|
9-sinf Informatika va axborot texnologiyalari
Pdf ko'rish
|
| bet | 213/382 | | Sana | 22.11.2023 | | Hajmi | 132,8 Mb. | | #103163 |
Bog'liq IAT 9-sinf Talabalar-uchun-darslikKALIT SOʻZLAR
Spam-xabar: qabul qilishni xohlamagan elektron xabar.
Koʻpincha, bir xil xabar email orqali koʻp foydalnuvchilarga
yuboriladi.
Spam yuboruvchilar spamni tarqatish uchun oʻzlari toʻplagan
elektron pochta manzillaridan iborat roʻyxatni tuzadilar. Internetdan
foydalanishda biror veb-saytdan roʻyxatdan oʻtish, online dasturiy
taʼminot yoki biror narsani xarid qilish uchun roʻyxatdan oʻtish
jarayonida sizdan boshqa manbalar orqali ma’lumot yuborilishiga
rozi ekanligizni bildiruvchi tasdiq belgisini qoʻyish yoki uni olib
tashlash soʻralishi mumkin. Agar bu haqida bilsangiz va rozilik
berishdan avval yaxshilab oʻqib chiqsangiz, o‘zingizni spamdan
ancha saqlagan boʻlasiz. Biroq spamning aksariyat qismi siz qabul
qilishga rozilik bildirmagan xabardan iborat boʻladi.
Hattoki siz email manzilini ehtiyotkorlik bilan bo‘lishsangiz
ham, spam tarqatuvchilar email manzilini qonuniy toʻplaydigan
insonlardan email roʻyxatini sotib olishlari mumkin.
Spam bilan qanday kurashish mumkin?
Spam bilan kurashishda yordam beradigan maslahatlar
quyidagilardan iborat:
• Biror veb-saytda roʻyxatdan oʻtayotganingizda elektron
xabar yuborilishiga rozi ekaningizni bilish uchun shartlar
bilan to‘liq tanishing, tanlashingiz yoki rad qilishingiz
mumkin boʻlgan belgini toping.
• Qabul qilayotgan har qanday marketing xabarining quyi
qismidagi unsubscribe (Obunani rad etish) funksiyasidan
foydalaning. Natijada sizning ma’lumotlaringiz tarqatmalar
roʻyxatidan oʻchirilishi kerak.
• Email akkauntingizda Mark as Spam (Spam sifatida
belgilash) funksiyasidan, shuningdek,
Block Senders
(Yuboruvchilarni bloklash) funksiyasidan foydalaning.
• Parolingiz himoyalanganiga ishonch hosil qiling (8-bobga
qarang).
• Antivirus dasturingizni yaroqli holatda ekanini tekshirib
turing.
Email guruhlari
Email guruhlari kontakt ro‘yxati yoki ma’lumotlarni tarqatish
ro‘yxati kabi bir xil xabarni bir necha emailga yuborish
jarayonini osonlashtiradi. Agar xabarni kontaktlar guruhiga
yuborsangiz, bu koʻp vaqtni tejaydi, chunki har bir oluvchining
manzilini kiritib chiqishingiz shart emas; u bu guruhning
barcha aʼzosiga bir vaqtda yuboriladi.
Kontakt guruhini yaratish email akkauntingizda foydalanish
mumkin boʻlgan funksiyadir.
|
| |
