Tasvirni qayta boʻyash
Tasvirni
Recolor vositasi orqali qayta boʻyash
mumkin
(12.30-rasmga qarang).
12.30-rasm. Tasvirni qayta boʻyash.
Tasvirning yorqinligi va kontrastini oʻzgartirish
Tasvirning yorqinligi deganda uning qancha miqdorda yorugʻlik
chiqarishi nazarda tutiladi. U
Color panelidagi
Brightness
vositasi yordamida oʻzgartirilishi mumkin (12.31-rasmga
qarang).
12.31-rasm. Tasvir yorqinligini oʻzgartirish.
Xuddi shu usul bilan tasvirning kontrastini ham oʻzgartirish
mumkin.
Color Saturation vositasi uchun mavjud tanlovlardagi eng
chekka chap tarafda anchagina xira va past darajali rang
toʻyinishi, eng chekka oʻng tarafda joylashgan juda yorqin
(yuqori rang toʻyinishi) ranglar bilan taqqoslangan. Rang
toʻyinishi tasvirning rangi qanchalik
xira yoki yorqinligini
bildiradi.
Tasvirning rang jilosi
Tasvirdagi rang jilosi agar past darajada boʻlsa, u tasvirni
goʻyoki yorugʻlik miqdori yetarli boʻlmagan xonada olingan
koʻrinishda
aks ettiradi; aksincha, rang jilosi yuqori darajada
boʻlsa, tasvir yorqin joyda olingandek taassurot qoldiradi.
(12.28-rasmga qarang).
12.28-rasm. Tasvirga past darajali rang jilosini qoʻllash uni
nisbatan qorongʻi qilib aks ettiradi.
Rang jilosi past darajada boʻlgan tasvirga qarama-
qarshi tarzda tasvirdagi yuqori
darajadagi rang jilosi
rang chuqurligining haroratini oshirish orqali qoʻllanadi
(12.29-rasmga qarang).
12.29-rasm. Tasvirga yuqori darajali rang jilosini qoʻllash uni
yorqin holatda aks ettiradi.
156
9-sinf Informatika va axborot texnologiyalari
Biznes mijoz internetdan qoniqarli darajada foydalanishiga
boʻgliq boʻlib, masalan, tasvirning uzoq vaqt yuklanishi
xaridorlarning hafsalasini pir qilishi mumkin. Koʻplab
norozi
xaridorlar darhol boshqa shunga oʻxshash veb-saytlarga oʻtib
ketadilar, bu esa veb-saytlaridagi sahifalari sekin yuklanuvchi
kompaniyalar uchun ayrim moliyaviy yoʻqotishlarga sabab
boʻladi.
Ayrim onlayn bron qilish veb-saytlari mavjud joy yoki chiptani
shu vaqtning oʻzida xuddi shunday xizmatlarni koʻrsatadigan
boshqa veb-saytlar bilan raqobatlashish
uchun mijozlarning
soʻrovlarini tez qayta ishlashi talab etilad. Tarmoqda nechta
foydalanuvchi onlayn boʻlishi va bir vaqtning oʻzida xuddi shu
xizmatga kirishini aniq tarzda oldindan aytish imkonsizdir. Shu
tufayli kompaniyalar zarur paytda imkon qadar koʻproq joy
yoki chiptalarni bron qilish va xaridorlarning boshqa tezroq
ishlaydigan veb-saytlarga ketib qolmasligi
uchun tasvirlari tez
yuklanadigan veb-sahifalarga ega boʻlishi nihoyatda muhimdir.
Ayrim onlayn xizmatlar hayot-mamot uchun hal qiluvchi
ahamiyatga ega boʻlib, tasvirlarni imkon qadar tez yuklash
va yuklab olinishini taʼminlashi zarur. Fuqaro jurnalistikasi
holatida, jamiyat vakillari joriy
hodisalarning yuz berishiga
qarab ular haqidagi maʼlumotlarni kechikishlarsiz yozib
olish yoki yuklash uchun jurnalistday faoliyat olib borishlari
mumkin. Koʻplab holatlarda ular har xil falokatlar va tabiiy
ofatlar haqida tegishli idoralarni
ogohlantirish orqali
insonlarning hayotini saqlab qolishi mumkin.
