Elektr uzatish liniyalari, ochiq va sodda yopiq tarmoqlar holatlarini hisoblash

Agar sxemada kamida bitta kontur mavjud bo‘lsa, u yopiq deyiladi. Yopiq tarmoqda ikki yoki undan ortiq shoxobchalar orqali ta’minlanadigan kamida bitta tugun bo‘ladi, shuning uchun shoxobchalardan birining uzilishi boshqa shoxobchalarning iste’molchidan uzilishiga olib kelmaydi.

• Agar sxemada kamida bitta kontur mavjud bo‘lsa, u yopiq deyiladi. Yopiq tarmoqda ikki yoki undan ortiq shoxobchalar orqali ta’minlanadigan kamida bitta tugun bo‘ladi, shuning uchun shoxobchalardan birining uzilishi boshqa shoxobchalarning iste’molchidan uzilishiga olib kelmaydi.
• Elektr sxemaning elementlari aktiv va passiv elementlarga bo‘linadi. Passiv elementlar faqat elektr toki o‘tishi uchun yo‘l hosil qiladi va ular o‘z navbatida ikkiga - bo‘ylama va ko‘ndalang passiv elementlarga bo‘linadi.
• Ko‘ndalang passiv elementlar - bu sxemning tugunlari va xolis, ya’ni potensiali nolga teng bo‘lgan tugun oralig‘iga qo‘yilgan shoxobcha. Bo‘ylama passiv elementlar - bu potensiali nolga teng bo‘lgan tugundan (xolis tugundan) tashqari hamma tugunlarni birlashtiruvchi shoxobchalar, ya’ni bo‘ylama shoxobchalar xolis tugunga ulanmagan. Bo‘ylama shoxobchalar EUY va transformator chulg‘amlarining aktiv va induktiv qarshiliklari, bo‘ylama kompensatsiyalovchi qurilmalar sig‘imlari kabilarni o‘z ichiga oladi.

2. Elektr uzatish liniyasi holatini yuklama quvvati berilganda hisoblash

• Elektr uzatish liniyasi holatini yuklama quvvati berilganda hisoblash. EUL oxirida kuchlanish berilgan (U2=const). Yuklama quvvati S2, kuchlanishi U2, elektr uzatish liniyasining qarishiligi Z12=r12+jx12 va o‘tkazuvchanligi ma’lum (5.1a-rasm). Kuchlanish U1, uzatish liniyasining bo‘ylama qismi oxiri va boshlanishidagi quvvatlar S12(2), S12(1), quvvat isrofi ΔS12, uzatish liniyasi boshlanishidagi quvvat S1 larni topish talab etiladi. Qizish bo‘yicha cheklovni tekshirish maqsadida, ba’zan, I12 tokni ham topish talab etiladi.
• Hisoblash uzatish liniyasining oxiridan boshlanishiga tomon qidiriluvchi quvvat va kuchlanishlarni Kirxgof va Om qonunlaridan foydalanib aniqlash tartibida davom ettiriladi.