Neftni kompleks tayyorlash qurilmalarining umumiy
chizmasi va texnologik jarayonlari
Neftni kompleks tayyorlash qurilma va jihozlarining umumiy
texnologik chizmasi.
1- neft quduqlari; 2- neft miqdorini o‘lchovchi jihozlar; 3- siquvchi nasos
stansiyasi; 4- gazni qayta
ishlovchi zavod; 5- neftni kompleks tayyorlash
qurilmalari; 6- suvni tozalovchi qurilmalar; 7- neftni saqlovchi rezervuarlar;
8- tayyorlangan neftni uzatuvchi nasoslar; 9- neftni sifatini tekshiruvchi
jihozlar; 10- tayyor neftni saqlovchi rezervuarlar; 11- tayyor
neftni magistral neft
quvuriga haydovchi nasoslar; 12- haydovchi nasoslar; 13- suvni haydovchi nasos;
14- neft quduqlariga haydash.
Quduqlardan olingan “xom” neft quvurlari orqali, o‘z bosimida, neft hajmini
o‘lchovchi jihozlarga keladi. Bu yerda ma’lum miqdordagi yengil uglevodorodlarni
ajralishi sodir bo‘ladi. Keyin neft aralashtirilib,
siquvchi nasos stansiyasiga
oqiziladi. U yerda seporatorlar bo‘lib, birinchi bosqichda yengil gazlarni ajratib olish
jarayoni sodir etiladi. Ajratilgan gaz, gazni qayta ishlash zavodiga yuboriladi.
Qisman gazdan tozalangan neft, kompleks tayyorlaydigan qurilmalarga haydaladi.
Bu yerda neftni 2 va 3 bosqich gazdan tozalash jarayoni amalga oshiriladi. Undan
tashqari neftni suvsizlantirish va tuzsizlantirish jarayonlari bajariladi.
Ajratib
olingan gazlar, gazni qayta ishlash zavodiga yuboriladi. Tozalangan neft yopiq
rezervuarlarga oqiziladi va ulardan nasos yordamida neftni
sifatini tekshiruvchi
jihozlarga uzatiladi.
Agar tozalangan neftni sifati qoniqarli bo‘lsa, mahsulot saqlovchi
rezervuarlarga haydaladi.
U yerda nasos yordamida, magistral neft quvuri orqali
neftni qayta ishlash zavodiga yuboriladi.
Agar tayyorlangan neftning sifati qoniqarsiz bo‘lsa, neft ya’na
kompleks
tayyorlash qurilmalariga qaytariladi. Ajratib olingan suv tozalanib nasos yordamida
neft quduqlariga haydaladi.
