O‘zbekistonda olib borilayotgan islohotlar va amalga oshirilayotgan loyihalar.
“Elektron xukumat” – davlat hokimiyati va tashkilotlarda axborot texnologiyalaridan foydalanishdan maqsad tashkilotlarni birgalikda ishlash tezligi va samarasini oshirish, hamda barcha fuqarolarga xizmat ko‘rsatishni taqdim etishdan iborat.
Davlat organlari rahbarlari va mutaxassislaridan tuzilgan maxsus ishchi guruhi tomonidan mazkur yo‘nalishda dunyo etakchisi bo‘lmish Korea Respublikasi va boshqa xorijiy mamlakatlarning “Elektron hukumat” borasidagi ilg‘or tajribalarini inobatga olinib, “Elektron hukumat” tizimini shakllantirish bo‘yicha Konsepsiya va Kompleks dasturni, shuningdek, 2013-2017 yillarda O‘zbekiston Respublikasida Milliy axborot-kommunikatsiya tizimini rivojlantirish Kompleks dasturini ishlab chiqish amalga oshirilmoqda.
Loyihalarni ishlab chiqishda korealik va boshqa xorijiy ekspertlar faol qatnashmoqdalar, ushbu yo‘nalish bo‘yicha O‘zbekistonning turli vazirliklari va idoralari mutaxassislari bilan davra suhbatlari, uchrashuvlar, seminarlar va yig‘ilishlar o‘tkazilapti.
O‘zbekiston Respublikasida 2013-2017 yillarda “Elektron hukumat” tizimini shakllantirish bo‘yicha tayyorlanayotgan Konsepsiya va Kompleks dastur davlat organlarining o‘zaro va aholi hamda tadbirkorlik sub’ektlari bilan munosabatlarining bugungi holati va yo‘nalishlarini inobatga olgan holda, “Elektron hukumat” tizimini shakllantirish va rivojlantirish bo‘yicha asosiy vazifalarni belgilaydi.
O‘zbekistonda elektron hukumat tizimini joriy etilishining bosqichlarini quyidagi quyidagi ketma-ketlikda ifodalash o‘rinli bo‘ladi:
O‘zbekistonda elektron hukumat tizimini shakllantirish va amaliyotga joriy qilish borasidagi ilk portal bu – O‘zbekiston Respublikasi Hukumati portali – www.gov.uz bazasida boshlangan edi. Hukumat portalining asosiy sahifasida, saytga tashrif buyuruvchining e’tiboriga yaqqol tashlanadigan joyda alohida ajratib ko‘rsatilgan havola-tugmalar orqali taqdim etilgan. Bu, vazirliklar, idoralar va boshqa davlat tashkilotlarining veb-saytlarida taqdim etilayotgan interaktiv xizmatlarning yaxlit majmuasini tashkil qilib, zaruriy aloqa shakllari va giperhavolalar bilan ta’minlangan.
SHuningdek hukumat portalida, Vazirliklar, Agentlik va boshqa Davlat organlarining saytlariga havolalar, ularning manzillari, aloqa shakllari va mas’ul shaxslarining qabul kunlari batafsil yoritilgan. Hukumat portali orqali bir tomonlama axborot taqdim qilish, qonunchilik manbalari bilan tanishtirish shaklidan, ikki tomonlama, ya’ni, haqiqiy interaktiv xizmat shakliga o‘tish jarayonida birinchilardan bo‘libDavlat soliq inspeksiyasiboshlab berdi.
Hukumat portalida interaktiv davlat xizmatlarining soni ortib, ular sifat jihatdan ham takomillashib bordi. Keyingi davrda har bir davlat idorasi, tashkiloti, muassasa va boshqa tuzilmalarning, mahalliy hokimiyatlarning rasmiy veb-saytlarida alohida interaktiv xizmatlar bo‘limi tashkil etildi. Biroq, bu holatning bitta noqulaylik tarafi mavjud edi: ular tarqoq holda bo‘lib, har bir muassasaga murojaat etishda, uning sayti saytidan foydalanish, agar murojaatni ko‘rib chiqishda boshqa muassasaning ham ishtiroki talab qilinsa, bunda murojaat etuvchi fuqaro, ikkinchi muassasaga ham alohida murojaat bilan chiqishi kerak edi.
Ayrim tashkilotlarning veb-saytlarida ko‘rsatilgan manzillarning faol emasligi yoki murojaat e’tiborsiz qoldirilishi holati nazoratdan chetda qolar edi. SHu kabilarni bartaraf etish va davlat interaktiv xizmatlarini standartlashtirilgan yagona tizimga birlashtirish bu o‘rinda mantiqan to‘g‘ri va optimal variant bo‘lardi. SHu sababli ham Vazirlar Mahkamasining maxsus qarori bilan barcha davlat interaktiv xizmatlarining standartlashtirilgan yaxlit majmuini o‘zida namoyon etuvchi YAgona Davlat Interaktiv Xizmatlari Portali (YAIDXP)- www.my.gov.uz tashkil etildi va u 2013 yil 1-iyul sanasidan boshlab test rejimida ish boshladi.
|
