Matnni kirituvchi komponentalar

Ma’lumotlarni kiritish va tahrirlash uchun Delphi da maxsus turli xil komponentlar berilgan. Masalan Edit, MaskEdit, Memo, RichEdit. Bulardan tashqari Delphi7 da yangi LabelEdit komponenti ham yaratilgan. Bu komponentlar orqali nafaqat ma’lumotlar chiqarish, xatto foydalanuvchi bu ma’lumotlarni o’zgartira olishi ham mumkin.

Bir satrda matnni kirituvchi komponentalarda ma’lumotni bir satrda chiqaradi va tahrirlashga ruxsat beradi. Delphi da bir nechta shunday komponentlar bor, bulardan ko’p foydalaniladiganlardan Edit komponentidir. Bu komponentga ma’lumotlarni kiritish yoki undan foydalanish uchun Text xususiyatidan foydalanamiz. Atrofidagi ramkalarni o’zgartirish, ranglash, shriftlarni sozlash barcha komponentlar uchun bir xil.

Satrda belgilarni registrini o’zgartirishi uchun CharCase xususiyatidan foydalanamiz va uning tipi TEditCharCase bo’lib uchta qiymatdan birini qabul qiladi.

- ecLowerCase - Belgilar kichik registrga o’tkaziladi (kichik harflarga).

- ecNormal - Belgilar registri o’zgartirilmaydi (kiritilgan belgi o’zligicha koladi).

- ecUpperCase- Belgilar katta registrga o’tkaziladi (katta harflarga).

Edit ni parol kiritishda ham foydalanish mumkin. Unda PasswordChar xususiyatidan foydalanamiz va uning tipi Char. Ma’lumot kiritish vaqtida, kiritilayotgan belgi o’rnida bu

xususiyatda berilgan belgi chiqaveradi. Masalan: Editl.PasswordChar:= ‘*’; Edit 1.Text:=’Parol’; Edit da ‘*****’ ko’rinishda chiqadi va uning Text xususiyatida ’Parol’ qiymati turadi.

Mask Edit komponenti. Bu komponent ham Edit komponentiga o’xshaydi MaskEdit ko’p hollarda ma’lumotlarni yashirish holda yoki biror bir kodlash orqali kiritishga to’gri kelib qoladi. Shunday holda bu komponentadan foydalanish mumkin. Masalan parol kiritishda va hokazo. Edit komponentidan farqli MaskEdit komponentida EditMask xususiyati mavjud. Bu xususiyat MaskEdit komponentida ma’lumotlarni qanday ko'rinishda chiqishini ko’rsatadi.