1-MAVZU. YO‘NALISHGA KIRISH FANINING MAQSAD VA
VAZIFALARI.
Reja:
1. Yo‘nalishga kirish fanining maqsad va vazifalari.
2. Fanning bakalavr tayyorlashdagi ahamiyati.
3. Avtomobil transportining ahamiyati va mamlakat iqtisodiyotida tutgan
o‘rni.
1.1. Yo‘nalishga kirish fanining maqsad va vazifalari.
Tayanch so‘zlar va iboralar: Transport vositalari muhandisligi, avtomobil
servisi, yo‘l harakatini tashkil etish.
Oliy ta’lim muassasining birinchi kursiga qabul qilingan talabalar ko‘p qirrali
yangi hayotga, talabalar jamoasiga kirib boradilar, mustaqil ish ko‘nikmasini
shakllantiradilar, ular uchun yangi bo‘lgan o‘quv jarayonining shakl va maqomini
egallab boradilar. Birinchi kurs talabalari institut tarixi uning rivojlanishi, institutda
ta’lim oladigan yo‘nalishlar, mutaxassisliklar va tanlagan kasblari bo‘yicha
tasavvurga ega bo‘lishlari kerak.
Shu o‘rinda ushbu “Yo‘nalishga kirish” fani
60712500–“Transport
vositalari muhandisligi (avtomobil transporti)” ta’lim yo‘nalishlariga
qabul
qilingan talabalari uchun o‘zlari tanlagan yo‘nalishning tub mazmun va mohiyati,
kelajakda qaysi soha xizmat ko‘rsatish tarmoqlarida faoliyat olib borishi, yosh
kadrlarga qo‘yiladigan talablar va institutda kunduzgi 4 yil (sirtqi 5yil) davomida
davlat ta’lim standartlari va yo‘nalish bo‘yicha ishlab
chiqilgan malaka talablari
asosida o‘qitiladigan majburiy fanlar (majbiriy (gumanitar va ijtimoiy-iqtisodiy
fanlar, matematika
va tabiiy-ilmiy fanlar, umumkasbiy fanlar, ixtisoslik fanlar)),
tanlov fanlari kabi fanlarning bir-biriga uzviy bog‘liqligi ta’minlanadi.
Fanning
maqsad va vazifalari, mazmuni, fan bo‘yicha tayyorlangan
darslik va uslubiy
ko‘rsatmalarda o‘z aksini topadi.
