Alçaq tezlik filtrləri (ATF). Şəffaflıq zolağı sıfırdan ωs sərhəd tezliyinə qədər olan və qalan tezliklərdə rəqsləri kəskin söndürən filtrlər a l ç a q t e z l i k f i l t r l ə r i adlanır. Şəkil 2.21-da T-şəkilli və П-şəkilli ATF-in elementar dövrələrinin sxemləri göstərilmişdir. Burada ardıcıl birləşdirilmiş müqavimətlər induktiv xarakterli, paralel birləşdirilmiş müqavimətlər isə tutum xarakterli olur.
Şəkil 2.21.T-şəkilli (a) və П-şəkilli (b) alçaq tezlik filtrləri.ATF-in tezlik xarakteristikası.
Filtrin sərhəd tezliyi və yük müqaviməti Ry = olduğunu nəzərə alsaq, filtrin L və C parametrlərini
; (2.22)
ifadələrindən tapmaq olar.
Yüksək tezlik filtrləri (YTF). Müəyyən sərhəd tezliyindən sonsuzluğa kimi şəffaf olan filtrlərə yüksək tezlik filtrləri deyilir. YTF-də ardıcıl qoşulmuş müqavimətlər tutum xarakterli, paralel qoşulmuş müqavimətlər isə induktiv xarakterli olur. Şəkil 2.22-də T-şəkilli və П-şəkilli YTF-in sxemləri göstərilmişdir.
Şəkil 2.22.T-şəkilli (a) və П-şəkilli (b) yüksək tezlik filtrləri.YTF-in tezlik xarakteristikası.
YTF alçaq tezlik oblastında qeyri-şəffafdır və bu oblastda onun xarakteristik müqaviməti reaktiv xarakter daşıyır. Bu reaktiv müqavimət T-şəkilli filtr üçün induktiv, П-şəkilli üçün isə tutum xarakterli olur. Tezliyin qiyməti onun sərhəd tezliyindən böyük olduqda YTF-in xarakteristik müqaviməti aktiv olur.
Tezlik azaldıqca ardıcıl qoşulmuş tutumların müqavimətləri artır, paralel qoşulmuş induktivliklərin müqavimətləri isə azalır; bu da alçaq tezlik oblastına keçdikdə filtrin çıxışında gərginliyin azalmasına, yəni sönmə əmsalının artmasına səbəb olur. YTF elementlərinin induktivlik və tutumlarını hesablamaq üçün bu düsturlardan istifadə olunur.
; . (2.23)
|
