Ikkinchidan , tiklanadigan energiya manbalariga nisbatan global munosabat
o„zgarmoqda. Avvallari tiklanadigan energiya manbalariga investitsiya sarflash past
daromadli soha hisobalanib, davlat sohaga investitsiya jalb etishda investorlar
uchun turli xil imtiyozlar va preferensiyalar berishga harakat qilar edi. Hozirda
jahon hamjamiyatining tiklanadigan energiya manbalaridan foydalanish, umuman
“yashil iqtisodiyot”ga investitsiya sarflash borasidagi fikrlari tubdan o„zgardi.
Quyosh va shamol energiyasiga investitsiya sarflash moliyaviy jihatdan serdaromad
sohaga aylanib borayotganligi mazkur tarmoqqa investitsiyalar oqimining ortishi,
moliyaviy omiliga aylandi;
Uchinchidan , quyosh va shamol energiyasi kelajak energiyasiga aylanib bormoqda.
Bloomberg agentligi 2020 yilga kelib 600 GVt elektr energiyasi quyosh
batareyalari hisobidan olinishi, 2030 yilga kelib esa mazkur ko„rsatkich 1900 GVt
ga yetishini bashorat qilmoqda. Iqtisodiyotning yetakchi tarmoqlarida muqobil
energiyaga o„tish jarayonlarining jadallashuvi sohada yangi eraning boshlanishi
sifatida baholanmoqda.
To„rtinchidan , jahonda neft narxining arzonlashishi. So„nggi yillarda jahon energiya
bozorida neft bahosining pasayishi kuzatilmoqda. Tabiiyki, ushbu holat “yashil
enerigiya” korxonalari raqobatbardoshligini pasaytirib, investitsiya muhitiga salbiy
ta‟sir ko„rsatadi. Biroq “yashil energiya” tarafdorlari o„z optimistik qarashlarida
qolishmoqda, neft narxining pasayishi keyingi geologik qidirish ishlarini olib
borishga bo„lgan rag„batning kamayishiga va natijada neft ishlab chiqarish
hajmining qisqarishiga olib kelishi ta‟kidlanmoqda. Agar mazkur holat kuzatilsa
“yashil energiya”ning ahamiyati yanada ortadi;
Beshinchidan , ushbu sohani yangi soha sifatida yanada chuqurroq o„rganish
zaruriyatining mavjudligi. Tiklanadigan energiya manbalaridan foydalanish sohasi
yangi soha bo„lgani bois kelajakda uning samaradorligini oshirish, ekologik
jihatdan xavfsizligini ta‟minlash uchun katta miqdorda sarf-xarajatlar sarflash,
chuqur ilmiy izlanishlar olib borish talab etiladi. Misol uchun, tiklanadigan
energiya manbalaridan foydalanishdagi muammolaridan biri olingan energiyani
saqlash va uzatish hisoblanadi. Hozirgi vaqtda tiklanadigan energiya manbalaridan
olinadigan energiya akkumulatorlarda saqlanadi yoki to„g„ridan-to„g„ri
iste‟molchiga uzatiladi. Akkumulatorlarning avtonomlik koeffitsienti esa past
darajada, shu bois “yashil energetika”ni rivojlantirish va investitsiyalashda yuqori
texnologiyali innovatsiyalarga tayanish maqsadga muvofiq.
