• Tizim cheklovlari: mijoz va tahlilchi oʻrtasida
oʻtkaziladigan birinchi muhokama vaqtida tizimga ayrim
cheklovlar qoʻyiladi. Masalan, bundan avvalgi boʻlimda
koʻrib chiqilgan imtihon kengashida mijoz natijalarni
markazlarga tarqatishda elektron
usulni ham kiritishni
istagan boʻlishi mumkin. Ammo tahlilchi texnik-iqtisodiy
baholashni amalga oshirganidan keyin bunday amal
yakuniy narxga taʼsir qiladi yoki loyiha oʻz
vaqtida tayyor
boʻlmaydi, degan qarorga kelingan. Bu tizim uchun cheklov
hisoblanadi. Bu masala muhokamaning dastlabki qismida
koʻrib
chiqilganiga qaramay, bu haqda hujjatning soʻngida
xabar berilishi mumkin. Shuningdek, ayrim dastlabki
talablarni amalga oshirishda
muammolar yuzaga kelishi
mumkin. Chunki tizimni yakunlash uchun ajratilgan
muddatda ularni tadbiq etib boʻlmas edi.
• Tizim blok-sxemalari: bular toʻliq maʼlumot tizimini
aks
ettiradi va ayrim hollarda
tizim arxitekturasi deb
nomlanadi.
• Dasturlarni kodlash: dasturga, ehtimol, tizim-blok
sxemalari koʻrinishidagi original
dizaynlar kabi har qanday
amalga oshirilgan dasturlashning tafsilotlarini kiritish kerak
boʻladi. Bu kodga toʻliq izoh berilishi shart.
• Izohlar: har bir kod satri nimani bajarishini tushuntiradi va
kodning ichida joylanadi.
• Qoʻllanilgan oʻzgaruvchan qiymatlar roʻyxati: bu
oʻzgaruvchan
qiymat nomi, qoʻllanish sababi va maʼlumot
turini oʻz ichiga oladi. Roʻyxat ikki maqsadga xizmat qiladi:
agar qandaydir texnik xizmat koʻrsatilishi zarur boʻlsa,
texnik xodimga yordam berish va oʻzgaruvchan qiymatlar
qaytarilmasligini taʼminlash.
• Fayl tuzilmasi: tizim tomonidan fayllarda qoʻllanilgan
barcha katakchalarning maʼlumot turlarini belgilaydi.
U, shuningdek, fayllar orasidagi bogʻliqlikni
ham aks
ettiradi. Agar tizim maʼlumot bazalaridan foydalansa, u
holda bazalarni boshqarish tizimi bu yerga qoʻshilishi
mumkin boʻlgan fayllar orasidagi aloqalarni aks ettiruvchi
koʻrinishga ega boʻladi. Bu maʼlumot
fayl tuzilmasi
kelajakda oʻzgartirilishi kerak boʻlgan hollarda zarur boʻladi.
