Xotima …………………………………………………………………….
|
60
|
Foydalanilgan adabiyotlar ro’yxati………………………………………
|
61
|
|
|
Kirish
Bitiruv malakaviy ish mavzusining dolzarbligi. “Kadrlar tayyorlash milliy dasturi”da shaxs milliy modelimizning asosiy tashkil etuvchisi sifatida belgilangan bo’lib, unga nisbatan qo’yiladigan talablarning amalga oshirilishi ta’lim islohotlarining pirovard natijasini belgilab beradi. O’z navbatida mazkur hujjatda shaxsning ijodkorligi va intellektual qobiliyatlari barkamollikning asosiy belgilari sifatida qaraladi. Bundan kelib chiqadigan asosiy vazifa uzluksiz ta’lim tizimida shaxsda ijodkorlik va intellektual qobiliyatlarni rivojlantirish orqali uning barkamolligiga erishishdan iborat [2].
Mehnat darslarida o’quvchilarning metall va yog’ochga ishlov berish bo’yicha mahsulot ishlab chiqarishga doir bilim, ko’nikma, malakalarini shakllantirishga oid innovatsion yechimlarni ishlab chiqish nafaqat mehnat ta’limi fanini, balki shu bilan birgalikda butun jamiyatimizni ham ijtimoiy-iqtisodiy jihatdan rivojlantirishda muhim ahamiyat kasb etadi. Zamonaviy ijtimoiy-iqtisodiy taraqqiyot darajasi o’quvchilarning tayyorgarligi bilan birga ularning umumkasbiy hamda texnik va texnologik bilim ko’nikmalarini shakllanishiga ham yuqori talablar qo’ymoqda.
Mehnat darslarida o’quvchilarning texnologik, iqtisodiy bilim va ko’nikmalarini shakllantirishda metall va yog’ochga ishlov berish bo’yicha ishlab chiqariladigan mahsulotlardan foydalana olishni o’rgatish, texnik vazifalarni yechishda va mehnat jarayonlarini bajarishda muhim ahamiyat kasb etibgina qolmay bu bilimlarni amaliy qo’llash sohasini kengaytirish, ulardan majmuaviy foydalanish zarurligini o’rgatish kelib chiqadi.
Hozirgi kunda Respublikamizda ishlab chiqarish korxonalari fan va texnikaning so’nggi yutuqlari asosida ishlab chiqarilgan jihozlar bilan to’ldirilishi, zamonaviy ishlab chiqarish texnologiyalarining joriy etilishi, mehnat bozorida yuqori malakali mutaxassislar bilan ta’minlashni talab etadi.
Yuqoridagilarni nazarda tutgan holda, bitiruv malakaviy ish mavzusini “Mahsulot ishlab chiqarish texnologiyasi” bo’limi mavzularini o’qitish metodikasi (7-sinf “Texnologiya va dizayn” yo’nalishi misolida) deb nomlanishiga asos bo’ldi.
| 