1. YoʻlovchIlarni tashish texnologiyasida logIstik yondashuv
2. YengIl avtomobillarda yoʻlovchilar tashIsh
3. Shahar yoʻlovchi transportini ijtimoiy va mantiqiy
tizimlari munosabati
4. Shahar yoʻlovchI transportida logistik texnologiyalar va
logistik tizimlar strukturasi
5. Shahar yulovchilarini transport xizmatlarida soʻrovlari
omillari
1. Yoʻlovchilarni tashish texnologiyasida logistik yondashuv
Transport turlaridan qat‗iy nazar yoʻlovchilar tashishni tashkil
etishda ularga bir xil talablar qoʻyilgan boʻlib, unda yoʻlovchilarni qisqa
vaqt ichida manzillariga yetkazib qoʻyish, transport vositalarining butun
marshrut davomida aniq harakati, transport vositalaridan yaxshi
foydalanish, toʻla xavfsizlik bilan tashishni tashkil etish,
yoʻlovchilarga yuqori madaniyat bilan xizmat etish, iloji boricha
harajatlarni tejamli sarflash talablari qoʻyiladi.
Yoʻlovchilarni koʻplab tashuvchi transportning boshqa turlariga
nisbatan yoʻlovchilar tashuvchi avtomobil transportining bir qancha
afzalliklari bor. Bunday afzalliklarga eng avvalo, yoʻlovchilar
tashuvchi avtomobil transportining yuqori darajali manevrliligi, ya‗ni
yoʻlovchilarni ish va yashash joylariga yetkazib borish xususiyati,
takomillashtirilgan va qattiq qoplamali yoʻllarda yer usti yoʻlovchilar
tashuvchi boshqa transportlarga nisbatan yuqori harakat tezligiyu, zarur
boʻlganda shahar ichi marshrutlarning bir qismini dam olish (shanba
va yakshanba) kunlari shahar atrofida xordiq chiqarish joylariga
boruvchi, shahardan tashqarilarini esa uning aksi, kerak boʻlganda
shahar ichi va atrofi marshrutlaridagi bir qism avtobuslarni ekspress
harakatiga oʻtkaza olinishini kiritish mumkin.
Avtobuslarda yoʻlovchilar tashishning yana bir asosiy afzalligi bu
zarur boʻlganda yangi marshrutlarni tez ishga tushura olinishidir.
Me‘yordagi yoʻl sharoitlari bor joylarda yangi avtobus marshrutlariga
qoʻshimcha ishlar qilinmasdan, masalan, yakka inshootlar, elektr
podsantsiyasi (yordamchi elektr bekati), kontakt shahobchalari
kabilarsiz ishga tushirish mumkin. Bunday qurilmalar tramvay va
trolleybus marshrutlari uchungina zarurdir. Yangi ochilgan avtobus marshrutlariga qilingan katta xarajatlarni nisbatan qisqa davr ichida
qoplanishi mumkin.
Yoʻlovchilar zichligi quvvatiga katta boʻlgan marshrutlarga
ertalabki va kechki «tashish choʻqqisi» soatlarida 15 dan koʻp avtobuslar
chiqarilishi lozim. Harakat chastotasi harakat intervaliga bogʻliq boʻlib,
u ma‗lum joy (bekatdan) qancha vaqt ichida navbatdagi avtobus oʻtish
vaqti minutda oʻlchanadi.
Harakat intervallari shahar marshrutlarida odatda 4-6 min va
kamdan-kam paytda 12-15 min boʻladi.
Avtobuslar harkatini muntazam tashkil etish uchun ular harakat
jadvallari va chizmalari boʻlishi zarur. Harakat chizmasi har bir
marshrutdagi avtobus uchun alohida tuziladi. Bunday chizmalarni
tuzilishlikda marshrut, avtobus va haydovchilarning ish rejimlari asos
qilib olinadi. Harakat chizmalarini belgilashda sutka ichi soatlaridagi,
hafta kunlaridagi va yil fasllaridagi yoʻlovchilar oqimining oʻzgarishini
hisobga olishlik zarur.
Bir guruh marshrutlar uchun harakat chizmalarini tuzishda,
marshrutlarning har birining alohida xarakteri hisobga olinadi. Bunda
turli marshrutlardagi yoʻlovchilar zichligi oʻzgarishi hisobga olinib bir
marshrutdan boshqasiga ayrim miqdordagi avtobuslarni oʻtkazishlik
imkoniyatlari koʻrsatilgan boʻlishi kerak. Bunday oʻtkazishlarda,
avtobuslar kamaytirilayotgan marshrutdagi yoʻlovchilar tashish ishi
jiddiy susaymaydigan boʻlishi nazarda tutilishi lozim. Bundan tashqari,
iqtisodiyotni nazarda tutib, oʻtkaziluvchi avtobuslar qatnovini oshirib
yubormaslikka ham e‗tibor berilishi lozim.
Harakat chizmalari asosida harakat jadvali tuziladi. Tuzilgan
jadvallar esa aholiga eng yaxshi xizmat koʻrsatish bilan birga
avtobusdan oqilona foydalanishlikni hisobga olgan boʻlishi zarur.
Jadvalda oxirgi punktlaridan joʻnash va ularga kelish hamda
yoʻlovchilar oboroti koʻp boʻlgan uzellardan oʻtish vaqtlari koʻrsatilgan
boʻladi. Bunday jadvallarni tuzishda sutka soatlari ichi ekspluatatsion
harkat tezliklarini hisob qilishni belgilanishi maqsadga muvofiq va bu
narsa yoʻllarning yuklanganligiga, avtobuslarni toʻlganligi va boshqa
sharoitlar bilan bogʻliqdir.
2. Yengil avtomobillarda yoʻlovchilar tashish
Yengil avtomobillarda yoʻlovchi tashish avtobuslar bilan tashishga
nisbatan foydalanilayotgan transport vositalari va tashish ishlarni tashkil
etish tamoyillarga koʻra tubdan farqlanadi. Yengil avtomobillarda
yoʻlovchilarni tashish asosan quyidagilarga boʻlinadi:
- maxsus taksi avtomombillarda yoʻlovchilarni tashish;
- xizmat yuzasidan yoʻlovchilarni yengil avtomobillarda tashish.
Keyingi tashishlar qatoriga aholi buyurtmasiga binoan tantanalarga
xizmat etuvchi yengil avtomobillar ishlari ham kiradi. Bundan tashqari
aholining shaxsiy mulklari boʻlgan yengil avtomobillarda tashishlar ham
bordir. Yengil avtomobillarda yoʻlovchilar tashish ishlarining aksariyati
yengil taksi va shaxsiy mulk egalari avtomobillari zimmasidadir.
Taksi yengil avtomobillarda shahardagi yoʻlovchilarni eng qulay
tashish turlariga kiradi. Ammo, taksi yengil avtomobillardagi
yoʻlovchilarni tashish shahar marshrut transporti almashtirolmay,
ularga qoʻshimcha transport turi boʻlib, aksariyat hollarda vaqti ziq
boʻlgan yoʻlovchilarni tashishlarda, yoʻlovchining talabiga binoan u
aytgan ―eshikdan-eshikgacha‖ boʻlgan tashishlarda, yukli yoʻlovchilar
qatnovida, shahar yoʻlovchilar transportning boshqa turi boʻlmagan
hududlardagi tashishlarda yoki shahar yoʻlovchilar transporti
ishlamaydigan tungi soatlardagi tashishlarda ishlovchi yoʻlovchilar
transporti hisoblanadi. Ayrim hollarda yengil avtomombillardan shahar
atrofi, qishloq joylardagi va shaharlararo yoʻlovchilar tashishda ham
foydalaniladi.
Yengil taksi avtomobillarni ishlatishlikda ulardan jadal foydalanish
xarakterlidir. Sutka davomida bunday avtomobillar 13-14 soat ishda
boʻlib, oʻrtacha bosib oʻtish masofasi 200-250 km ni tashkil etadi.
Aksariyat hollarda yengil taksi avtomobillardan foydalanuvchi
yoʻlovchilar yuk bilan qatnovchi yoʻlovchilardir.
Shuning uchun ham taksidan foydalaniladigan avtomobillarga
texnik jihatdan yuqori darajada ishonchli, dinamik sifati yuqori,
yoʻlovchilarni oʻtirish va ular yuklarini joylashtirish qulay boʻlishi
talablari qoʻyiladi.
Barcha yengil taksi avtomobillarida kira haqini oʻlchab boruvchi
asbob-taksometr hamda chiroqli signal qurilmalari boʻlishi lozim. Bunda
koʻk chiroqli signal taksi boʻshligini, qizil chiroqli signal uning aksi,
ya‗ni bandligini koʻrsatadi. Taksometrning bir necha xil kira haqini
hisoblovchilari boʻlib, avtomobil harakatiga uzatmalar qutisi orqali
ishlaydi, agar buyurtmachi talabiga binoan kutib turilsa yoki harakat
tezligi 15 km/soatdan kichik boʻlsa, asbob ichiga oʻrnatilgan soat
mexanizm bilan avtomobildan foydalanish haqi hisoblanib boriladi.
Taksometrlar Davlat standarti talabiga binoan va avtomobil spidometri
(harakat tezligi koʻrsatuvchi asbob) kabi plombalanishi shart.
3. Shahar yoʻlovchi transportini ijtimoiy va mantiqiy
tizimlari munosabati
Shahar mikrotumanlari yoki yoʻlovchilar oqimi koʻp boʻlgan yirik
uzellardagi korrespondentlar (ya‗ni yoʻlovchilar) tashuvchi yoʻllarni
yoki marshrutlarni tashkil etish asoslari boʻlib, ularning yigʻindisi
shahar transport shahobchalarini tashkil etadi. Aytilgan
shahobchalarni shahar xududlariga oqilona joylashtirish va turli xildagi
shahar transportlari orasida yoʻlovchilar tashish ishini
muvofiqlashtirishda marshrutlarni iloji boricha yoʻlovchilar qatnovi
uchun zarur boʻlgan vaqtni tejash, ya‗ni uni minimal boʻlishi, harakat
muntazamligi va tekisligini hisobga olib, marshrutlarni toʻgʻri chiziqli
boʻlishi maqsadga muvofiqdir. Bunday talablarni bajarishlik uchun
harakatni eng qisqa yoʻnalish boʻyicha (amalda bor yoʻl va koʻchalarni
hisobga olib), aholi zich yashaydigan va markazni chetki tumanlar bilan
birlashtiruvchi hamda turli xil, eng avvalo bor metropoliten transportlari
bilan (agar bunday transport boʻlsa) tutashuvchi marshrutlar tashkil
etilishi tavsiya etiladi.
Marshrutlar yoʻnalishi va transport shahobchalarining joylashuvi
(konfiguratsiyasi) yoʻlovchilar hosil etuvchi va yoʻlovchilarni koʻplab
qabul qiluvchi tugunlar shahar hududidagi joylashuvigi bogʻliq boʻlmay,
shaharning transport harakatlari kommunikatsiyalarini joylashuvi,
koʻchalarning alohida xususiyatlari, ulardagi harakat zichligi va jadalligi
kabilarga ham bogʻliqdir.
Amalda bor yirik shaharlardagi yoʻlovchilarga xizmat etish shahar
transporti turlari (metro, tramvay, trolleybus va avtobus) ichida eng
koʻp tarqalgani avtobus transportidir. Avtobus transporti koʻpchilik
kichik va oʻrta shaharlarda yagona yoʻlovchilar tashuvchi transport
turidir.
Trolleybus
Boshlangʻich kapital xarajatlarni kamligi
(ammo avtobusdan koʻp), harakatning tinchligi,
jadal tezlana olishligi, aloqa tezligining kattaligi,
havodagi kontakt-sim qurilmalarining
murakkabligi (ayniqsa kesishish joylari,
strelkasi), manevrchanligini avtobusga nisbatan kamligi sababli)
Tramvay
- Tashish qobiliyatining kattaligi
- Yoʻlovchilar oqimi koʻp boʻlganda joylarda
tashish tannarxining arzonligi;
- Boshqarishni soddaligi;
- Manevrchanlikning kamligi;
- Harakatdagi shovqinni koʻpligi;
- Boshlangʻich kapital harajatlarning juda kattaligi.
Metro
- Tashish qobiliyatining eng kattaligi;
- Aloqa tezligining eng kattaligi;
-Harakat muntazamligining yuqoriligi
(toʻsiqlar yoʻqligi) harakat xavsizligining eng
kattaligi;
- Boshlangʻich kapital xarajatlarning juda kattaligi.
Texnik-ekspluatatsion koʻrsatgichlariga binoan yoʻlovchilar
transportning har bir turining eng oqilona ishlatish joylari bor.
Juda katta quvvatli yoʻlovchilar oqimiga, ayniqsa markaziy joylarda
yer usti transporti ishini yengillashtirishda metroning xizmati
beqiyosdir; metroning bir yoʻnalishi soatiga 50-60 ming kishi
tashish quvvatga ega boʻlgan yoʻlovchilar oqimiga xizmat qila oladi.
Tramvay muhim ahamiyatli katta quvvatli yoʻlovchilar oqimiga
xizmat qiladi; metro yoʻnalishining davomi sifati shahar tumanlarini
shahar atrofi bilan bogʻlashda koʻpincha tramvaydan foydalaniladi; Bir
tramvay yoʻli, undagi vagonlar soniga koʻra soatiga 15-18 ming
yoʻlovchilar oqimi quvvatiga ega yoʻnalishga xizmat qila oladi.
Sutkasiga kamida 5 ming yoʻlovchilar oqimi boʻlgandagina tramvay
yoʻllarini qurishik maqsadga muvofiqdir.
Trolleybus tramvayni shaharning asosiy yoʻnalishlarida
almashtirishda hamda yoʻlovchilar oqimi kam boʻlmagan hollarda
shaharni uning atrofi bilan birlashtirishda qoʻllaniladi; bir trolleybus
yoʻli soatiga 5-9 ning yoʻlovchilar oqimiga xizmat etishi mumkin.
Trolleybus yoʻnalishini ochishlik uchun ayni yoʻnalishda sutkasiga
kamida 2 ming yoʻlovchilar oqimi boʻlishligi maqsadga muvofiq deb
topilgan.
Avtobuslar shaharning markaziy hududlaridagi qisqa masofali
qatnovlarda metro, tramvay va trolleybus yoʻnalishlariga paralel
qoʻshimcha, ya‗ni ular marshrutlarini yanada toʻldirish maqsadida
ishlatiladi. Yoʻlovchilar transportining boshqa turlari boʻlmagan yoki
yoʻlovchilar oqimi kichik joylarda musaqil ravishda avtobus
marshrutlari xizmati tashkil etiladi; shahar bilan shahar atrofi
yoʻlovchilar aloqalarini oʻrnatishda avtobus xizmatining alohida oʻrni
bor. Bir harakat yoʻnalishidagi bir avtobus yoʻli soatiga 5-7 ming
yoʻlovchilar oqimiga va parallel lentali harakatlarda esa 10 ming
yoʻlovchilar oqimiga xizmat etish qobiliyatiga ega.
Yoʻlovchilarni tashish quyidagi turlarga boʻlinadi:
a) shaharda tashish;
b) shahar atrofida tashish;
v) shaharlararo tashish;
g) xalqaro tashish.
Yoʻlovchilar:
a) yoʻnalishli avtobuslarda;
b) yuridik va jismoniy shaxslarga ularning buyurtmanomalari
(buyurtmalari)ga yoki tashishning boshqa shartnomalari boʻyicha
beriladigan avtobus va yengil
avtomobillarda;
v) yoʻnalishsiz taksilarda;
g) yoʻnalishli taksilarda
tashiladi.
Yoʻnalishli avtobuslar va
yoʻnalish taksilari harakati:
a) shahardagi yoʻnalishlarda — shaharlarning hokimliklari yoki
shaharlar hokimliklari tomonidan tashkil etiladigan shahar
yoʻlovchilar tashish transportini boshqarish organlari tomonidan;
b) shaharlar atrofidagi va viloyatlar ichidagi shaharlararo
yoʻnalishlarda — viloyatlar hokimliklari yoki Qoraqalpogʻiston
Respublikasi Vazirlar Kengashi hamda viloyatlar va Toshkent shahar
hokimliklari tomonidan tashkil etiladigan yoʻlovchilar tashish
transporini boshqarish organlari tomonidan;
Yangi yoʻnalishlarni tashkil etish (ochish) qonun hujjatlarida
belgilangan tartibda:
a) shaharlarda — shaharlar hokimliklari yoki shahar yoʻlovchilar
tashish transportini boshqarish organlari tomonidan Toshkent shahar
ichki ishlar bosh boshqarmasi, Qoraqalpogʻiston Respublikasi Ichki
ishlar vazirligi va viloyatlar ichki ishlar boshqarmalarining hududiy
yoʻl harakati xavfsizligi boshqarmalari bilan yoʻnalishlar sxemalarini
kelishgan holda;
b) shahar atrofidagi va viloyatlar ichidagi shaharlararo
yoʻnalishlarda — Qoraqalpogʻiston Respublikasi Vazirlar Kengashi
hamda viloyatlar va Toshkent shahar hokimliklari yoki yoʻlovchilar tashish transportini boshqarish organlari tomonidan Toshkent shahar
ichki ishlar bosh boshqarmasi, Qoraqalpogʻiston Respublikasi Ichki
ishlar vazirligi va viloyatlar ichki ishlar boshqarmalarining hududiy
yoʻl harakati xavfsizligi boshqarmalari bilan yoʻnalishlar sxemalarini
kelishgan holda;
v) viloyatlararo, shaharlararo va xalqaro yoʻnalishlarda —
Oʻzbekiston Respublikasi Ichki ishlar vazirligi Yoʻl harakati xavfsizligi
bosh boshqarmasi bilan yoʻnalishlar sxemalarini kelishgan holda
Oʻzbekiston avtomobil va daryo transporti agentligi tomonidan amalga
oshiriladi.
Shahar yoʻlovchilar tashish transporti oʻnalishlari quyidagi
turlarga boʻlinadi:
a) shahardagi oddiy, tezkor, ekspress va tigʻiz paytlardagi
qoʻshimcha yoʻnalishlar;
b) shahar chetidan koʻpi bilan 2 km chetga chiquvchi shaharda
qatnovchi yoʻnalishlar;
v) yoʻnalishli taksilar.
Shahardagi yoʻnalishlar shahar (shaharcha)dagi turar joy va
sanoat hududlarini madaniy-maishiy va sport-sogʻlomlashtirish
tashkilotlari, vokzallar, aeroportlar, avtostansiyalar, metro stansiyalari,
temir yoʻl platformalari, pristanlar va shu kabilar bilan transport
aloqasini ta‗minlashi kerak.
Aholiga xizmat koʻrsatish xususiyatiga muvofiq shahardagi
yoʻnalishlar bir nechta ish rejimiga ega boʻlishi mumkin:
a) sutka, hafta kunlari, oyning belgilangan davri mobaynida amal
qiladigan doimiy yoʻnalishlar;
b) dam olish hududlari, sport-sogʻlomlashtirish komplekslari,
yarmarkalar va shu kabilar faoliyat koʻrsatadigan davrda tashkil
etiladigan mavsumiy yoʻnalishlar;
v) maxsus yoʻnalishlar;
g) koʻcha–yoʻl shohobchalarida favqulodda vaziyatlar paydo
boʻlganda, ayrim uchastkalar, transport yoʻllari va maydonlar
yopilganda joriy etiladigan vaqtinchalik yoʻnalishlar.
4. Shahar yoʻlovchi transportida logistik texnologiyalar va
logistik tizimlar strukturasi
Boshqarish sistemasi transport jarayoʻnini bajarish jarayoʻnida
toʻliq va toʻgʻri informatsiyalarni egallashi kerak.
Boshqarishni logistik texnologiyasi logistik modelni mavjudligini
hisobga oladi. Boshqarishni logistik texnologiyasi kompyuter texnikasiz
amalga oshirilmaydi, qaysiki uning asosiy elementi material baza
hiosblanadi.
Transport ehtiyojlarini logistik modeli shahar aholisi uchun
marshrut tarmogʻini qurish va transport vositalarini ish rejimini
aniqlashni asosi hisoblanadi.
Boshqarish moduli turli matematik modellardan foydalanib quriladi
va dasturlarni paketini ifodalaydi. Logistik model tanlangan sistemalar
yordamida baholash imkoniyatini beradi. Shahar yulovchi transportini
boshqarishda liniyada koʻchma tarkib ishini operativ informatsiyasidan
foydalaniladi. Boshqarishni logistik logistik sistemalarini yaratish
yulovchilarni tashishda zamonaviy kompyuter texnikasi va zamonaviy
dastur vositalari yordamida amalga oshiriladi.
Logistik model shaharda yulovchilarni tashishni boshqarishni
logistik sistemalarining zarur elementi hisoblanadi va quyidagi
elementlarni tashkil etadi:
shahar aholisini transportga boʻlgan ehtiyojlari;
mavjud marshtrut tarmogʻida transportni ishlash koʻrsatkichlari
va yulovchilarni tashish xarakteristikasi;
shahar aholisiga transportli xizmat koʻrsatishni variantlari
tahlili uchun matematik model;
turli variantlar boʻyicha matematik modellashtirishni natijalari
va transportli xizmat koʻrsatishni bashoratlash sistemalari.
Yoʻlovchilarni tashishda logistik sistemalarni zanjirlar orasidagi logistik
oqimlarini ajratish logistik logistik sistemani koʻrsatishga ruxsat beradi.
5. Shahar yulovchilarini transport xizmatlarida soʻrovlari
omillari
Transport xizmatlarini bozorda samarali funksiyalashtirish uchun
birinchi navbatda ularga boʻlgan soʻrov haqida toʻliq informatsiyaga
ega boʻlish kerak.
Marshrut xabarlari va tarmoqlar farqlanadi. Marshrutli xabarlar –
marshrut tarmogʻida ishtirok etuvchi toʻxtash punktlari orasidagi siljish.
Yoʻlovchilar oqimini tekshirish metodikasiga ikkita prinsipial kamchilik
xos:
1) tekishirishlar qisqa oʻtkaziladi, olingan natijalar esa butunlay
shahar uchun umumlashtiriladi va transport ishini butun davrida
foydalaniladi;
2) tekshirishlar natijalari oʻtmishdagi joyni holatini aks ettiradi.
Bu aloqada tashish hajmini matematik modelini yaratish dolzarb
hisoblanadi. U yoki bu omillarni belgilashda, yoʻlovchi oqimlarini
bashoratini oʻzgartirish mumkin.
Omillarni katta guruhi miqdoran baholanadi. Bunday omillar
turiga shaxsiy foydalanish uchun avtomobillar miqdori hisoblanadi.
Tashishni soʻrovi aniqlaydigan omillar toʻplami tashishning turiga
bogʻliq. Masalan, yulovchilarni oqimini kattaligi kechki vaqtda
restoranlar, klublar koʻngil ochar dasturlarga bogʻliq. Radial magistral
transport oqimini shaharga kirishi, chet tumanlarni shahar markazi bilan
bogʻlash uchun xizmat qiluvchi avtomobil yoʻllari hisoblanadi.
|