|
Talab etilgan parametrlar
Pdf ko'rish
| | bet | 149/382 | | Sana | 22.11.2023 | | Hajmi | 132,8 Mb. | | #103163 |
Bog'liq IAT 9-sinf Talabalar-uchun-darslikTalab etilgan parametrlar
Tahlilchi mavjud tizim va uning muammolari haqida maʼlumot
toʻplar ekan, yechim uchun zarur boʻlgan parametrlar roʻyxati
ham shakllanib boradi. Bu roʻyxat
talab etilgan parametrlar
boʻlib, u tashkilotning tizim bajarishi kerak boʻlgan vazifalarga
oid xohishi, saqlash talablarining tafsilotlari hamda kerakli
qurilma va dasturlar haqidagi maʼlumotlarni oʻz ichiga oladi.
Talab etilgan parametrlar maslahatlashilgandan keyin, tashkilot
oʻz istaklarini qondirilishi uchun muvaffaqiyatli amalga oshirilishi
lozim deb hisoblaydigan va tahlilchi bajarish mumkin deya rozilik
bildirgan ishlar ro‘yxati keltiriladi. Bu kelishuv ikkala tomon
uchun ham nihoyatda muhim boʻlib, unda ushbu kelishuvdan
kutilayotgan natijalar aniq koʻrsatilishi kerak. Kelishuv yakuniy
baholash uchun asos boʻluvchi “qoidalar” ni oʻz ichiga oladi.
Talab etilgan parametr kelishib olingandan soʻng keyingi
bosqichga oʻtiladi.
7.01-SAVOL
Quyida keltirilgan uchta holatning har birida tahlilchi
maʼlumot toʻplash uchun qanday samarali usuldan
foydalanishi mumkinligini sinfda muhokama qiling.
Shuningdek, usullar nima uchun farq qilishi mumkinligini
ham koʻrib chiqing.
a Kichik universal doʻkon kompyuterlashtirilgan
inventarizatsiya tizimini oʻrnatishni xohlaydi. Shu
kungacha inventarizatsiya qoʻlda bajarib kelingan.
Doʻkon egasi – doʻkonda ishlaydigan yagona shaxs.
b Kiyim-kechak doʻkoni bir qancha vaqtdan
beri kiyimlarni sotish va chek berish uchun
kompyuterlashtirilgan tizimdan foydalanadi. Biroq
inventarizatsiya hali ham qoʻlda amalga oshiriladi.
Doʻkon egasi mahsulotlarni buyurtma qilish va
hisobotlarni yuritish bilan shugʻullanadi, lekin
doʻkonda ishlamaydi. Doʻkon egasiga taʼminotchilar
bilan ishlash va doʻkondagi inventarizatsiya ishlarida
yordam kerak. Doʻkonda olti nafar xodim bor.
c Katta supermarket POS terminallari bilan bir qatorda
toʻliq kompyuterlashtirilgan inventarizatsiya tizimidan
foydalanadi. Raqobatchi supermarket ancha zamonaviy
tizim oʻrnatgani sababli supermarket egasi joriy tizimni
yangilash kerak degan qarorga keldi. Supermarketning
turli boʻlimlarida ishlaydigan 100 dan ortiq xodim bor.
Supermarketda 30 000 dan ortiq mahsulot turi sotiladi.
Baʼzi xodimlar sotuvchi, boshqalari nazoratchi boʻlib
ishlaydi. Baʼzilari buxgalteriya boʻlimida, boshqalari
bo’limlarni boshqarishda faoliyat yuritadi. Chunki bu
juda katta doʻkon.
|
| |
