Academic Research in Educational Sciences
Volume 3 | Issue 7 | 2022
ISSN: 2181-1385
Cite-Factor: 0,89 | SIS: 1,12 | SJIF: 5,7 | UIF: 6,1
46
July, 2022
https://t.me/ares_uz Multidisciplinary Scientific Journal
Mamlakatimizda maktabgacha ta‟lim uzluksiz ta‟lim
tizimining ajralmas
qismiga aylangan. Ta‟limning mazkur bo„g„inini rivojlantirish, shu asnoda bolaning
intellektual shaxsini shakllantirish, ta‟lim xizmatlarini yaratish orqali sifat darajasini
oshirishga alohida e‟tibor qaratilayotgani sohadagi izchil islohotlarning natijasi
bo„lmoqda. Yangi O‟zbekiston Taraqqiyot strategiyasining 100 maqsadida
maktabgacha ta‟lim tizimida ta‟lim sifatini yangi bosqichga olib chiqish ustuvor
vazifalardan biri etib belgilangani ham katta e‟tiborga molik.
ADABIYOTLAR TAHLILI VA METODOLOGIYA
Taʼlim sohasini isloh qilish bugun hukumatimiz diqqat eʼtiborida
turgan
dolzarb sohalardan biri, desak mubolagʻa boʻlmaydi. Soʻnggi yillarda maktabgacha
taʼlim tizimini isloh qilish va rivojlantirishga qaratilgan qonunlar,
qarorlar qabul
qilinib, amaliyotga joriy etilmoqda. Maktabgacha taʼlim sohasida yagona davlat
siyosatini ishlab chiqish va amalga oshirish, bolalarni maktabgacha taʼlim bilan
bosqichma-bosqich toʻliq qamrab olishni taʼminlash maqsadida Oʻzbekiston
Respublikasi Prezidentining 2017-yil 30-sentyabrdagi “Maktabgacha taʼlim
tizimi
boshqaruvini tubdan takomillashtirish chora-tadbirlari toʻgʻrisida“gi Farmoni bilan
Maktabgacha taʼlim vazirligi tashkil etildi.
Maʼlumki, Maktabgacha taʼlim vazirligi tashkil etilmasdan avval tizimda
zamonaviy dasturlar joriy etilmagan, bolalarni maktabga tayyorlash boʻyicha
muqobil, moslashuvchan modellar yetarli darajada rivojlanmagan.
Taraqqiy etgan
mamlakatlardagi kabi bolalarni ijtimoiy, shaxsiy, hissiy, nutqiy, matematik, jismoniy
va ijodiy rivojlantirish, atrof-muhit bilan tanishuvga yoʻnaltirilgan maxsus davlat
taʼlim dasturlari tatbiq qilinmagan edi. Davlat maktabgacha taʼlim muassasalarida
faoliyat yuritayotgan pedagog kadrlarning aksariyati oʻrta maxsus maʼlumotga ega
boʻlib, bolalarni maktab taʼlimiga talab darajasida tayyorlash imkonini bermas edi.
Oʻzbekiston Respublikasi Prezidentining 2019-yil 8-maydagi “Oʻzbekiston
Respublikasi maktabgacha taʼlim tizimini 2030-yilgacha rivojlantirish konsepsiyasini
tasdiqlash toʻgʻrisida”gi qarori misolida koʻrsak, mazkur
konsepsiya maktabgacha
taʼlim tizimini yana-da takomillashtirish, bolalarning sifatli maktabgacha taʼlimdan
teng foydalanishini taʼminlash, maktabgacha taʼlim xizmatlarini rivojlantirish, bir
soʻz bilan aytganda, maktabgacha taʼlim tizimini
rivojlantirishning maqsadli
vazifalarini qamrab olgan boʻlib, jarayonning ustuvorliklari va bosqichlarini belgilab
beradi. Konsepsiya tasdiqlangandan soʻng oʻtgan bir yildan ortiq vaqt mobaynida
maktabgacha taʼlim tizimida yangi Qonun qabul qilindi, yangi
loyihalar,
islohotlar
bosqichma-bosqich
amalga
oshirilib
kelinmoqda.
