KASHTACHILIKDA AKS ETGAN O’ZBEK DO’PPILARI
Andijon do’ppilari
Andijonda qizlar kiyishiga mo’ljallangan “oqpar” do’ppilarning foni asosan oq rangda, kashta nusxasining “chorgul” kompozistiyasi qo’llanilib, tepa qismi zigzak yo’li orqali to’rt tarkka ajratilib tayyorlanadi. Har bir tarkka bir xil gulg’unchalar joylashtiriladi va ba’zan gullar orasiga yozuvlar bilan bezak beriladi.
Erkaklar do’ppisining tepa qismiga solingan to’rt dona bodom tasviri kichikrok hajmda, kizaklarda joylashgan yarim oy shakllarining balandligi bir xil bo’lmay, choklar ichiga to’shama (qog’oz, ip va h.k. kabi) qo’yilmasdan to’liq tabiiy to’ldirib tikilishi bilan farqlanadi. Andijon do’ppilarining “cetora” va “injiq” nusxalari choklarining o’ta mayda va nafisligi bilan xarakterlanib, boshqa do’ppio’zlik maktablaridan farqlanadi. Hozirgacha saqlanib, yanada sayqallanib kelayotgan “andijon”, “setora”, “injiq”, “qalin”, “shahrixon”, “paxtaobod” kabi nusxalarni xalq sevib kiymoqda.
|
