Hammabop Tibbiyot Qo’llanmasi 2013
128
Dorilarni ishlatish yuzasidan maslahatlar:
1. Dorilarni faqat kerak bo`lganidagina ishlating.
2. Har qanday dorini to`g`ri ishlatish yo`llarini va
uning xavfl i tomonlarini
bilib oling. (YASHIL SAHIFALARGA qarang).
3. Dorilarni to`g`ri miqdorda ishlatayotganingizga e`tibor bering.
4. Agar dori bir necha kundan so`ng ham ta`sir qilmasa yoki yangi,
qo`shimcha muammolarga sabab bo`lsa, uni ishlatishni to`xtating.
5. Shubhalansangiz, tibbiyot xodimi bilan maslahatlashing.
Eslatma: Ba`zi tibbiyot xodimlari kerak bo`lmagan
hollarda ham dori
beradilar, ko`pincha ular bemor dori berishimizni xohlayapti va u dori
bermaguncha tinchlanmaydi deb o`ylaydilar.
Shifokorga va tibbiyot xodi-
mingizga aytingki, ular sizga faqat juda zarur dorilarni tavsiya qilishsin. Bu
sizning pulingizni tejaydi hamda sog`lig`ingizni saqlaydi.
Dorilarni faqat kerak bo`lganda va qanday foydalanishni
bilganingizdagina ishlating.
DORILARDAN NOTO’G`RI FOYDALANISHNING
O`TA XAVFLI
HOLLARI
Quyida zamonaviy dorilarni ishlatishda odamlar yo`l qo`yadigan
eng oddiy va xavfl i xatolar ko`rsatilgan. Dorilarning noto`g`ri ishlatilishi
har yili necha-necha odamlarni o`limga olib keladi. EHTIYOT BO`LING!
1. Levomitsetin (Xloramfenikol) (639- bet)
Ushbu dorining oddiy
ich ketishida va boshqa
yengil kasalliklarda ishlatilishi noto`g`ridir, chunki bu
juda xavfl i. Uni faqat ich terlama (355-bet) kabi og`ir
kasalliklarda ishlating. Hech
qachon uni bir oydan yosh
bo’lgan chaqaloqlarga bermang.
Hammabop Tibbiyot Qo’llanmasi 2013
