7.02 Loyihalash
Barcha kompyuter tizimlar quyidagilardan tashkil topadi:
• kiritish;
• ishlov berish;
• chiqarish;
• saqlash.
Ma’lumotlarni chiqarish dizayni
Dizayn bosqichining maqsadi natijaning qanday koʻrinishga
ega boʻlishini hal qilishdir. Ishni notoʻgʻridek koʻringan
narsadan boshlash noodatiy tuyulishi mumkin, ammo
tahlilchining vazifasi muayyan ishni bajaradigan tizimni
yaratishdan iborat.
Boshqacha qilib aytganda, eng muhim
qism – tashkilot
yakunda nima xohlayotganini hal qilishdir.
Agar mijozga natija yoqsa, uning butun
yechimni qabul qilishi
ehtimoli yuqori boʻladi.
Tasavvur qiling, mijoz pochta orqali yetkazib berish
kompaniyasi. U tahlilchidan telefon operatoriga buyurtmalarni
telefon orqali qabul qilish imkonini beruvchi tizim ishlab
chiqish soʻraydi. Mijoz operatorning
mahsulot bor yoki
yoʻqligiga aniqlik kiritib boʻlgandan keyin buyurtmani qabul
qilishni xohlaydi. Ularga tizim buni qanday bajarishi aslida qiziq
emas. Tahlilchi ekranga chiqariladigan ma’lumotning loyihasini
ishlab chiqadi, keyin uning prototipini yaratadi. Bu
prototip
yetarlicha haqiqiy boʻlib, mijoz va
xodimlarga ular bajarishni
xohlagan vazifalar uchun mos kelish-kelmasligini aytish
imkonini beradi.
Ekranga chiqarilayotgan ma’lumot loyihalashtirishda
maketning toʻgʻri ishlab chiqilganiga eʼtibor qaratish kerak.
Ekranda chiqadigan kontent undan foydalanadigan insonlarga
tushunarli boʻlishi lozim. Barcha
bosqichlarda mijoz va
tizimdan foydalanadigan xodimlar ekranga chiqariladigan
ma’lumot dizaynlarining mos kelishi-kelmasligi yuzasidan fikr
bildira olishi kerak.
7.02-rasm Tahlilchi mijozning dizayn boʻyicha fikr bildirayotgan
xodimlari bilan.
Mijoz chiqarilayotgan har bir ma’lumotda kompaniyaning
logotipi boʻlishi hamda fon
uchun korporativ rangdan
foydalanishni xohlashi mumkin. Xodimlardan biri esa
ayrim ranglarni ajrata olmasligi, natijada baʼzi ranglardan
foydalanmaslik talab etilishi mumkin.
Bu kabi tafsilotlar tahlil
bosqichida aniqlanishi kerak. Tahlilchini oldingi bosqichga
qaytishga, talab etilgan parametrlarni, shuningdek,
dizaynni
oʻzgartirishga majbur qiluvchi koʻplab holatlar yuz berishi
mumkin.
