107
Kontributsiya – urushda yetkazilgan zarar o‘rnini qoplash uchun mag‘lub davlat
tomonidan to‘lanadigan to‘lov.
Senz – fuqarolarning saylov huquqidan foydalanishlarini cheklaydigan shartlar.
Ular mulk, yosh, jins va boshqa senzlar bo‘lishi mumkin.
1. Fransiyada Birinchi imperiya qay tariqa vujudga keldi?
2. Vena kongressida qanday masalalar hal etildi?
3. 1848-yil fevral inqilobi va uning oqibatlari haqida nimalarni bilib oldingiz?
4. Fransiyada Ikkinchi imperiya qay tariqa o‘rnatildi?
Ijodiy ish topshirig‘i
«Birinchi imperiya halokati sabablari» mavzusida esse yozing.
Fransiyada Birinchi va Ikkinchi imperiyaning ijobiy va salbiy jihatlarini Ò-chizma
asosida tahlil qiling va daftaringizga yozing.
22-mavzu: 1800–1870-YILLARDA GERMANIYA
VA ITALIYA
Germaniyada inqilobning kelib chiqish sabablari. Germaniya
inqilobining asosiy sababi – O‘rta asr feodal tartiblarining kapitalistik
taraqqiyotga to‘siq bo‘lib kelayotganligi edi. Buning natijasida Ger-
maniyada hamon siyosiy tarqoqlik hukm surardi. Oqibatda, yagona
umumiy bozor vujudga kelmadi. Sanoat va qishloq xo‘jaligi ishlab
chiqarishi boshqa ilg‘or davlatlardan orqada qoldi. Zo‘ravonlikka
asoslangan davlat boshqaruvi har qanday hurfikrlikni ta’qib qilar edi.
Bu omillar Germaniyada ham inqilobning yetilishiga olib keldi.
In-
