|
Guruh: map001 Bajardi: Ahmadjonov Furqatbek
|
| bet | 1/4 | | Sana | 16.05.2024 | | Hajmi | 1,13 Mb. | | #237417 |
Bog'liq Ahmadjonov Furqat boshqaruv tamoyillari 3- mustaqil ish
Muhammad Al-Xorazmiy nomidagi Toshkent axborot texnologiyalari universiteti
Mustaqil ish 3
Guruh: MAP001
Bajardi: Ahmadjonov Furqatbek
Tekshirdi: Shaislamova Muazzamxon
Li Gon Xi
(Samsung)
Janubiy Koreyaning eng boy odami, Samsung konserni raisi Li Gon Xi 25 oktabr kuni 78 yoshida vafot etdi. Kompaniya axborotiga ko‘ra, u Seulda, oila a'zolari davrasida hayotdan ko‘z yumgan.
Tadbirkorning vafoti sababi ma'lum qilinmadi; u 6 yil oldin infarktni boshdan kechirgach, yuragi operatsiya qilingan va shundan buyon uning salomatligi haqida deyarli hech qanday ma'lumot berilmagandi. Bu yillar mobaynida Samsung'ni amalda uning o‘g‘li Li Chje Yon boshqarib keldi.
Li Gon Xi qo‘l ostida Samsung arzon televizorlar va butlovchi qismlar ishlab chiqaruvchi mahalliy darajadagi oddiy korxonadan dunyo miqyosidagi texnologik gigantga aylandi. Forbes'ning 2020 yilda jahonning eng qimmat brendlari ro‘yxatida Samsung 8-o‘rinni egallab turibdi. Janubiy Koreya eksportining qariyb beshdan bir qismi birgina shu konglomerat hissasiga to‘g‘ri keladi.
Deyarli barcha mashhur shaxslar bilan bo‘lgani kabi, Li Gon Xining faoliyatiga nisbatan ham tanqidlar yetarlicha, uning ish uslubini qoralovchilar ko‘plab topiladi, bir necha bor jinoiy ishlar figurantiga aylangan, ammo bularning hech biri unga nisbatan beriladigan ijobiy ta'riflarni inkor qilolmaydi: Li Gon Xi – atoqli biznesmen, mohir boshqaruvchi, kelgusidagi ijobiy o‘zgarishlar uchun og‘riqli qarorlarni-da qabul qila oluvchi qat'iyat sohibi edi.
1988 yil, Seul. Li Gon Xi Samsung tashkil topganining 50 yilligi munosabati bilan tantanali tadbirda nutq so‘zlamoqda.
Tadbirkorning ishga yondashuvi va falsafasini uning o‘zi ta'kidlagan yuqoridagi iqtiboschalik aniq ochib beradigan jumla topish qiyin. U 1993 yilda barcha o‘rinbosarlari va asosiy yordamchilari bilan o‘tkazgan yig‘ilishda shunday iqtibos bilan konsern faoliyatida tub burilish yasash shartligini talab qilgan edi.
Li o‘sha yili Los-Anjyelesda bo‘lganida guvoh bo‘lgan manzara katta ta'sir qilgan deyishadi: u Samsung ishlab chiqargan televizorlar yapon raqobatchilarnikiga qaraganda 100 dollar arzonroq bo‘lsa-da, sotilmay chang bosib yotgani, yapon ishlab chiqaruvchilarining maishiy texnikalarini ancha qimmat bo‘lsa-da mamnuniyat bilan sotib olishayotganini ko‘radi.
Bundan tashqari, o‘shanda televideniyeda efirga uzatilgan ko‘rsatuvda Samsung ishchilari kir yuvish mashinasidagi plastik detallarning ortiqcha qismlarini qo‘lda kesayotganiga guvoh bo‘ladi.
1970-yillar. Samsung televizorlarini yig‘ish jarayoni
Shu kabi holatlar Samsung boshqaruvini otasi – kompaniya asoschisi Li Byon Chxoldan 1987 yilda qabul qilib olgan menejyerda qat'iy islohot o‘tkazish fikrini uyg‘otadi. Mashhur iqtibosga aylanib ketgan yuqoridagi topshiriq asosida, 1993 yildan Samsung bozordagi ulushi va sotuvlar hajmi kamayishiga ham rozi bo‘lib, asosiy e'tiborni sifat va texnologiyalarga qarata boshlaydi.
Samsung o‘zgargani, uning qadriyatlari yangilanganining isboti sifatida, ikki yildan so‘ng zavod omborlarida yotgan, nuqsonli holda chiqqan 150 mingdan ortiq smartfon, televizor va boshqa texnikalar Li Gon Xining ko‘rsatmasi bilan namoyishkorona yoqib yuboriladi. Bu tadbirni kompaniyaning 2 mingdan ortiq xodimi qo‘llariga «Sifat hamma narsadan ustun» yozuvli bog‘ich bog‘langan holda kuzatadi.
|
| |
