tutishning turli qoidalariga amal
qilishlarini allaqachon
bilsangiz kerak.
Amal qilish lozim boʻlgan ayrim umumiy “qoidalar” quyidagilar:
•
Internet foydalanuvchilarini haqorat qilish mumkin emas.
• Siz samimiylikni saqlagan holda boshqalarning fikr va
qarashlarini maʼqullamasligingiz mumkin.
• Spam tarqatmang.
• Postlaringizni aniq qilib yozing, ushbu postlar hamma
uchun
ochiq va doimiy ekanligini, uni boʻlajak ish beruvchi
(8-bobga qarang), ota-onangiz, do‘stlaringiz, kelajakda
farzandlaringiz kabi insonlar oʻqishi
mumkinligini yodda
tuting.
• Mualliflik huquqiga ega boʻlmasangiz, himoyalangan
materiallarni post qilmang, aks holda mualliflik huquqiga
egalik qiluvchi shaxs tomonidan javobgarlikka tortilishingiz
mumkin.
Elektron xabar mualliflik huquqi
haqidagi qonunni buzishi
mumkinligi hayratlanarli holat, biroq fotosurat, video, matn
va musiqa yaratilgan vaqtdan boshlab mualliflik huquqi bilan
himoyalanadi.
Umuman olganda, agar sizga email yuborilsa
va siz uni boshqalarga tarqatsangiz, mualliflik huquqini
buzishingiz mumkin!
Butunjahon Intellektual mulk tashkiloti (WIPO)
qonunlariga
koʻra, “Deyarli barcha mamlakatlardagi qonunda mualliflik
huquqi muhofazasi mahsulot yaratilishi bilan boshlanishini
nazarda tutilgan”. Shu bois oldingi abzatsda aytib o‘tilgan
mahsulotlar himoyalanishi uchun qandaydir mualliflik huquqi
belgisi (©)ga yoki “Barcha huquqlar himoyalangan”
yozuviga
muhtoj emas.
Mualliflik huquqi haqidagi qonun zamonaviy texnologiya
rivojlanishiga to‘liq mos kelmaydi. Elektron xabarni tarqatish
alohida nazoratga olinmagan va bu odatiy holat hisoblanadi.
Biroq xuddi qoʻlyozma maktubni nusxalash va tarqatish
mualliflik huquqini buzgani
kabi boshqalarning emailini
tarqatish yoki veb-sahifani nusxalash mualliflik huquqining
buzilishiga olib kelishi mumkin.
Agar email oʻzida tahdidni ifodalasa, undan sudda dalil sifatida
foydalanish ayrim mamlakat qonunchiligida belgilab qo‘yilgan.
