardı teoriyalıq ańlap jetiw hám ámelde saplastırıw ushın mańızlı áhmiyetke iye boladı.
|
| |
