|
Xavfsizlikka bo‘lgan ehtiyoj
Pdf ko'rish
|
| bet | 211/382 | | Sana | 22.11.2023 | | Hajmi | 132,8 Mb. | | #103163 |
Bog'liq IAT 9-sinf Talabalar-uchun-darslikXavfsizlikka bo‘lgan ehtiyoj
Xakerlar hujumi, virus, spam, fishing va shaxsiy maʼlumotni
oʻgʻirlash kabi tahdidlarning koʻpayishi sababli elektron pochta
xavfsizligi biznes uchun ustuvor masala boʻlib qolmoqda
(8-bobga qarang).
Elektron pochta xavfsizligi nima uchun muhim? Xavfsizlikning
to‘liq ishlamasligi unga virus tushishiga hamda tizimni
buzilishiga olib kelishi mumkin. Tijorat nuqtai nazaridan
qaraganda, maʼlumot va mavjud yozuvlar yoʻqotilishi kabi
tizimdagi nosozliklar biznesga jiddiy zarar keltirishi mumkin.
Shuningdek, yuridik jihatdan, biznes raqibingiz boʻlgan shaxsga
o‘zingiz anglamagan holda yuborgan virusning tarqalishi
natijasida keltirilgan moliyaviy zarar uchun javobgarlikka
tortilish ehtimoli mavjud.
4-bobda paketli maʼlumotlar tarmoq boʻylab harakatlanishi
hamda tarmoqdagi kompyuter va boshqa jihozlar ushbu
maʼlumotlarni, shu jumladan elektron xabarlarni tarmoq
boʻylab harakatlanishi uchun maqbul yoʻnalishni aniqlashi
haqida ma’lumotlar berilgan.
Paket analizatori haqida eshitganmisiz?
10.02-rasm. Paket analizatori – bu raqamli tarmoq orqali
oʻtuvchi har bir paketni tahlil qilishi va kodini ochishi mumkin
boʻlgan dasturdir.
Paket analizatori, “paket iskovchi” dastur (10.02-rasm),
tarmoq analizatori, simsiz analizator va boshqa nomlar
bilan ataladi. Paket analizatori ma’lumotlar paketi tarmoqda
harakatlanayotganda ularni tutib qolishga qodir kompyuter
dasturi yoki qurilma. U ma’lumotlar paketidagi maydonlarning
qiymatini topish va kontentni tahlil qilish uchun maʼlumotning
kodini ochishi mumkin.
Analizator barcha ma’lumotni emas, balki uning fragmentini
ko‘rishi mumkin. Biroq elektron xabarni aniqlash biroz oson
hisoblanadi, chunki u “Subject” maydonini yoki “Mail from:
” kabi SMTP buyrugʻining (10.02-boʻlim) bir
qismini koʻrishi mumkin. Elektron xabar qabul qiluvchiga yetib
borguncha email turli mamlakat yoki tashkilotlar tomonidan
ekspluatatsiya qilinadigan qurilma, kabel va havo yo‘llari
orqali harakatlanadi. Safar paytida spam emasligi yoki zararli
dasturdan iborat emasligini aniqlash uchun istalgan joyda uni
skanerlash mumkin. Emailni qabul qiluvchi shaxs qaysi turdagi
reklamaga javob berishi mumkinligini bilish uchun kontentni
oʻqishi mumkin.
|
| |
