|
6-mavzu: Bibliografik axborot. Bibliografik axborot mavjudligining asosiy shakllari, axborotni yig‘ish va uzatish
|
| bet | 1/10 | | Sana | 03.04.2024 | | Hajmi | 29.42 Kb. | | #185963 |
Bog'liq 6-Ma\'ruza abanent 2
6-mavzu: Bibliografik axborot. Bibliografik axborot mavjudligining
asosiy shakllari, axborotni yig‘ish va uzatish
Reja:
1. Bibliografik axborotning zamonaviy tushunchasi
2. Bibliografik yozuv.
3. Bibliografik faoliyat.
Mashg‘ulotning maqsadi - bibliografik axborotning mohiyati, xususiyatlari, tarixi, uni uzatish va tarqatish usullari, bibliografik yozuv va uning xususiyatlari, bibliografiyalash texnologiyasi haqida ma’lumot berishdan iborat.
Asosiy tushunchalar: bibliografik kirish, bibliografik axborot, bibliografik xabar, bibliografik yozuv, bibliografik qo‘llanma, bibliografik tavsif, annotatsiya va referat, indekslash, bibliografiyalash, bibliografik xizmat
1. Bibliografik axborotning zamonaviy tushunchasi
2,5 ming yildan beri hujjatli manbalarni o‘rganish bibliografik axborotni tashkil etuvchi matnlarni aniqlashga imkon berdi. Bular quyidagilardan iborat: Bibliografik kirish, matn ichi ro‘yhatlari, mashhur mualliflar asarlarining ro‘yhati, kutubxona kataloglari, bibliografik ro‘yhatlar.
Bibliografik kirish - bu matn boshidagi muallif ismi-sharifi, sarlavha, kitobxon guruhi, maqsadi va boshqalar; asar boshida avtobiografik xarakterdagi ma’lumot; matndagi va matndan tashqaridagi asar sarlavhasi; matn so‘ngidagi yozuvlar haqida ma’lumot.
Hozirda bibliografik kirish tushunchasi matn bilan tanishishga qadar asar haqidagi eng zarur, qisqa ma’lumotlarni aks ettiruvchi titul (sarvaraq) sahifasi tushuniladi. Qadimgi antik adabiyotda bunday ma’lumotlar “bilim beruvchi” didaktik, hikoya va qo‘shiq janridagi asarlarda qo‘llanilgan 22 ta adabiy yodgorliklarda ana shunday ma’lumotlar borligi aniqlangan. Bibliografik kirish tuzilishi o‘sha davr uchun xos bo‘lgan shaklda, ma’lum bir tartibda berilgan - asar muallifi yoki shaxs haqida ma’lumot, ba’zan qo‘shimcha titul varag‘ida muallifning kasbi, shajarasi, agar otasi yoki ustozi mashhur shaxs bo‘lsa, ular haqidagi ma’lumot, asar sarlavhasi, uning yaratilishi sabablari, muallifning o‘z asariga bergan bahosi keltirilgan. Avtobiografik xarakterdagi bibliografik kirishda faqat muallif haqida ma’lumot berilgan.
|
| |
