ÓZBEKSTAN RESPUBLÍKASI
ÍNFORMACÍYALIQ TEXNOLOGÍYALARI HÁM KOMMUNÍKACÍYALARIN RAWAJLANDIRIW MÍNÍSTRLÍGÍ
MUXAMMED AL-XOREZMÍY ATINDAǴI TASHKENT ÍNFORMACÍYALIQ TEXNOLOGÍYALARI UNÍVERSÍTETÍ
NÓKÍS FÍLÍALI
“KOMPYUTER INJENERING“ FAKULTETÍ
«DASTURIY INJINIRING» baǵdarı
1-kurs 304-21 topar studenti
Maxsetbaev Ajiniyaz Ayapbergenovichtiń
«Akademiyalıq jazıw»
páninen
Ózbetinshe jumısı
Tema: Eń jaqsı kúnlerińnen biri – kimgedur qalıs járdem bergen kúniń
Tapsırǵan: ______________ Maxsetbaev.A
Qabıllaǵan: ______________ f.i.k. Jaksimova.U
Insan bul dúnyaǵa kelgen eken ol dúnyaǵa jaqsıliq taratıwdı, insanlarǵa járdem beriwdi ózine wazıypa sıpatında kóriwi kerek. Álbett ol bul isleri menen insandur. Hámmege málim qalıs jardem beriw ol materiyallıq tárepten, fizikalıq tárepten yaki mánáwiy tárepten beriliwi múmkin. Insan jaqsılıq qılǵan kún onıń eń jaqsı kúnlerinen biri dep esaplayman, sebebi insan birewge jaqsılıq qılıw arqalı ol ózine jaqsılıq qılǵan boladı. Bir insannıń awırın jeńil qılıw arqalı ol adamnıń húrmetine erisiledi hám onıń aytqan bir awız raxmeti seniń qálbińe jılıw alıp keledi. Sonıń ushın men adamlarǵa jaqsılıq qılıwǵa asıǵaman hám sol arqalı ózimdi xaqıyqıy insanday sezinemen. Bazı insanlar jaqsılıq qılıw ańsa dep oylaydı, biraq men bul pikirge qosılmayman, sebebi siz jaqsılıq qılmaqshı bolǵan xáreketlerińizdi adamlar basqasha túsiniwi múmkin. Jaqsılıq qılıwdan kóre jamanlıq qılıw ańsatlaw, bir awız qopal sózińiz benen siz bir insannıń kewline azar beriwińiz múmkin sonıń ushın insanlar menen sóylesken waqıtta onıń kewline azar jetkeriwshi gáplerdi aytpaw kerek. Biykarǵa «Tayaq etten ótedi, sóz súyekten », «Qálbge berilgen jaraqat, pitpesdur» dep aytılmaǵan.
Men kópshilik jaǵdaylarda adamlarǵa materiyallıq jaqtan jardem bergenmen, hatte sonday jaǵdaylar bolǵan ózime materiyallıq jardem kerek bolıp qalǵan, bazıda bergen jardemime ókingen kúnlerimda bolǵan. Bulardan sabaq shıǵarǵan halda men sonı ańlap jettim jardemdi tek jardem beriwge múnasip bolǵan adamlarǵa ǵana beriw kerek eken, misal ushın shańaraq aǵzalarıńızǵa, sonıń ushında «Jaqsılıq qılmaqshı bolsań, birinshi náwbette jaqın insanlarıńa qıl» dep biykarǵa aytılmaǵan. Jaqsılıq qılıw ájáyip is biraq bul isti soǵan mútáj bolǵan insanlarǵa kórseiw júdá zor bolar edi, bunday dewimniń sebebi házirgi kúnde adamlar ózin jalǵannan jardemge mútáj kórsetip insanlardıń aqshaların ózlestirmekte, sonıń ushın birewge jaqsılıq qılıwdan aldın anıq isenim qabıl etip alıń.
Paydalanılǵan ádebiyatlar
1.Xádis
2.Xalıq naqıl-maqalları.
3.https://ziyouz.com citatalar.
4.https//wayu.uz Xalıs járdem.
|
