iv
Atrof-muhit holati to‘g‘risida milliy ma’ruza: O‘zbekiston
Global, mintaqaviy va mahalliy miqyosda mavjud ekologik
vaziyatning murakkab bir davrida bebaho tabiiy resurslardan
oqilona foydalanish va ekologik muammolarni hal etishning
eng tezkor yo‘llarini izlash nihoyatda muhim ahamiyat kasb
etmoqda. Shu
nuqtayi nazardan, bunday yo‘llarni taklif etish,
ilgari surish va o‘tmishdagi xatolarga yo‘l qo‘ymaslik uchun
ekologik xolatning ijtimoiy-iqtisodiy rivojlanish bilan o‘zaro
bog‘liqligini, sabab va oqibatlarni ifoda etuvchi ishonchli
ma'lumotlarning mavjudligi va ulardan foydalanish samarali
vosita sifatida xizmat qilishi mumkin.
Ta'kidlash joizki, taqdim etilgan O‘zbekiston Respublikasining
Atrof-muhit holati to‘g‘risidagi Milliy ma'ruza
ekologiya
sohasida o‘ta muhim va yuqori talabga ega bo‘lgan axborot
resursi sanalib, u o‘n yildan ortiq vaqt mobaynida chop
etilmagan bo‘shliqni to‘ldirishga qaratilgan. Ma'ruza keng
jamoatchilik uchun ham, qaror qabul qiluvchilar va faoliyatning
turli sohalaridagi mutaxassislar uchun ham dolzarbdir. Hech kimga sir emaski, har bir nooqilona
faoliyat muqarrar ravishda har qanday davlatning ijtimoiy-iqtisodiy rivojlanishining asosi bo‘lgan
tabiiy muhit ob'ektlari va ularning holatiga ta'sir qo‘rsatmay qolmaydi.
Ekologik siyosat yangi O‘zbekistonning kun tartibida muhim o‘rin tutadi. Vazirlik
faoliyatini
takomillashtirish, ekologiya va atrof-muhitni muhofaza qilish sohasini transformatsiya qilish chora-
tadbirlari, iqlim o‘zgarishi va uning oqibatlariga qarshi kurashish bo‘yicha harakatlar, daraxtlarning
kesilishiga moratoriy, toza «yashil» energiyani joriy etish, qattiq maishiy chiqindilarni boshqarish,
«yashil» transport infratuzilmasini
rivojlantirish, muhofaza etiladigan tabiiy hududlar tarmog‘ini
kengaytirish, ekotizimlarni tiklash va bioxilma-xillikni saqlash, cho‘llanish va qurg‘oqchilikka qarshi
kurashish, ekologik qonunchilikni xalqaro standartlar asosida unifikatsiya qilish, sohaga zamonaviy
axborot texnologiyalarini joriy etish chora-tadbirlari ijobiy tendentsiyalarni namoyon etmoqda.
Davlatimiz rahbari Shavkat Mirziyoyev tomonidan ilgari surilgan «Yashil Makon» tashabbusi
chinakam umummilliy loyihaga aylanib ulgurdi.
Orol inqirozi
oqibatlarini yumshatish, chang bo‘ronlariga qarshi kurashish, Orolbo‘yida ijtimoiy-
ekologik vaziyatni barqarorlashtirish masalalariga alohida e'tibor qaratilmoqda. Davlatimiz rahbari
tomonidan Orolbo‘yi mintaqasini ekologik innovatsiyalar va texnologiyalar hududi deb e'lon qilish
haqidagi tashabbusi bo‘yicha BMT Bosh Assambleyasining maxsus rezolyutsiyasi qabul qilindi.
Bu, Orolbo‘yi mintaqasida qulay muhitni ta'minlash, institutsional asoslarni rivojlantirish va
«yashil» transformatsion o‘zgarishlarni rivojlantirish uchun zamin bo‘ldi.
Bundan tashqari, yuzaga kelayotgan ekologik muammolarning transchegaraviy
xususiyatini
inobatga olgan holda, O‘zbekiston Respublikasi Prezidenti tashabbusi bilan BMT Bosh
Assambleyasining navbatdagi «Markaziy Osiyo global iqlim tahdidlari qarshisida: umumiy
farovonlik yo‘lida hamjihatlik» rezolyutsiyasi qabul qilindi.
Hozirgi vaqtda fundamental va amaliy-ilmiy tadqiqotlarni samarali amalga oshirish, jumladan,
yangi bilimlarni egallashdan tortib, undan amaliy foydalanishgacha tezkor
usullarini topish har
qachongidan ham muhim ahamiyatga ega. Shuningdek, ekologik, ijtimoiy-iqtisodiy va ilmiy-
texnikaviy muammolarning zamonaviy yechimlarini taklif qilish zarur. Shularni inobatga olgan
