|
Falsafa muhammad al-xorazmiy nomidagi toshkent axborot texnologiyalari universiteti samarqand filiali hisob
|
| bet | 3/11 | | Sana | 22.05.2024 | | Hajmi | 0,89 Mb. | | #250590 | | Turi | Referat |
Bog'liq 14 MAVZU TOPSHIRIQ Referatning amaliy ahamiyati: “Tushuncha, tushunchani bo’lish va ta’riflash” Referatning o’rganish orqali egallangan bilimlar yoshlarning to’g’ri fikrlash madaniyatini shakllantirishga, ijodiy fikrlash qobiliyatini takomillashtirishga, erkin fikr yuritishga, ijtimoiy jarayonlarni tahlil qilishga o’rgatadi.
Referatning obyekti. Tushuncha, tushunchani bo’lish va ta’riflashni shakllantirishning usul va vositalari, hamda to’g’ri fikrlash madaniyatini yoshlar ongiga singdirishni targ’ib-tashviq qilish masalalari.
Referatning predmeti. Tushuncha, tushunchani bo’lish va ta’riflashni shakllantirish bo’yicha mavjud masalalar majmui.
Tushuncha, tushunchani bo’lish va ta’riflash.
Reja:
1. Tushunchaning umumiy tavsifi.
2. Tushunchalar o’rtasidagi munosabatlar.
3. Tushunchalarni chegaralash va umumlashtirish.
4. Tushunchalarni bo’lish. Klassifikasiya (turkumlash).
5.Tushunchalarni ta’riflash. Ta’riflashga o’xshash usullar.
1. Tushuncha predmet va hodisalarning umumiy, muhim belgilarini aks ettiruvchi tafakkur shaklidir.
Belgilar deb, predmetlarni bir-biridan farq qiluvchi hamda ularning bir-biriga o’xshashligini ifoda qiluvchi tomonlarga, xususiyatlarga aytiladi. Har bir predmet olamdagi boshqa predmetlar bilan (bevosita yoki bilvosita) aloqada bo’lganligi uchun ko’p belgilarga ega. Ularning ba’zilari faqat bitta predmetga xos bo’lgan, uning individual, yakkalik belgilarini tashkil qilsa, boshqalari predmetning ma’lum bir guruhiga tegishli bo’lib, umumiy belgilar hisoblanadi. Masalan, har bir kishi faqat o’zigagina xos bo’lgan ruhiy kechinmalar va shu kabi individual belgilarga ega. Shuning bilan birga kishilarning ma’lum bir guruhiga (mehnat jamoasi, millat va shu kabilarga tegishli) yoki barcha kishilarga (mehnat qilish, fikr yuritish qobiliyatlari, ijtimoiy munosabatlarda ishtirok qilishi va shu kabilar) xos bo’lgan umumiy belgilarga ega.
Individual va umumiy belgilarning ba’zilari predmetning mavjud bo’lishi uchun zarur bo’lib, uning tabiatini, mohiyatini ifodalaydi. Bunday belgilar predmetning muhim belgilari deyiladi. Masalan, davlatning mavjud bo’lishi uning o’z maydoni, aholisi, hokimiyat organlariga ega bo’lishini taqoza etadi.
|
| |
