Kamchiligi – xodimlar oʻz vaqtlari hisobidan mashgʻulot
oʻtishlari kerak.
Tizimni amalga oshirish
Yangi tizim toʻrt usulda amalga oshirilishi mumkin.
Misol tariqasida nomzodlarning natijalarini saqlash, barcha
fanlar boʻyicha har bir nomzodning natijalarini solishtirish, har
bir nomzod uchun natijalarni chiqarish
va bu natijalarni dunyo
boʻylab imtihon markazlariga yuborish uchun foydalanadigan
tizimni oʻzgartirishi kerak boʻlgan imtihon kengashini koʻrib
chiqish mumkin. Soʻnggi vaqtda imtihondan oʻtuvchi
nomzodlarning soni keskin oshgani sababli tizim sekinlashgan
va ishonchsiz boʻlib qolgan.
Bevosita oʻtish
Eski tizim oʻchirilgan va yangi tizim ishga tushirilgan. Eski
tizimdan foydalanishning imkoni yoʻq. Agar biror xato yuz
bersa, eski
tizimga qaytish yoki imkonsiz, yoki juda qiyin.
Bu oddiy amalga oshirish usuliga oʻxshasa-da, puxta
rejalashtirishni taqozo etadi. Barcha fayllar yuklangan
boʻlishi va foydalanishga tayyor turishi kerak hamda
hamma xodimlarga mashgʻulot oʻtilgan va tizim toʻliq
sinovdan oʻtgan boʻlishi kerak.
Yuqorida imtihon kengashi haqidagi misolda oʻzgartirish
vaqtida saqlab qolinishi kerak boʻlgan
juda muhim
maʼlumotlarni oʻz ichiga olgan, natijalarni ishlab
chiqaradigan qism toʻgʻri ishlamasa,
natijalar vaqtida ishlab
chiqarilmaydi. Bu tashkilot uchun vaqtning ahamiyati katta
ekaniga juda muhim misol boʻlib, shuning uchun bevosita
oʻtish usuli mos kelmaydi.
Bevosita oʻtishning afzalligi – uni amalga oshirish oddiy
va arzon,
kamchiligi esa, agar toʻgʻri rejalashtirilmasa va
sinalmasa tashkilot faoliyati toʻxtab qolishi mumkin.
Bosqichma-bosqich amalga oshirish
Bosqichma-bosqich amalga oshirishda tizimning bir qismi
oʻzgartiriladi, qolgan qismi esa eski usulni qoʻllashda davom
etadi
Bizning misolda baholar yangi kiritish
usullarini yordamida
yangi kompyuterlashgan tizimdan kiritilishi mumkin. Qayta
ishlash va natijalarni chiqarish esa eski tizimda amalga
oshiriladi. Bu eski tizimning ma’lumotlarni qayta ishlash qismi
yangi tizimning ma’lumotlarni qayta
ishlashning yangi dasturiy
taʼminotiga almashtirilayotganida yangi kiritish tizimini toʻliq
sinab koʻrish imkonini beradi.
Buning kamchiligi shuki, ikkita tizim bir vaqtning oʻzida ishlashi
natijasida xodimlar bitta maʼlumotni qayta ishlash uchun
ikkita har xil tizimdan foydalanishiga toʻgʻri keladi. Ammo
muhim dasturlarda qoʻshimcha ish bajarilishi oʻzini oqlaydi.
Eʼtibor bering, barcha fanlar boʻyicha
hamma nomzodlarning
turli natijalari bir vaqtning oʻzida bir xilda koʻrib chiqiladi.
Tizim foydalaniladigan maʼlumotlarga emas, qayta ishlash
jarayoniga koʻra taqsimlangan.
Tizim toʻliq amalga oshirilguniga qadar, keyingi bosqichda
tizimning boshqa qismi oʻzgartirilishda davom etadi.
