Ijtimoiy tarmoq veb-saytlari aloqa vositasi
sifatida
Ijtimoiy tarmoqlar qanday aloqa qilishimizning markaziy
qismini tashkil qilishi mumkin va onlayn hamjamiyatlar
juda katta taʼsir koʻrsatishi mumkin.
Bu shaxslar bilangina
cheklanmaydi; barcha darajadagi kompaniyalar uni
marketing va brendlash vositasi sifatida ishlatmoqda. Yirik
tashkilotlar oʻz kompaniyalari yoki mahsulotlari haqidagi
munozaralarni
kuzatib boradi, chunki ijtimoiy tarmoqlardagi
munozaralarning jamoaviy ovozi ularning muammolari,
shuningdek eʼtibor tortadigan narsalar haqida ogohlantirib,
oʻzlarining marketingini shunga mos ravishda yoʻnaltirishiga
imkon yaratadi. Ular oʻzlari taklif
qilayotgan narsalar haqida
xabarlar yetkazishi mumkin, shuningdek, blogdagi postlar
va tvitlar tashkilotlarga hamjamiyatlar
yaratishda yordam
beradi, bularning barchasi oʻz mahsulotlarini yoki xizmatlarini
ommalashtirishga yordam beradi. Bu esa ijtimoiy tarmoqlarni
marketingga boʻlgan anʼanaviy yondashuvlariga nisbatan
ancha tejamkor hisoblanadi.
Ijtimoiy tarmoqlarda aloqaning turli darajasi mavjud.
Shuningdek, “bevosita xabar almashish”
deb ataluvchi
imkoniyat mavjud boʻlib, u siz bilan aloqani oʻrnatgan kishiga
ijtimoiy tarmoq ichida bevosita xabar yuborish imkonini
beradi. Bu koʻplab keraksiz xat va siz hech qachon eshitmagan
insonlardan xabarlarni qabul qilishi mumkin boʻlgan
elektron
pochtadan foydalanish ehtiyojisiz bir kishidan boshqasiga
bevosita xabar yuborishidir. Ijtimoiy tarmoqlarning aksariyati
uchun bunday bevosita xabarlarda ruxsat etilgan belgilar soni
cheklangan boʻladi.
Bu anʼanaviy elektron pochtani qayta koʻrib chiqishga chorlaydi.
Elektron pochtaning haligacha oʻz oʻrni bor, lekin u koʻpincha
uzun boʻlishi sababli, ish joylarida koʻp vaqt yoʻqotishiga olib
keladi, sababi odamlar kunning koʻp
qismini elektron pochta
xabarlarini boshqarish bilan oʻtkazishlari mumkin (10.06-rasm).
Bu elektron pochta oʻz oʻrnini saqlab qolishi uchun xabarlar
qisqa va diqqat markazida boʻlishi kerakligini anglatadi.
10.06-rasm. Ish joyida boʻlgan odamlar elektron pochtasini
samarali boshqarish uchun vaqt topishga qiynalishlari
mumkin.
