|
3 (79) 2021 pedagogik mahorat
Pdf ko'rish
|
| bet | 171/344 | | Sana | 07.12.2023 | | Hajmi | 3,37 Mb. | | #113345 |
Bog'liq Pedagogik mahorat 3-son 2021 yil3 (79) 2021
PEDAGOGIK MAHORAT
129
loyihalar bilan tanishtirish, ishlab chiqarish jarayonining asosiy tamoyillarini oʻrganish, boʻlimning asosiy
vazifalari va mas’uliyat darajasi, hisobot berish asoslari, mahsulotga yoʻnalgan boshqaruv uslubini oʻrganish
va xarajatlarni hisoblash, mehnatni muhofaza qilish va xavfsizlik asoslari.
Sotuvlar – tashkilotning bozordagi ulushi va reklama jarayoni, raqobatdosh tashkilotlarning
imkoniyatlari, sotuv agentlarining faoliyati, sotuv uslublari.
Asosiy mehnat koʻnikmalari – aloqa vositalari va texnika jihozlaridan foydalanish boʻyicha mashqlar,
muomalada boʻlish xususiyatlari, ish joyining xususiyatlari va talablarini oʻzlashtirish, notiqlik san’ati,
marketing va moliyaga taalluqli asosiy bilimlar, kasb talabidan kelib chiquvchi qoʻshimcha malakalarni
shakllantirish mashqlari.
Ushbu matndan koʻrinib turibdiki, xorijiy davlatlardagi ilg‘or tashkilotlar tomonidan xodimlarni kasb
(zaruriy hollarda ikkilamchi kasb)ga moslashuvini har tomonlama amalga oshirish ta'minlanadi. Ma’lumot,
koʻnikma va malaka jihatlarni bunday qamrab olish yangi xodimning tashkilot hayotiga kirib borishini
ta’minlaydi va barcha kuch-g‘ayratini tashkilot maqsadi yoʻlida safarbar etish imkonini beradi.
3-bosqich. Moslashuvni amalga oshirish. Bu oʻzgarishlar jarayonida, bozor munosabatlariga oʻtishda
xotin-qizlarni yangi faoliyatga va jamoada mavjud shaxslararo munosabatlar tizimiga moslashtirish
jarayonidir. Bu bosqich doirasida xotin-qizlarning faol harakat qilishi, oʻzlarini turli (ishlab chiqarish, xizmat
koʻrsatish, savdo) jabhalarda sinab koʻrishiga imkoniyat yaratish lozim. Tegishli tashkilotlar (masalan,
tadbirkor ayollar assosiasiyasi) tomonidan jamiyatning ilg‘or xotin-qizlari erishayotgan muvaffaqiyatlari
haqida ma’lumot yig‘ib boriladi va faoliyati yuzasidan unga zarur tavsiyalar beriladi.
4-bosqich. Faoliyat koʻrsatish. Shu bosqichda moslashish jarayoni tugaydi va xotin-qizlar hukumat
tomonidan berilgan imtiyozlardan toʻliq foydalanishgan holda mustaqil ravishda oʻz faoliyatlarini davom
ettiraverishadi. Bunda xotin-qizlar oʻzlarining tadbirkorlik (mehnat) faoliyati yunalishida yuzaga kelayotgan
qiyinchiliklarni oʻzlari yengib oʻtish kuchiga ega boʻlishadi. Odatda, xotin-qizlarning bozor talab va
muhitiga qoʻpol moslashuvi 1,5–5 yillar atrofida amalga oshadi.
|
| |
