|
Oqiw metodikaliq toplam
|
| bet | 1/85 | | Sana | 26.11.2023 | | Hajmi | 4.12 Mb. | | #105903 |
Bog'liq UMK TQ qq sirtqi 2-dars, 9-v, Xususiy namunaviy va qolipli hujjatlar, Aylanmadan olinadigan soliq, VBA tilida modullar yaratish, Arximed qonuni va uning qo’llanilish sohalari, ABDUG’AFFOROV RAMAZON., O\'lcham qo\'yish asboblar panelidagi barcha buyruqlarni misollar yordamida o\'zlashtirish. O\'lcham stillarini sozlash, Xusanov, Герчик Курс активного трейдера forex workbook 1, Online-Doctor-Medical-PowerPoint-Templates, 2 (2), “Taraw ekonomikasí hám menejmenti” páninen sorawlar 3 эл тех, fizikadan mustaqil ish 3
ÓZBEKISTAN RESPUBLIKASÍ SANLÍ TEXNOLOGIYALAR MINISTRLIGI
MUHAMMED AL-XOREZMIY ATINDAǴI TASHKENT INFORMACIYA TEXNOLOGIYALARI UNIVERSITETI NÓKIS FILIALI
TELEKOMMUNIKATSIYA TEXNOLOGIYALARI HÁM KASIPLIK TÁLIM FAKULTETI
MAǴLÍWMATLARDÍ UZATÍW TARMAQLARÍ HÁM SISTEMALARÍ KAFEDRASI
TARMAQ QÁWIPSIZLIGI
PÁNINEN
OQIW – METODIKALIQ TOPLAM
Bilim tarawları:
|
300000
|
Islep shıǵarıw hám texnik taraw
|
Tálim tarawı:
|
350000
|
Baylanıs hám informaciyalastırıw, telekommunikaciya texnologiyaları
|
Tálim jónelisleri:
|
5350100
|
Telekommunikaciya texnologiyaları (“Telekommunikaciyalar”, “Teleradioesittiriw”, “Mobil sistemalar”)
|
|
5330500
|
Kompyuter injiniringi (“Kompyuter injiniringi”, “AT-Servis”, “Informaciya qáwipsizligi”, “Multimedia texnologiyaları”)
|
Nókis-2022
Dúziwshiler:
Pánniń isshı oqıw baǵdarlaması ”Maǵlıwmatlardı uzatıw tarmaqları hám sistemaları” kafedrasiniń 20__-jil “_” __ daǵı __ -sanli jiynalisinda dodalandi hám fakultet keńesinde dodalaniw ushin usinis etilgen.
Kafedrası baslıǵı, PhD _____________________ B.А.Fayzullayev
Pánniń isshı oqıw baǵdarlaması ”Telekommunikatsiya texnologiyalari hám kásiplik tálim” fakulteti keńesinde dodalanǵan hám paydalaniwǵa usınıs etilgen.
(20__-jil “_” __ degi №__ -sanli bayannama)
Fakultet keńesi baslıǵı, t.f.d. ______________________R.I.Oteniyazov
MAZMUNI
OQIW MATERIALLARI…………………………….4
ÓZ BETINSHE JUMIS TEMALARI……...............179
GLOSSARY ……………………………………..........181
QOSIMSHALAR……………………..….....................187
OQIW MATERIALLARI
1-tema : Televidenie hám radioesittiriwdiń tiykarǵı principleri
Joba:
1. Televidenie termininiń dáslepki payda bolıw tariyxı
2. Televidenie tiykarındaǵı úsh fizikalıq process
3. Tolıq televizion signal (TTvS) quramın kórip shıǵıw
1. 1 Televidenie termininiń dáslepki payda bolıw tariyxı
Cifrlı televidenie hám radioesittiriw tarawınıń zamanagóy basqıshları global informaciya tarmaǵın cifrlı sistemalarǵa ótiwi hám olardıń evolyucıon rawajlanıwı menen xarakterlenedi.
Cifrlı texnologiyalar baylanıs tarmaǵında kóp programmalı televizion hám radioesittiriwdi ámelge asırıw, telekommunikatsion xızmet túrlerin keńeytiw hám signal sapasın jáne de asırıw imkaniyatın beredi.
Reńli PAL, SECAM hám NTSC analog sistemalarında, 40 jıldan artıq dáwir dawamında metrli hám deсimetrli tolqın diapazonlarında, televizon esittiriwler efirga uzatılıp atır. Bul dáwirde dúnya boylap televizion signallardıń rawajlanǵan uzatıw hám qabıllaw sisteması júzege kelgen. Bul orinda apparat-studiya qurallarınıń rawajlanıwı kórindi hám sońǵı jıllarda cifrlı texnikanıń rawajlanıwı video hám audio signallardı jaratıw hám qáliplestiriw ámeliyatında cifrlı hám kompyuter texnologiyaların qollanıw múmkinshiligin jaratqan. Biraq, analog signallardı uzatıwǵa mólsherlengen ámeldegi tarmaqlar, programmalıq ónimlerdi cifrlı texnika járdeminde qáliplestiriw hám jańa xızmet túrlerin usınıwda qatar sheklewlerdi ornatıp, cifrlı tarmaq múmkinshiliklerin tolıq dárejede kórinetuǵın etiwge tosqınlıq qılıp atırǵan jaǵdaylar kórindi. Sol sebepli, izertlewler tiykarında ámeldegi analog kanallar boyınsha cifrlı signallardı uzatıw múmkinshiligi ámeldegi ekenligi tastıyıqlanǵannan keyin, dúnyada qatar xalıq aralıq hám milliy izertlew joybarları jumıs basladı, olardıń tiykarǵi maqseti - analog televidenie (Tv) sistemasına alternativ bolatuǵın cifrlı televidenie sistemasın jaratıw boldı. Cifrlı televidenie sistemaları analoglarǵa salıstırǵanda tómendegi artıqmashılıqlarǵa iye:
- Esittiriw tarmaǵında uzatılıp atırǵan telekanallar sanınıń bir neshe márte kópligi;
- Kórinis hám dawıs sapasınıń joqarılıǵı ;
- Uzatıw apparatlarında analog sistemaǵa salıstırǵanda kem quwat sarıplanıwı
- Tarmaqtı proektlestiriwde keń múmkinshiliklerdiń bar ekenligi, sistema parametrlerin tańlaw ornına kerekli uzatıw sapasına erisiw, qosımsha xızmetler túrin basqarıw, iyelegen aymaǵın tańlaw;
- Mobil hám kóshpeli qabıllaǵıshlarda sapalı signal qabıllaw ;
- Bir jiyilikli tarmaqlardı shólkemlestiriw;
- Maǵlıwmatlar aǵımın birlestirip (multipleksirlaw) uzatıw esabına radiojiyilik spektridan ónimli paydalanıw ;
- Basqa cifrlı (joldas hám kabel) sistemalarǵa salıstırǵanda arzan qollanıw etiliwi, yaǵnıy tarmaq operatorları ushın - analog televidenie infrastrukturasidan paydalanıw, klientler ushın bolsa - ámeldegi antenna sistemasınan paydalanıw;
- Kishi quwatlı cifrlı stancıyalar qurıw esabına qısqa waqıt (2-5 jıl ) ishinde hám kem qárejetler ornına xalıqtı xızmetler menen támiyinlew;
- Cifrlı televidenie sistemasın Internet tarmaǵı menen biriktiriw múmkinshiligi;
- Interaktiv xızmet túrlerin shólkemlestiriw.
Usınıń sebebinen kópshilik mámleketlikler, sonday-aq Ózbekstan da, analog televidenieden cifrlıǵa ótiw boyınsha jedel háreket qılıp atır.
«Televidenie» (uzaqtan kóriw yamasa aralıqtan kóriw) atamasın birinshi márte rus áskeriy injener-elektrigi K.D. Perskiy 1890 jılda Parijde bolgan xalıqaralıq kongresste qollanǵan.
|
| |
