| Maddə 12. Səlahiyyətli orqanlar
Hazırki Sazişi həyata keçirmək üçün təyin edilmiş səlahiyyətli orqanlar aşağıdakılardır:
Azərbaycan Respublikası Hökuməti tərəfindən:
Nəqliyyat Nazirliyi formalaşanadək «Azəravtonəqliyyat» Dövlət Konserni;
İran İslam Respublikası Hökuməti tərəfindən:
Yol və Nəqliyyat Nazirliyi.
Maddə 13. Birgə Komissiya
1. Bu Sazişin yerinə yetirilməsinə nəzarət etmək üçün və bütün tənzimlənməyən məsələlərin operativ həlli məqsədi ilə Razılığa gələn Tərəflərin səlahiyyətli orqanları, özlərinin nümayəndələrindən ibarət Birgə Komissiya yaradacaqlar. Birgə Komissiyanın vəzifələri aşağıdakılardan ibarətdir:
a) hazırki Sazişin 12-ci maddəsində göstərilən səlahiyyətli orqanlar tərəfindən bilavasitə tənzimlənə bilməyən problemlərin öyrənilməsi və həlli üçün təkliflərin verilməsi;
b) hazırki Sazişin tətbiqi ilə bağlı bütün digər məsələlərə baxılması və onların həlli üçün tövsiyyələrin verilməsi;
c) avtomobil daşımalarına dair qarşılıqlı razılaşdırılması tələb olunan digər məsələlərə baxılması.
d) Birgə Komissiya hazırki Sazişə hər hansı bir əlavə və dəyişikliklər haqqında təklifini razılaşdırmaq üçün səlahiyyətli orqanlara təqdim etməlidir. Dəyişikliklər bu Sazişin ayrılmaz hissəsi olan protokollarla rəsmiləşdirilir və 14-cü maddənin müddəalarına uyğun olaraq qüvvəyə minir.
e) Razılığa gələn Tərəflər Birgə Komissiyanın qərarlarını həyata keçirməlidir.
2. Razılığa gələn Tərəflərdən birinin səlahiyyətli orqanlarının yazılı müraciəti əsasında, Birgə Komissiyanın toplantıları növbə ilə Razılığa gələn Tərəflərin ərazilərində keçiriləcək.
| 