|
Qurbonov zarifjon 619. 21 gurux refara t bipolyar tranzistorlar. Reja
|
| bet | 1/3 | | Sana | 21.01.2024 | | Hajmi | 0,85 Mb. | | #142346 |
Bog'liq Qurbonov zarifjon 619. 21 gurux refara t bipolyar tranzistorlar.
QURBONOV ZARIFJON 619.21 gurux
R E F A R A T
Bipolyar tranzistorlar.
Reja:
1. Bipolyar tranzistor haqida umumiy malumotlar.
2. Bipolyar tranzistorning ulanish sxemalari.
3. konsentratsiya gradienti.
Bipolyar tranzistor deb o‘zaro ta’sirlashuvchi ikkita p-n o‘tish va uchta
elektrod (tashqi chiqishlar)ga ega bo‘lgan yarim o‘tkazgich asbobga aytiladi.
Tranzistordan tok oqib o‘tishi ikki turdagi zaryad tashuvchilar - elektron va
kovaklarning harakatiga asoslangan.
Bipolyar tranzistor p-n-p va n-p-n o‘tkazuvchanlikka ega bo‘lgan uchta yarim
o‘tkazgichdan tashkil topgan (22 a va b-rasm). Endilikda keng tarqalgan n-p-n
tuzilmali bipolyar tranzistorni ko‘rib chiqamiz.
Tranzistorning kuchli legirlangan chekka sohasi (n+ - soha) emitter deb ataladi
va u zaryad tashuvchilarni baza deb ataluvchi o‘rta sohaga (r - soha) injeksiyalaydi.
Keyingi chekka soha (n - soha) kollektor deb ataladi. U emiitterga nisbatan
kuchsizroq legirlangan bo‘lib, zaryad tashuvchilarni baza sohasidan ekstraksiyalash
uchun xizmat qiladi (23- rasm). Emitter va baza oralig‘idagi o‘tish emitter o‘tish,
kollektor va baza oralig‘idagi o‘tish esa -kollektor o‘tish deb ataladi. Tashqi kuchlanish manbalari (UEB, UKB) yordamida emitter o‘tish to‘g‘ri
yo‘nalishda, kollektor o‘tish esa – teskari yo‘nalishda siljiydi. Bu holda tranzistor
aktiv yoki normal rejimda ishlaydi va uning kuchaytirish xossalari namoyon bo‘ladi.
Agar emitter o‘tish teskari yo‘nalishda, kollektor o‘tish esa to‘g‘ri yo‘nalishda
siljigan bo‘lsa, u holda bu tranzistor invers yoki teskari ulangan deb ataladi.
Tranzistor raqamli sxemalarda qo‘llanilganda u to‘yinish rejimida (ikkala o‘tish ham
to‘g‘ri yo‘nalishda siljigan), yoki berk rejimda (ikkala o‘tish teskari siljigan) ishlashi
mumkin.
|
| |
