Dunyoda eng katta quvvatli shamol elektrostansiyasi 2009-yilning kuzida «E.ON Climate and Renewables» kompaniyasi tomonidan AQShning Texas
shtati markaziy qismida joylashgan Rosko shahri yonida, dunyoda eng quvvatli «Roscoe Wind
Farm» shamol energoqurilmalari parki ishga tushirildi [14]. «Roscoe Wind Farm» shamol
energoqurilmalari parkidagi har birining quvvati 1,25 MW bo‘lgan 627 ta shamol
energoqurilmalari 400 km 2 maydonga o‘rnatilgan bo‘lib, umumiy quvvati 781,5 MW ga teng (12-
rasm).
«Roscoe Wind Farm» shamol energoqurilmalari parkigacha eng katta
quvvatli- shamol energoqurilmalari parki «Horse Hollow Wind Energy Center» hisoblangan.
AQShning Dallas shahridan 160 km uzoqlikdagi 190 km2 maydonga o‘rnatilgan 394 dona shamol
turbinalarining umumiy quvvati 735,5 MW ni tashkil qiladi. Ulardan 1,5 MW li 291 dona turbina
«General Electric» firmasi tomonidan, 2,3 MW li 103 dona turbina «Siemens» firmasi tomonidan
ishlab chiqarilgan.
Dunyoda eng katta quvvatli offshor shamol elektrostansiyasi 2009-yilning sentabr oyida, Shimoliy dengizning Daniyadagi Yulian diya yarimoroli
qirg‘oqlarida. 91 dona shamol energoqurilmalaridan tashkil topgan dunyoda eng quvvatli «Horns
Rev-2» offshor shamol elektrostansiyasi ishga tushirildi [14], «Siemens» kompaniyasi ishlab
chiqargan har bir shamol energoqurilmalarining quvvati 2,3 MW ga, «Horns Rev-2» offshor
shamol elektrostansiyasining umumiy quvvati esa 209,3 MW ga teng. Shamol energoqurilmalari
dengiz suvi sathiga nisbatan 114,5 m balandlikka o‘rnatilgan (13-rasm).«Horns Rev-2» offshor
shamol elektrostansiyasigacha dunyoda eng katta offshor shamol elektrostansiyasi qirg‘oqdan 5,2
km uzoqda hamda Angliyaning Linkolnshir grafligidagi Skegness shahri yaqinida joylashgan
«Lynn and Inner Dowsing» shamol energoqurilmalari parki hisoblanardi. Shamol
energoqurilmalari parki «Siemens» kompaniyasi ishlab chiqargan, har biri 3,6 MW quvvatga ega
bo‘lgan 54 dona shamol turbinalaridan tashkil topgan. Shamol energoqurilmalari parkining
umumiy quvvati 194,4 MW ga teng bo‘lib, ular dengiz suvi sathidan 107 m balandlikka
o‘rnatilgan. Energoqurilmalarning minorasi dengiz tubiga qoqilgan qoziq-fundamentlarga
o‘rnatiladi. Qoziq-fundamentlarni o‘rnatish uchun maxsus kema qurilgan. Kema chayqalmasdan
ishlashi uchun, dengiz tubiga tayanadigan 6 dona gidravlik tayanch bilan jihozlangan. Offshor
shamol energoqurilmalari o‘rnatiladigan suvning chuqurligi 30 m dan oshmaydi.
