Jurnalimizning oldingi sonida O'zbekiston
Respublikasi Prezidentining
2018 yil 7 maydagi “Iqtisodiyot tarmoqlari va sohalariga innovatsiyalarni joriy etish
mexanizmlarini takomillashtirish bo'yicha qo'shimcha chora-tadbirlar to'g'risida”gi
PQ 3698-son qarorida belgilangan talablarga asosan 2018 yilda “O'davyerloyiha”
davlat ilmiy-loyihalash instituti tuzilmasiga o'zgartirishlar kiritilib, institut tarkibida
“Ilm-fan yutuqlarini joriy etish” (Tayanch doktorantura va doktorantura) bo'limi
tashkil etilganligini hamda 06.01.10-“Yer tuzish, kadastr va yer monitoringi”
ixtisosligi (Ilmiy daraja beriladigan fan tarmog'i – Qishloq xo'jaligi) bo'yicha tayanch
doktorantlarni O'zbekiston Respublikasi davlat byudjeti mablag'lari hisobiga o'qitish
uchun qabul kvotalari olinganligini,
shuningdek, qayd etilgan yo'nalish bo'yicha
ilmiy tadqiqot ishlarini olib borayotgan ikki nafar tadqiqotchi 2022 yil 16 avgust kuni
bo'lib o'tgan himoya jarayonida Qishloq xo'jaligi fanlari falsafa doktori (PhD) ilmiy
darajasi uchun dissertatsiyalarni himoya qilishganligi to'g'risida ma'lumot bergan
edik.
“O'zdavyerloyiha” davlat ilmiy-loyihalash institutida ilmiy-tadqiqotlar bo'yicha
boshlangan xayrli ishlar muvaffaqiyatli davom etmoqda.
2022 yil 19 sentyabr kuni Toshkent davlat agrar universitetida Qishloq xo'jaligi
fanlari falsafa doktori (PhD) ilmiy darajasini olish uchun bo'lib o'tgan
himoya
jarayonida “O'zdavyerloyiha” instituti ilmiy tadqiqotchilaridan yana ikki nafari:
Usmonov Jasur Ziyodullayevich “Holati yomonlashib qishloq xo'jalik oborotidan
chiqib ketgan bo'z yerlardan foydalanish samaradorligini oshirishni ilmiy asoslash
(Qashqadaryo viloyati misolida)” va Sharopov
Ramziddin Najmiddinovich
“Innovatsion texnologiyalarni qo'llash orqali lalmi yerlarni monitoring qilish
ishlarini takomillashtirish (Qashqadaryo viloyati misolida)” –
deb nomlangan
mavzulardagi dissertatsiyalarini himoya qilishdi.
Mazkur tadqiqotlar ilmiy yechimlaridan ham mamlakatimiz yer tuzish sohasida
amaliyotda foydalanishga kirishilgan.
“O'zbekiston zamini” ilmiy-amaliy va innovatsion jurnali tahririyati
Usmonov Jasur Ziyodullayevich va Sharopov Ramziddin Najmiddinovichlarni
erishilgan ilmiy yutuqlar bilan samimiy tabriklaydi
hamda bunday yutuqlarda
bardavom bo'lishlarini tilab qoladi.
