|
-MAVZU; Parollardan foydalanish.Bir martalik
foydalanish uchun parollar bilan
autentifikatsiya
|
| bet | 14/66 | | Sana | 29.11.2023 | | Hajmi | 371,01 Kb. | | #107702 |
Bog'liq AZIZOVA O AXBOROT XAVFSIZLIGI 2 курс 3 илова, Abduakimov Tezis 2, 1696927432, Iqtisodiyot nazariyasi Gaibnazarova 2020 @iqtisodchi kutubxonasi3-MAVZU; Parollardan foydalanish.Bir martalik
foydalanish uchun parollar bilan
autentifikatsiya.
Reja ;
1.Parollardan foydalanish.
2.Bir martalik foydalanish uchun parollar bilan autentifikatsiya
(3-ilova)
(4-ilova)
Parollardan foydalanish.Bir martalik
foydalanish uchun parollar bilan
autentifikatsiya.
Mavzu bo’yicha asosiy tushunchalar
(5-ilova)
3-MAVZU: Parollardan foydalanish.Bir martalik
foydalanish uchun parollar bilan
autentifikatsiya.
Reja ;
1.Parollardan foydalanish.
2.Bir martalik foydalanish uchun parollar bilan autentifikatsiya
Parollar asosida autentifikatsiyalash
Аutentifikatsiyaning keng tarqalgan sxemalaridan biri oddiy autentifikatsiyalash boʼlib, u anʼanaviy koʼp martali parollarni ishlatishiga asoslangan. Tarmoqdagi foydalanuvchini oddiy autentifikatsiyalash muolajasini quyidagicha tasavvur etish mumkin. Tarmoqdan foydalanishga uringan foydalanuvchi kompьyuter klaviaturasida oʼzining identifikatori va parolini teradi. Bu maʼlumotlar autentifikatsiya serveriga ishlanish uchun tushadi. Аutentifikatsiya serverida saqlanayotgan foydalanuvchi identifikatori boʼyicha maʼlumotlar bazasidan mos yozuv topiladi, undan parolni topib foydalanuvchi kiritgan parol bilan taqqoslanadi. Аgar ular mos kelsa, autentifikatsiya muvaffaqiyatli oʼtgan hisoblanadi va foydalanuvchi legal (qonuniy) maqomini va avtorizatsiya tizimi orqali uning maqomi uchun aniqlangan xuquqlarni va tarmoq resurslaridan foydalanishga ruxsatni oladi.
Paroldan foydalangan holda oddiy autentifikatsiyalash sxemasi 1–rasmda keltirilgan.
Ravshanki, foydalanuvchining parolini shifrlamasdan uzatish orqali autentifikatsiyalash varianti xavfsizlikning xatto minimal darajasini kafolatlamaydi. Parolni himoyalash uchun uni himoyalanmagan kanal orqali uzatishdan oldin shifrlash zarur. Buning uchun sxemaga shifrlash Ek va rasshifrovka qilish Dk vositalari kiritilgan.
Bu vositalar boʼlinuvchi maxfiy kalit K orqali boshqariladi. Foydalanuvchining haqiqiyligini tekshirish foydalanuvchi yuborgan parol PА bilan autentifikatsiya serverida saqlanuvchi dastlabki qiymat ni taqqoslashga asoslangan. Аgar PА va qiymatlar mos kelsa, parol PА haqiqiy, foydalanuvchi А esa qonuniy hisoblanadi.
Oddiy autentifikatsiyani tashkil etish sxemalari nafaqat parollarni uzatish, balki ularni saqlash va tekshirish turlari bilan ajralib turadi. Eng keng tarqalgan usul – foydalanuvchilar parolini tizimli fayllarda, ochiq holda saqlash usulidir. Bunda fayllarga oʼqish va yozishdan himoyalash atributlari oʼrnatiladi (masalan, operatsion tizimdan foydalanishni nazoratlash ruyxatidagi mos imtiyozlarni tavsiflash yordamida). Tizim foydalanuvchi kiritgan parolni parollar faylida saqlanayotgan yozuv bilan solishtiradi. Bu usulda shifrlash yoki bir tomonlama funktsiyalar kabi kriptografik mexanizmlar ishlatilmaydi. Ushbu usulning kamchiligi – niyati buzuq odamning tizimda maʼmur imtiyozlaridan, shu bilan birga tizim fayllaridan, jumladan parol fayllaridan foydalanish imkoniyatidir.
Koʼp martali parollarga asoslangan oddiy autentifikatsiyalash tizimining bardoshligi past, chunki ularda autentifikatsiyalovchi axborot maʼnoli soʼzlarning nisbatan katta boʼlmagan toʼplamidan jamlanadi. Koʼp martali parollarning taʼsir muddati tashkilotning xavfsizligi siyosatida belgilanishi va bunday parollarni muntazam ravishda almashtirib turish lozim. Parollarni shunday tanlash lozimki, ular lugʼatda boʼlmasin va ularni topish qiyin boʼlsin.
Bir martali parollarga asoslangan autentifikatsiyalashda foydalanishga har bir soʼrov uchun turli parollar ishlatiladi. Bir martali dinamik parol faqat tizimdan bir marta foydalanishga yaroqli. Аgar, hatto kimdir uni ushlab qolsa ham parol foyda bermaydi. Odatda bir martali parollarga asoslangan autentfikatsiyalash tizimi masofadagi foydalanuvchilarni tekshirishda qoʼllaniladi.
Bir martali parollarni generatsiyalash apparat yoki dasturiy usul oqali amalga oshirilishi mumkin. Bir martali parollar asosidagi foydalanishning apparat vositalari tashqaridan toʼlov plastik kartochkalariga oʼxshash mikroprotsessor oʼrnatilgan miniatyur qurilmalar koʼrinishda amalga oshiradi. Odatda kalitlar deb ataluvchi bunday kartalar klaviaturaga va katta boʼlmagan displey darchasiga ega.
Foydalanuvchilarni autentifikatsiyalash uchun bir martali parollarni qoʼllashning quyidagi usullari maʼlum:
Yagona vaqt tizimiga asoslangan vaqt belgilari mexanizmidan foydalanish.
Legal foydalanuvchi va tekshiruvchi uchun umumiy boʼlgan tasodifiy parollar ruyxatidan va ularning ishonchli sinxronlash mexanizmidan foydalanish.
Foydalanuvchi va tekshiruvchi uchun umumiy boʼlgan bir xil dastlabki qiymatli psevdotasodifiy sonlar generatoridan foydalanish.
Birinchi usulni amalga oshirish misoli sifatida SecurID autentikatsiyalash texnologiyasini koʼrsatish mumkin. Bu texnologiya Security Dynamics kompaniyasi tomonidan ishlab chiqilgan boʼlib, qator kompaniyalarning, xususan Cisco Systems kompaniyasining serverlarida amalga oshirilgan.
Vaqt sinxronizatsiyasidan foydalanib autentifikatsiyalash sxemasi tasodifiy sonlarni vaqtning maʼlum oraligʼidan soʼng generatsiyalash algoritmiga asoslangan. Аutentifikatsiya sxemasi quyidagi ikkita parametrdan foydalanadi:
-har bir foydalanuvchiga atalgan va autentifikatsiya serverida hamda foydalanuvchining apparat kalitida saqlanuvchi noyob 64-bitli sondan iborat maxfiy kalit;
-joriy vaqt qiymati.
Masofadagi foydalanuvchi tarmoqdan foydalanishga uringanida undan shaxsiy identifikatsiya nomeri PINni kiritish taklif etiladi. PIN toʼrtta oʼnli raqamdan va apparat kaliti displeyida akslanuvchi tasodifiy sonning oltita raqamidan iborat. Server foydalanuvchi tomonidan kiritilgan PIN-koddan foydalanib maʼlumotlar bazasidagi foydalanuvchining maxfiy kaliti va joriy vaqt qiymati asosida tasodifiy sonni generatsiyalash algoritmini bajaradi. Soʼngra server generatsiyalangan son bilan foydalanuvchi kiritgan sonni taqqoslaydi. Аgar bu sonlar mos kelsa, server foydalanuvchiga tizimdan foydalanishga ruxsat beradi.
Аutentifikatsiyaning bu sxemasidan foydalanishda apparat kalit va serverning qatʼiy vaqtiy sinxronlanishi talab etiladi. Chunki apparat kalit bir necha yil ishlashi va demak server ichki soati bilan apparat kalitining muvofiqligi asta-sekin buzilishi mumkin.
|
| |
