2-mavzu:Bolalar kiyimi turlari.
Reja:
1.
Bolalar kiyimlarini klassifikatsiyasi
2.
Katta maktab yoshidagi bolalar kiyimi
3.
Maktabgacha tarbiya yoshidagi bolalar kiyimi
Tayanch iboralar
: gavda,
proporsiya, gigiyenik,
dekorativ, siluet, element, yumshoq,
qayishqoq, mayka, pijama, jemper, retuz, shim, yubka, palto, kombenzon
Bolalar kiyimini modellashtirish va badiiy bezatish gavda, proporsiya,
bolaning
psixologiyasi bilan bog'liq.
Bolalar kiyimlarini klassifikatsiyasi.
Bolalarning kiyimini loyihalashda uning
tarbiyaviy ahamiyatiga e'tibor berish lozim.
Bunday kiyim, avvalo, qulay, gigiyenik,
dekorativ, bola mashg'ulotlariga xalaqit bermaydigan bo'lishi kerak.
Gavdaning yoshga
nisbatan o'zgarish xususiyati kiyim shakli, silueti va uning proporsiyasini aniqlaydi.
Modellashtirish nuqtayi nazaridan bolalar kiyimi quyidagi guruhlarga bo'linadi: yasli,
maktabgacha tarbiya, kichik maktab yoshi, o'rta maktab yoshi va katta maktab yoshi.
Yasli yoshidagi bolalar kiyimiga uch yoshgacha bo'lgan
bolalar kiyimi kiradi;
maktabgacha tarbiya yoshiga — 6 yoshdagi bolalar; kichik maktab yoshiga — 11
yoshgacha bo'lgan bolalar; o'rta maktab yoshiga — 15 yoshgacha bo'lgan bolalar;
katta
maktab yoshiga — 18 yoshgacha bo'lgan bolalar kiyimi kiradi. Har bir guruh kiyimi
o'zining rangli gammasi, tasviri va mato usuli bilan tavsiflanadi.
