11
1
Matnli hujjat
bilan ishlashni boshlash
Matnni belgilash va tahrirlash
Ayrim hollarda matn yozayotganingizda xato qilib qoʻyishingiz mumkin. Yoki
yozib boʻlgan matn yoki uning qismlari oʻzingizga yoqmaydi va uni oʻzgartirishni
xohlaysiz. Matnning biror qismini oʻzgartirsangiz, bu uni
tahrirlash deb ataladi.
Matnni oʻchirish
Matnni tahrirlash uchun
avval keraksiz qismini
oʻchirishingiz kerak boʻladi.
Matnni bitta harfdan yoki butun soʻzni belgilab o‘chirishingiz mumkin. Agar
bitta gapni to‘liq o‘chirmoqchi bo‘lsangiz, ushbu gapni belgilashingiz kerak
bo‘ladi.
Matnni bitta harfdan oʻchirish uchun kursorni siz oʻchirmoqchi boʻlgan
harfning
oʻng tomoniga sichqonchaning chap tugmasini bir marta bosish orqali
joylashtiring. Kursor endi harfdan keyin joylashadi.
Endi
Backspace tugmasini bosing va shunda harf oʻchib ketganini koʻrasiz.
Agar
Backspace tugmasini
ushlab tursangiz, harflar birin-ketin oʻchib ketadi.
Backspace
Matnda soʻz yoki gapni bir vaqtda oʻchirish uchun avval soʻz yoki matnni
belgilang. Matnni belgilash uchun sichqoncha koʻrsatkichini
siz belgilamoqchi
boʻlgan soʻz yoki gapning oʻng tomoniga joylashtiring.
Sichqonchaning chap tugmasini bosib turgan holda,
sichqoncha kursorini
chapga, siz belgilamoqchi boʻlgan soʻz yoki gapning boshiga suring. Endi
sichqonchaning chap tugmasini qo‘yib yuboring, shunda soʻz
belgilanganini
koʻrasiz. Bunday
matn belgilangan deb ataladi, chunki uning foni boshqa rang
bilan bo‘yalganini ko‘rasiz.
Bu yerda qaysi matn belgilanganini ayta olasizmi?
