Ushbu qo‘llanma 5111700 - Boshlang‘ich ta’lim yo‘nalishlarida tahsil
olayotgan bakalavr va magistrantlar, boshlang‘ich sinf o‘qituvchilari, pedagogika
kollejlarining shu yo‘nalishda tahsil olayotgan talabalari uchun mo‘ljallangan
bo‘lib, unda ixtisoslashtirilgan sinflarda matematika o’qitishni
tashkil etish
metodikasi, matematikaga ixtisoslashgan sinflarda o’qitishda o’quvchilarning
mustaqil fikrlashini shakllantirish maqsadida o’quvchilar egallashi kerak bo’lgan
malaka va ko’nikmalar, o’quvchilar bilimini tekshirish va qiziqarli mashg’ulotlar
tashkil etishga oid tavsiyalar,……………………………..…kabilar yoritilgan.
Mas’ul muharrir: p.f.n., dotsent Qosimov Fayzullo Muxammedovich
Taqrizchilar:
M.J.SAIDOVA, pedagogika fanlari bo’yicha falsafa doktori, dotsent
Z.D.HASANOVA, pedagogika fanlari nomzodi, dotsent
Mazkur o’quv qo’llanma Buxoro davlat universiteti Ilmiy Kengashi
qarori asosida nashrga tavsiya etilgan ( )
So’z boshi
Zamonaviy ta’limda ta’lim muassasalardagi o‘qitish sifatini ta’minlashga
qaratilgan tizimli islohotlar zamirida bo‘lajak o‘qituvchilarning kasbiy mahorati,
ularning zamonaviy ta’lim va innovatsion texnologiyalar, ilg‘or xorijiy tajribalarni
o‘zlashtirish borasidagi zamonaviy bilim, ko‘nikma va
malakalarini rivojlantirish
dolzarb vazifalardan sanaladi. Mamlakatimizda pedagog kadrlarni tayyorlash
jarayonini modernizatsiyalash, sohadagi zamonaviy rivojlanish tendentsiyalari,
ilg‘or xorijiy tajribalar va innovatsion yondashuvlar asosida ta’lim
mazmuni va
o‘qitish sifatini takomillashtirish muhimligi sababli u davlat siyosati darajasiga
ko‘tarilgan.
Respublikamizda umumiy o‘rta ta’lim maktablarining uzluksiz rivojlanishi
uchun iqtisodiy, siyosiy, huquqiy shart-sharoit yaratildi. Jumladan,
hukumatimiz
tomonidan qabul qilingan qator me’yoriy hujjatlarda o‘qitishni sifat jihatdan yangi
bosqichga ko‘tarish sohasida qator tadbirlar boshlab qo‘yilgan. Xususan,
boshlang‘ich ta’limda o‘qitishga alohida e’tibor qaratilib, bo‘lajak boshlang‘ich
sinf o‘qituvchilarini zamon talablari asosida malakali kadr etib tayyorlash bugungi
kunning kechiktirib bo‘lmas muammolaridan biri sanaladi. Shuni hisobga olgan
holda O‘zbekiston Prezidenti Sh.M.Mirziyoyev quyidagilarni ta’kidlaydi: “Maktab
o‘quv dasturlarini ilg‘or xorijiy tajriba asosida takomillashtirish, o‘quv yuklamalari
va fanlarni qayta ko‘rib chiqish, ularni xalqaro standartlarga moslashtirish, darslik
va adabiyotlar
sifatini oshirish zarur
…
…Mamlakatimiz uchun ilm-fan sohasidagi
ustuvor yo‘nalishlarni aniq belgilab olishimiz kerak. Hech bir davlat ilm-fanning
barcha sohalarini bir yo‘la taraqqiy ettira olmaydi. Shuning uchun biz ham har yili
ilm-fanning bir nechta ustuvor yo‘nalishini rivojlantirish tarafdorimiz.
Joriy yilda matematika, kimyo-biologiya, geologiya kabi yo‘nalishlarda
fundamental va amaliy tadqiqotlar faollashtirilib, olimlarga barcha shart-sharoitlar
yaratib beriladi.
Shuningdek, ilm-fan sohasida fundamental va innovatsion
tadqiqotlar uchun maqsadli grant mablag‘larini ajratish mexanizmini tubdan qayta
ko‘rib chiqish kerak.” Darhaqiqat, hozirgi zamon umumiy o‘rta ta’lim maktablari
boshlang‘ich sinf o‘qituvchilari fan asoslari bilan qurollangan, dunyoqarashi keng,
pedagogika, psixologiya va fanlarni o‘qitish metodikasini chuqur o‘zlashtirgan,
zamonaviy texnologiyalardan xabardor shaxs bo‘lishi kerak.
Ma’lumki, boshlang‘ich ta’lim jarayoni juda murakkab jarayondir. Bu
jarayonni hozirgi kunda davr
talabi asosida tashkil etish, ya’ni uzluksiz ta’lim
tizimida uzviylikni ta’minlash boshlang‘ich sinf o‘qituvchilaridan katta mas’uliyat,
bilim, mahoratni talab etadi.
1-4-sinflardagi matematika darslari umumiy o‘rta ta’lim maktab
matematika fani uchun asos, poydevor ekan, bu sinflarda matematika o‘qitilishini
eng zamonaviy talablar darajasiga ko‘tarmoq zamon talabidir. Chunki, bolalarga
keyinchalik matematika va boshqa fanlar uchun zarur bo‘lgan elementar,
tushunchalar shu sinflarda singdiriladi.
Mazkur o‘quv qo‘llanmadan kuzatilgan maqsad yosh o‘qituvchilarga
matematika o‘qitishda sinfdan tashqari mashg‘ulotlar o‘tkazib,
matematika
o‘qitishning samarasini oshirish va o‘quvchilarni sinfdan tashqari mashg‘ulotlar
orqali bilim, ko‘nima va malakalarini orttirib borishlariga yordam berishdir.
Qo‘llanma boshlang‘ich ta’lim va sport, tarbiyaviy ish yo‘nalishida tahsil
olayotgan bakalavr va magistr talabalari, boshlang‘ich sinf o‘qituvchilari
uchun
mo‘ljallangan.
