|
1 – mavzu: Uzumning tuzilishi, kimyoviy tarkibi va olinadigan vino mahsulotlari Reja
|
| bet | 14/104 | | Sana | 14.03.2023 | | Hajmi | 15.93 Mb. | | #45365 |
Bog'liq UMK SHAROB 318-320
Uzumdan tayyorlangan sharoblar, uzumning navini, sharobning rangini, ishlab chiqarish jarayonini, tarkibidagi kand va spirt miqdorini, SO2 gazining borligini va uning qanday davrda ushlanganligini hisobga olib guruhlanadi.
Xom ashyoning turi va belgilariga asosan sharoblar bir xil navli uzumdan tayyorlangan navli va bir necha uzum navlaridan tayyorlangan kupajli va bir nechta uzum navlaridan tayyorlangan tarkibi razryadli qilib chiqariladi.
Rangi jihatidan sharoblar oq, pushti va qizil bo’ladi.
Oq tusli uzum sharoblari och rangli uzum navlarini sharbatini bijg’itish yo’li bilan tayyorlanadi.
Qizil sharoblar qizil rangli uzum navlarini sharbatini po’sti va urug’lari bilan birgalikda bijg’itish yo’li bilan olinadi. Bijg’itish vaqtida po’stloqdagi bo’yovchi va oshlovchi moddalar sharbatga o’tadi, shuning uchun bu sharoblarning rangi qizil, ta’mi o’ziga xos, sharbati yopishqoq bo’ladi.
Pushti rang sharoblar oq va qizil tusli uzum navlaridan tayyorlanadi yoki qizil va oq tusli sharoblarni aralashtirilib hosil qilinadi.
Holatiga ko’ra sharoblar tinch va o’ynoqilarga (tarkibida CO2 gazi mavjud bo’lgan) ajratiladi.
Tarkibiga ko’ra tinch sharoblar quyidagi guruhlarga ajratilgan:
Oq sharoblar - uzum sharbatini spirt qo’shmasdan bijg’itish natijasida olinadi va o’z navbatida spirt va qand miqdoriga ko’ra quyidagilarga ajratiladi.
Musallas - tarkibida 9% dan 14% gacha spirt, 0,3 gr/100sm3 gacha miqdorda qand mavjud bo’lib, mazasi yoqimli, ta’mli nordon va chanqoqbosdi ichimlik hisoblanadi.
Nimxush - tarkibida 9% dan 14% gacha spirt, 3gr/100sm3 gacha miqdorda qand mavjud bo’lib, mazasi yoqimli, ta’mli nordon va chanqoqbosdi ichimlik hisoblanadi.
Nimshirin musallas - tarkibida 9% dan 12% gacha spirt, 3 dan 8 gr/100sm3 gacha miqdorda qand mavjud bo’lib, mazasi yoqimli, ta’mli nordon va chanqoqbosdi ichimlik hisoblanadi.
Musallas sharoblar guruhiga kiruvchi Xeres tipidagi sharobning spirt quvvatini 16% gacha etkazish maqsadida unga spirt-rektifikat aralashtirishga ruxsat beriladi.
Quvvatlangan sharoblar - uzum sharbatini to’la ravishda bijg’itmasdan hosil qilinadi, sharob tarkibidagi qandning ma’lum miqdorda saqlanib qolish uchun, bijg’itish davrida spirt qo’shiladi. Bu sharoblarning shirinligi o’rtacha darajada, ta’mi o’ziga xos karamelь mazasi kelib turadi, mevasimon xushbo’y bo’ladi. O’z navbatida spirt va qand miqdoriga ko’ra quyidagilarga ajratiladi.
Kuchli sharoblar – tarkibidagi qandning tabiiy bijg’ishi natijasida 3% spirtga ega bo’lib, spirt-rektifikat aralashtirish natijasida spirt miqdori 17% dan 20% gacha etkazilgan bo’lib, qanddorlik miqdoriga ko’ra 1 dan 3 gr/100sm3 gacha bo’lganlari musallas va ko’ra 4 dan 14 gr/100sm3 gacha bo’lganlari yarim shirinlarga ajratiladi.
Desert sharoblar – tarkibidagi qandning tabiiy bijg’ishi natijasida 1,2% spirtga ega bo’lib, spirt-rektifikat aralashtirish natijasida spirt miqdori 12% dan 17% gacha etkazilgan bo’lib o’z navbatida qandlik darajasidan kelib chiqib, yarim desert, desert va likyor sharoblarga ajratiladi.
Yarim desert sharoblar - tarkibida 14% dan 16% gacha spirt, 5 dan 12 gr/100sm3 gacha miqdorda qand mavjud bo’ladi.
|
| |
