1-amaliy mashg‘ulot. Zamonaviy o‘quv-texnik vositalari.
Mashg‘ulotning maqsadi: Zamonaviy axborot texnologiyalarining o„quv-texnik
vositalari bilan tanishish o„quv-texnik vositalari bilan ishlashni amaliyotda o„rganish.
Amaliy mashg‘ulotning nazariy qismi: O„quv jarayonidagi asosiy
muammolardan
biri talabalarning o„zlashtirish darajasini oshirish, berilayotgan bilimlarni tushunishlari,
xotiralarida saqlash va olingan bilimni amaliyotda qo„llash yo„llarini egallashni
yaxshilashdan iborat bo„lmoqda. Ma‟lumki, inson ma‟lumotlarning 80 foizini ko„rish, 15
foiziga yaqinini eshitish va qolgan 5 foizini tam bilish sezgi organlari orqali oladi. Biroq
hayotda ma‟lumotlarni faqat qabul qilibgina qolmay, uni yodda saqlash ham kerak [8].
Kompyuter va mobil
qurilmalar bilan birgalikda, ta‟lim jarayonida zamonaviy
o„qitish texnik vositalari keng qo„llanib kelinmoqda. Interfaol vositalar yordamida, yangi
mavzuni o„rganishda, talabalar bilimini mustahkamlashda va nazorat qilishda, grafika,
tovush va zamonaviy texnologiyalari bo„yicha yaratilgan
multimedia mahsulotlaridan
maksimal darajada unumli foydalanish mumkin. Bunda bilim olish jarayoni motivatsion
va kreativ tus oladi[11].
ACTIVboard (interfaol doska) bu – kompyuter va proyektor bilan birgalikda
ishlaydigan ta‟lim berishning zamonaviy texnik vositasidir(1-rasm).
Interfaol doska
tarkibiga o„zidan tashqari maxsus elektron qalam(stilus), dasturiy ta‟minot vositalari
(interfaol doskaning drayveri va maxsus grafik muharrir) hamda USB kabel kiradi.
1-rasm. ACTIVboard (interfaol doska)
Tegishli sozlash amallari bajarilgandan so„ng, interfaol doska ishchi holatga
keltiriladi. Proyektor yordamida interfaol doska yuzasiga tushirilayotgan
tasvirlar bilan
interfaol usulda ishlash mumkin. Ya‟ni, elektron qalam yordamida kompyuterning grafik
interfeysini boshqarish,
turli obyektlarni yaratish, oldin yaratilgan obyektlarni ochish,
ularga tegishli o„zgartirishlar kiritish amallarini bajarish ham mumkin bo„ladi. Kiritilgan
barcha o„zgartirishlar va yaratilgan yangi obyektlarni, ularga kelgusida qo„shimcha ishlov
berish uchun kompyuter xotirasiga yozib qo„yish yoki tashqi axborot tashuvchi vositalarga
ko„chirib olish mumkin. Interfaol doska
maxsus elektron qalam orqali, shuningdek qo„l
barmoqlari bilan ham boshqariladi va maxsus elektron qalam yoki qo„l barmoqlari
kompyuter sichqonchasi kabi ishlaydi[10].
Ta‟lim jarayonida interfaol doskadan ikki rejimda foydalanish mumkin:
birinchi rejimda elektron qalam faqat kompyuter sichqonchasining vazifasini
bajaradi;
ikkinchi rejimda esa u maxsus dasturiy ta‟minotning barcha
uskunalari vazifasini
bajaradi (masalan: oddiy qalam, marker, mo„yqalam, o„chirgich, qaychi, lupa va
boshqalar);
Elektron qalamning doska yuzasidagi holati va harakatlariga oid ma‟lumotlar
elektron doskadan USB kabel orqali kompyuterga uzatiladi va ushbu ma‟lumotlar
qayta
ishlanib elektron qalamning harakatiga mos ravishda amallar bajariladi[34].