Andijon Mashinasozlik instituti “ib va kt” fakulteti “Mexatronika va robototexnika” yo`nalishi 339-19 guruh talabasi Qoramirzayev Boburjonning “Hisoblash mashinalari, tizimlari va tarmoqlari” fanidan mustaqil ishi

Muammoga yо‘naltirilgan kompyuterlar ancha tor doiradagi masalalarni yechish uchun, odatda texnologik obyektlarni va jarayonlarni boshqarishga, nisbatan katta bо‘lmagan axborotlarni yig‘ish, qayd qilish va ishlov berishga, nisbatan murakkab bо‘lmagan algoritmlarga ishlov berishga mо‘ljallangan. Ularda universal kompyuterlarga nisbatan apparat va dasturiy resurslari chegaralangandir. Maxsuslashtirilgan kompyuterlar ma’lum darajadagi tor doiradagi masalalarni yechish uchun yoki qatʻiy guruh funksiyalarni joriy etishga mо‘ljallangan. Kompyuterni bundek tor yо‘naltirilishi ularning tarkibini aniq maxsuslashtirishga imkon beradi, ishlashining yuqori unumdorligini va ishonchliligini saqlagan holda ularning murakkabligini va narxini jiddiy kamaytirish mumkin. Maxsuslashtirilgan kompyuterlarga quyidagilarni kiritish mumkin, masalan, maxsus vazifalar uchun dasturlanuvchi mikroprotsessorlar; alohida murakkab bо‘lmagan texnik qurilmalarni va jarayonlarni boshqarishning mantiqiy vazifasini bajaruvchi adapter va kontrollerlar; hisoblash tizimlarining qismlarini moslovchi va ulovchi qurilmalar. О‘lchami va hisoblash quvvati bо‘yicha kompyuterlarni quyidagi guruhlarga bо‘lish mumkin: juda katta (superkompyuterlar); katta; kichik; juda kichik (mikrokompyuterlar).

Kompyuterlarning vazifalarini bajarish imkoniyatlari quyidagi muxim texnik-iqtisodiy kо‘rsatkichlari bilan bog‘liqdir: tezligi (vaqt birligi oralig‘ida mashina bajaradigan о‘rtacha amallar soni bilan о‘lchanadi); kompyuter ishlov olib boradigan sonlarni razryadligi va ifodalanish shakli; xotira turlari va barcha xotiralarning tezligi; axborotlarni tashqi saqlash, almashish va kiritish-chiqarish qurilma turlari va texnik-iqtisodiy kо‘rsatkichlari; kompyuterlarning о‘zaro va qismlarini ulash hamda aloqa qurilmalarining turi va о‘tkazish xususiyatlari; kopyuterlarni bir vaqt oralig‘ida bir necha foydalanuvchi bilan ishlashi va bir necha dasturni parallel bajara olishi (kо‘p masalali); kompyuterda ishlatiladigan operatsion tizimning turi va texnik-iqtisodiy kо‘rsatkichlari; dasturiy ta’minotning mavjudligi va vazifalarining imkoniyatlari; boshqa turdagi kompyuterlar uchun yozilgan dasturlarni bajara olish imkoniyati (boshqa kompyuterlar bilan dasturiy moslashuvchanligi); mashina buyruqlarining tarkibi va tizimi; aloqa kanallariga va kompyuter tarmoqlariga ulanish imkoniyati; kompyuterning foydalanishdagi ishonchliligi.