AVTOMOBILLARDAN CHIQADIGAN TUTUN GAZLARNING
EKOLOGIYAGA TA’SIRI
Behruz Shavkat o’g’li Ergashev
A’zam Anvarovich Alimov
aaanvarovich@gmail.com
Lochin Ismatilloyevich Tilloyev
tilloyevl@mail.ru
Buxoro muhandislik-texnologiya instituti
Annotasiya: Ushbu maqolada yengil avtomobillardan chiqadigan tutun
gazlaridan atrof-muhitga yetkaziladigan salbiy ta’siri va uning oqibatlari, tutun
gazlarining ekologiyaga tarqalishini bartaraf etish bo’yicha muhim ma’lumotlar
keltirilgan.
Kalit so’zlar: avtomobil, yonilg’i, yonish, tutun gaz, atmosfera, aerozol.
ECOLOGICAL EFFECTS OF CAR SMOKE GASES
Behruz Ergashev
Azam Alimov
aaanvarovich@gmail.com
Lochin Tilloev
tilloyevl@mail.ru
Bukhara engineering technological institute
Abstract: This article provides important information on the negative impact of
car exhaust fumes on the environment and its consequences, as well as the prevention
of greenhouse gas emissions.
Keywords: automobile, fuel, combustion, smoke gaz, atmosphere, aerosol.
Davrimizning o’tkir muammolaridan biri – global iqlim o’zgarishlaridir.
Bugungi kunda har bir mamlakat bu jarayonning salbiy ta’sirini his etmoqda. Ming
afsuski, bunday o’zgarishlar Markaziy Osiyo taraqqiyotiga ham katta xavf
tug’dirmoqda. Keyingi 50 yil mobaynida dunyo bo’yicha avtoparklar soni 12
martagacha oshdi, avtomobillar soni 1 millyarddan oshib ketdi. Hozirgi kunda dunyo
miqyosida avtomobildan foydalinayotgan aholi sonining avtomobilga bo’lgan nisbati
1:7 ni tashkil qiladi. Rivojlangan mamlakatlarda Kanada, Germaniya, Italiya,
Fransiya, Buyuk Britaniyada 1000 ta aholiga 500-700 dona abtomobil, AQShda 800
ta, Rossiyada 400 ta to’g’ri keladi.
"Science and Education" Scientific Journal
December 2020 / Volume 1 Issue 9
www.openscience.uz
22
Qarshi muhandislik-iqtisodiyot instituti atrof-muhit muhofazasi va ekologiya
kafedrasi mudiri To’lqin Rahimovning fikriga qaraganda, «Bugungi kunda
O’zbekistonda har yetti kishiga bittadan avtomobil to’g’ri keladi. Ya’ni, O’zbekiston
ko’chalarida 4 milliondan ziyod mashina harakatlanayapti. Birgina Qashqadaryo
viloyatining o’zida esa 200 mingga yaqin avtomobil bor».
Ammo, bu bilan shuni unutmaslik kerakki, avtomobil transporti atmosferani
ifloslantiruvchi eng asosiy manbadir. Har yili avtomobildan chiqariluvchi
chiqindigazlarda million tonnalab zaharli moddalar mavjuddir. Avtomobil
divigatellarida yonilg’ini yonishida atmosferaga chiqariladigan gazlar tarkibida 300
dan ortiq zaxarli birikmalar bo’lib, buning 60% aerozol holatida atmosferaga chiqarib
tashlanishi avtotransportlar hissasiga to’g’ri keladi.
Biz nafas oladigan havo - atmosferani tashkil etadigan qatlamlar har qaysisi
o’zining muayyan vazifasiga ega. Masalan, ozon qatlami barcha tirik organizmlarni
nurlanishdan saqlaydi. Quyosh nurlari ta’sirida kislorod, azot oksidi va boshqa gazlar
ishtirokida hosil bo’lgan ozon kuchli ultrabinafsha nurlarni o’ziga yutib, tirik
organizmlarni uning salbiy ta’siridan himoya qiladi. Avtomobillardan havoga
chiqariladigan is gazi esa ozonning yemirilishiga sabab bo’ladi. Mutaxassislarning
hisob-kitobiga ko’ra, havoni ifloslantiradigan asosiy antropogen omillar ro’yxatida
avtomobil transporti birinchi o’rinni egallaydi. Ya’ni umumiy zararning 40 foizi Yer
yuzida harakatlanayotgan avtomobillar hissasiga to’g’ri keladi. Qolgan zararning 20
foizi energetika sanoati, 14 foizi korxona va tashkilot ishlab chiqarishi, 26 foizi
qishloq xo’jaligi ishlab chiqarishi, maishiy kommunal xo’jaligi va boshqa sohalardan
yetkaziladi. Shuning uchun mutaxassislar avtomobilni «g’ildirakli kimyoviy fabrika»
deb atashadi. Dunyoning eng ilg’or, rivojlangan davlatlarida tashqi muhitning
ifloslanishi avtomobil dvigatellari chiqarayotgan zaharli moddalar tufayli yuz beradi.
Yaponiyada avtomobillarning ko’pligidan ko’cha harakatini boshqaradigan politsiya
xodimi har ikki soatda kislorod niqobini almashtirib turishga majbur bo’lar ekan.
Mashina motori chiqargan gaz tarkibida uglerod oksidi, karbonat angidrid, aldegidlar,
azot oksidi, qo’rg’oshin birikmalari bo’lib, ular nafaqat atrof-muhit sofligiga putur
yetkazadi, balki inson salomatligi uchun ham koni ziyon hisoblanadi. Uglerod
oksidlari qondagi gemoglobin bilan birikib, uning kislorod tashish xususiyatini
kamaytiradi, qo’rg’oshin birikmasi esa nafas yo’llari orqali organizmga o’tib, yurak-
qon tomirlari faoliyatiga jiddiy shikast yetkazadi. Bitta avtomobil bir kunda 10-12 litr
benzin yonilg’isi ishlatib, atmosfera havosiga 25 kilogrammcha zararli kimyoviy
birikmalarni chiqaradi. Bir yil davomida «ishlagan» avtomobil 4 tonnadan ortiq
kislorodni yo’qotishga «hissa» qo’shadi.
Statistik ma’lumotlarga ko’ra, inson bir sutkada o’rtacha 1,5 kilogramm oziq-
ovqat, 2,5 litr suv iste’mol qiladi. Odam o’pkasi esa bir sutkada 13 kubometr havoni
yutib chiqaradi. Bu butun bir boshli temir yo’l sisternasi hajmiga teng. Odam ovqat
"Science and Education" Scientific Journal
December 2020 / Volume 1 Issue 9
www.openscience.uz
23
yemasdan bir oy, suvsiz uch kun yashashi mumkin. Biroq havosiz ikki-uch daqiqadan
ortiq yashay olmaydi.
Qolaversa, transport vositalaridan chiqadigan is gazi o’simlik va hayvonot
dunyosi, suv va tuproqni ham baravar zararlaydi. Ifloslangan havo ta’sirida
o’simliklarda modda va energiya almashinuvi buziladi, ekinlar va mevali daraxtlar
kamhosil bo’lib qoladi. Bugina emas, is gazi tabiatdagi fotosintez jarayoniga ham
salbiy ta’sir o’tkazishi aniqlangan.
Aslida karbonat angidrid gazining ham atmosferada o’z o’rni, vazifasi bor.
Ya’ni kimyoviy formulasi CO
2
bo’lgan mazkur modda yerdagi haroratni me’yorda
ushlab turadi, uni ramziy ma’noda sayyoramizning ko’rpasi, deyish mumkin.
karbonat angidridning atmosfera havosi tarkibidagi ulushi 0,3 foizni tashkil qiladi,
ammo bu turg’un miqdor emas, mavsumga bog’liq ravishda o’zgarib turadi.
Olimlarning aniqlashicha, hozirgi davrda karbonat angidrid gazi miqdori inson omili
ta’siri bilan bir yilda o’rtacha 22 milliard tonnadan ortiqni tashkil qilmoqda.
Birinchi marta Aristotel (miloddan avvalgi 384-322), ko’mir yoqilganda zaharli
bug’lar paydo bo’lishi haqida o’z asarlarida qayd etgan. Qadimgi qatl usuli
jinoyatchini yoqilgan ko’mirdan chiqadigan tutunli honada qamab qo’yish bo’lgan
edi. Shu davrlarda jinoyatchilarni tutun gazdan zaxarlanib o’lishning mexanizmi va
manbasi ma’lum bo’lmagan edi. Buni Yunon shifokori Galen (mil. 129-199) nafas
olish paytida zarar etkazadigan havo tarkibida o’zgarish bo’lgan deb taxmin qilgan.
1776 yilda frantsuz kimyogari De Lassone rux oksidini koks bilan qizdirib CO hosil
qildi, ammo yanglishib gazsimon mahsulotni vodorod deb atadi, chunki u yonganda
ko’k olov rang bo’lib yongandi. 1800 yilda Shotlandiya kimyogari Uilyam
Kruikshank tomonidan gaz tarkibida uglerod va kislorod borligi aytildi. 1846 yil
Klod Bernard tomonidan gazning itlarga toksik xossalari o’rganib chiqildi.
Ikkinchi Jahon urushi paytida gaz aralashmasi, jumladan uglerod oksidi
dunyoning benzin va dizel yoqilg’isi kam bo’lgan joylarida avtotransport
vositalarining harakatlanishini ta’minlash uchun ishlatila boshlandi. Tashqi (ba’zi bir
istisnolardan tashqari) ko’mir yoki o’tin gaz generatorlari o’rnatildi va atmosfera
azotining, vodorodning, uglerod oksidi va oz miqdordagi boshqa gazlarning gazlash
natijasida hosil bo’lgan aralashmasi gaz aralashtirgichga o’tkazildi. Ushbu jarayon
natijasida hosil bo’lgan gaz aralashmasi yog’och gazi sifatida tanildi.
Uglerod oksidi uglerod tarkibidagi birikmalarning qisman oksidlanishidan hosil
bo’ladi; u karbonat angidridni (CO
2
) ishlab chiqarish uchun kislorod yetarli
bo’lmaganda, masalan pechka yoki ichki yonish dvigatelini yopiq maydonda
ishlaganda hosil bo’ladi. Atmosfera kontsentratsiyasini o’z ichiga olgan kislorod
mavjud bo’lganda, uglerod oksidi ko’k olov rang berib yonadi va karbonat angidrid
hosil qiladi. 1960-yillarga qadar maishiy yoritish, ovqat pishirish va isitish uchun
keng ishlatilgan ko’mir gazida yoqilg’ining muhim tarkibiy qismi bo’lgan uglerod
"Science and Education" Scientific Journal
December 2020 / Volume 1 Issue 9
www.openscience.uz
24
oksidi mavjud edi. Zamonaviy texnologiyadagi ba’zi bir jarayonlar, masalan, temirni
eritishda, haligacha yon mahsulot sifatida uglerod oksidi ishlab chiqaradi. Kimyoviy
moddalarni ishlab chiqarish uchun oksidlanish jarayonlarida katta miqdordagi CO
yon mahsulot sifadida hosil bo’ladi.
Troposferada yiliga 5·10
12
kilogramm hosil bo’ladi. Buning sababi
fotokimyoviy reaktsiyalar tufayli dunyo bo’ylab uglerod oksidining eng katta manbai
tabiiy kelib chiqishi hisoblanadi. CO ning boshqa tabiiy manbalariga vulqonlar,
o’rmon yong’inlari, yonishning boshqa turlari va uglerod oksidi ajratuvchi
molekulalar kiradi.
Uglerod oksidi molyar massa 28 ga teng, bu ideal gaz qonuniga binoan uni
havodan biroz yengillor ekanligini anglatadi. Ma’lumki havoning o’rtacha molyar
massasi 28,8 ga teng.
CO molekulasida uglerod atomi va kislorod atomi orasidagi masofa 112,8 pmni
tashkil qiladi. Ushbu bog’lanish uzunligi o’xshash bog’lanish uzunligiga (109.76 pm)
va deyarli bir xil molekulyar massaga ega bo’lgan molekulyar azot (N
2
) singari uch
baravar bog’lanish bilan mos keladi. Uglerod-kislorod orasidagi masofa
formaldegidda ancha uzoqroq, masalan 120,8 pm. CO ning qaynatish harorati (82 K)
va erish harorati (68 K) N
2
(mos ravishda 77 K va 63 K) ga juda o’xshash.
Parchalanish energiya 1072 kJ/mol, N
2
(942 kJ/mol) ga ko’ra kuchliroq va bu esa
azodga nisbatan kuchli kimyoviy bog’lanishga ega ekanligini anglatadi.
Yengil avtomobillardan chiqadigan zararli tutun gazlarning atrof muhitga salbiy
ta’sirini hozirgi kunda global iqlim o’zgarishlari bilan tushinish mumkin. Shuning
uchun tabiyatga salbiy tasirlar omilini kamaytirish va kelajakda bo’lishi mumkin
bo’lgan tabiatni hamda jonzodlarning genetikasini o’zgarishini oldini olish ayni
davrda hayot kechiradigan barcha insonlarni burchi ekanligini unutmasliklari kerak
deb bilamiz.
| 