«O‘zbekoziqovqatxolding» xolding kompaniyasi bo‘yicha 2016 yilda iqtisodiy islohotlarni amalga oshirilishi to‘g‘risida ma’lumot

- sanoat mahsulotlari taqqoslama narxlarda - 4582,6 mlrd.so‘m, o‘sish sur’ati o‘tgan yilga nisbatan - 108,0 foiz;

- xalq iste’mol tovarlari - 4938,9 mlrd.so‘m (amaldagi narxlarda) o‘sish sur’ati - 107,1 foiz;

Asosiy turdagi sanoat mahsulotlari (natura ko‘rinishida):

- shakar - 535,0 ming tonna (o‘sish sur’ati 106,9 foiz);

- qandolatchilik mahsulotlari - 17,7 ming tonna (o‘sish sur’ati 146,9 foiz);

- pivo - 188,3 mln.litr. (o‘sish sur’ati 92,9 foiz);

- go‘sht va go‘sht mahsulotlari - 0,587 ming tonna (o‘sish sur’ati 106,7 foiz);

- kolbasa mahsulotlari - 9,76 ming tonna (o‘sish sur’ati 113,8 foiz);

- sut va sut mahsulotlari - 51,86 ming tonna. (o‘sish sur’ati 113,5 foiz);

- sariyog‘ - 0,836 ming tonna (o‘sish sur’ati 110,4 foiz);

- pishloq va brinza - 0,644 ming tonna (o‘sish sur’ati 119,4 foiz);

- meva-sabzavot konservasi - 145,38 ming tonna (o‘sish sur’ati 109,8 foiz).

2016 yilda xolding tarkibidagi korxonalarda 293 nomdagi yangi turdagi mahsulot ishlab chiqarish o‘zlashtirildi, shundan: ozuqabop ingrediyentlar 87 turda.

9-Xalqaro sanoat yarmarkasi va kooperatsion birjasi doirasida 2016 yilda respublika ichida mahsulot yetkazib berish bo‘yicha hajmi 112,2 mlrd so‘mlik shartnomalar imzolandi.

Belgilangan eksport prognozi 125, 8 foizga bajarilgan, meva-sabzavot mahsulotlari, qandolatchilik mahsulotlari, shu jumladan, jem (olma shinnisi) meva jelesi, marmelad, meva pyuresi va boshqa oziq-ovqat mahsulotlari, fermentlangan tamaki va sigaretlar eksport qilindi.

Eksportyor korxonalarni qo‘llab-quvvaatlashni kuchaytirish va rag‘batlantirish maqsadida, meva-sabzavot mahsulotlarini qayta ishlashni amalga oshirayotgan tarmoqdagi kichik korxonalar valyuta tushumlarini majburiy sotishdan ozod etildi, bo‘shagan mablag‘larni ishlab chiqarishni rivojlantirish va modernizatsiyalashga yo‘naltirishlari mumkin.

Investitsiya dasturining bajarilishi bo‘yicha korxonalarning o‘z mablag‘lari, bank kreditlari va to‘g‘ridan-to‘g‘ri xorijiy investitsiya hisobiga o‘tgan yilda haqiqatda 59,59 mln. dollar investitsiya o‘zlashtirildi. (prognozga nisbatan 110,4 foiz)

Sanoat kooperatsiyasi asosida tayyor mahsulot, butlovchi qism va materiallar ishlab chiqarishni mahalliylashtirish Dasturiga muvofiq, 2016 yilda “O‘zbekoziqovqatxolding” XK korxonalarida 58,52 mlrd. so‘mlik mahsulot ishlab chiqarilgan ( prognozga nisbatan 129,6 foiz).

“Sog‘lom ona va bola” yili Davlat dasturi doirasida xolding korxonalarida davlat va mahalliy boshqaruv organlari hamda Respublika aholi salomatligi reproduktiv markazi mutaxassislari ishtirokida seminarlar tashkil etildi. Ularda ayollar va bolalar salomatligini saqlash bo‘yicha profilaktik tadbirlarni amalga oshirish borasidagi masalalar ko‘rib chiqildi.

2016 yilda kompaniya tomonidan bolalar sportini rivojlantirishga va sog‘lig‘ini saqlashga 1400 mln. so‘m mablag‘ o‘tkazildi.

Aholi sog‘lig‘ini saqlash maqsadida Xolding kompaniya tarkibidagi korxonalarga 1806,3 mln.so‘m mablag‘ xayriya yordami ko‘rsatildi.

Shuningdek, Toshkent shahri Yakkasaroy tumanidagi 25-sonli ixtisoslashtirilgan imkoniyati cheklangan bolalar maktabiga, O‘zbekiston ko‘zi ojizlar jamiyatining Toshkent shahar boshqarmasiga, Namangan shahridagi 26-sonli Mehribonlik uyiga, Yakkasaroy tumanidagi nogironlarga ijtimoiy yordam ko‘rsatish jamiyatiga, Sog‘liqni saqlash vazirligi qon quyish markaziga jami 42 mln so‘mlik, “O‘zBAT” AJ QK Samarqand viloyati Bulung‘ur tumani infratuzilmasini rivojlantirish maqsadlariga 150 mln.so‘mlik homiylik yordamlari ko‘rsatildi.